Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມໃຫຍ່ ຄັ້ງທີ IV ຜູ້ແທນແນວລາວສ້າງຊາດເມືອງຫີນເຫີບ

1 min read

ວັນທີ 25 ສິງຫາ 2020 ຢູທີ່ສະໂມສອນເມືອງຫີນເຫີບແຂວງວຽງຈັນໂດຍການເຂົ້າຮ່ວມຂອງ ທ່ານ ທອງສະຫວັນ ວົງສໍາ
ພັນ ຄະນະປະຈໍາພັກແຂວງ ປະທານແນວລາວສ້າງຊາດແຂວງວຽງຈັນ, ມີ ທ່ານ ວອນ ວໍລະສານ ເລຂາພັກເມືອງ
ເຈົ້າເມືອງຫີນເຫີບ,

ທ່ານ ນ. ຫຼ້າວັນ ເສີມສະຫວັດ ຄະນະປະຈໍາພັກເມືອງ ປະທານແນວລາວສ້າງຊາດເມືອງ, ທ່ານ
ບົວທອງ ຈັນທະບຸນສຸກ ກໍາມະການພັກເມືອງ ອາດີດປະທານແນວລາວສ້າງຊາດເມືອງ, ມີຄະນະປະຈໍາ, ກໍາມະການ
ພັກເມືອງ, ຫົວໜ້າ, ຮອງຫົວໜ້າຫ້ອງການ, ກົມກອງ, ພະນັກງານອາວຸໂສບໍານານ, ຄະນະກໍາມະການແນວລາວສ້າງ
ຊາດຂັ້ນເມືອງ, ບ້ານ ແລະ ເຖົ້າແກ່ແນວໂຮມບ້ານທົ່ວເມືອງເຂົ້າຮ່ວມທັງໝົດ 126 ທ່ານ, ຍິງ 11 ທ່ານ, ພະສົ່ງ 1 ອົງ.


ທ່ານ ບົວທອງ ຈັນທະບຸນສຸກ ກໍາມະການພັກເມືອງ ອາດີດປະທານແນວລາວສ້າງຊາດເມືອງໄດ້ຂຶ້ນກ່າວເປີດກອງປະຊຸມຢ່າງເປັນທາງການພ້ອມທັງໄດ້ຜ່ານບົດລາຍງານການເມືອງຂອງຄະນະກໍາມະການແນວລາວສ້າງຊາດເມືອງຫີນເຫີບ ຊຸດທີ III ເຊິ່ງສະແດງອອກໃນໄລຍະຜ່ານມາຄະນະກໍາມະການແນວລາວສ້າງຊາດເມືອງກໍ່ໄດ້ເອົາໃຈໃສ່ຕັ້ງໜ້າເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ຂອງຕົນປະກອບສ່ວນອັນສໍາຄັນເຂົ້າໃນການປົກປັກຮັກສາ ແລະ ສ້າງສາພັດທະນາເມືອງຫີນເຫີບດ້ວຍຜົນງານຫຼາຍດ້ານເປັນຕົ້ນການສຶກສາອົບຮົມການເມືອງ – ແນວຄິດ, ເຕົ້າໂຮມຄວາມສາມັກຄີປອງດອງຂອງປະຊາຊົນບັນດາເຜົ່າໃຫ້ນັບມື້ນັບໜັກແໜ້ນເຂັ້ມແຂງຂຶ້ນ ເຮັດໃຫ້ອົງການຈັດຕັ້ງພັກ ລັດ,

ອົງການຈັດຕັ້ງມະຫາຊົນແນວລາວສ້າງຊາດຕະຫຼອດຮອດພໍ່ແມ່ປະຊາຊົນບັນດາເຜົ່າໄດ້ຮັບຮູ້ຄືນໃໝ່ ອົງການແນວລາວສ້າງຊາດເປັນອົງການຈັດຕັ້ງສໍາພັນທາງການເມືອງຂອງລະບອບປະຊາທິປະໄຕປະຊາຊົນເປັນຜູ້ສືບທອດພາ ລະກິດອັນສະຫງ່າອົງອາດກ້າຫານຂອງແນວລາວອິດສະຫຼະ ແລະ ແນວລາວຮັກຊາດໃນເມື່ອກ່ອນ ອົງການແນວລາວສ້າງຊາດຍັງເປັນໃຈກາງໃນການປະສານສົມທົບກັບອົງການຈັດຕັ້ງການເມືອງໃນທົ່ວສັງຄົມ ບັນດາຜູ້ແທນເຂົ້າຮ່ວມກອງປະຊຸມໄດ້ຜັດປ່ຽນກັນຂຶ້ນປະກອບຄໍາເຫັນໃສ່ບົດລາຍງານການເມືອງ ເພື່ອຊອກໃຫ້ເຫັນດ້ານດີ, ດ້ານອ່ອນ ແລະ ຂໍ້ຄົງຄ້າງ ເພື່ອວາງທິດທາງແກ້ໄຂໃນຊຸມປີຕໍ່ໜ້າ

ກອງປະຊຸມໄດ້ຜ່ານມະຕິຕົກລົງຂອງຄະນະປະຈໍາພັກເມືອງຫີນເຫີບວ່າດ້ວຍ ການແຕ່ງຕັ້ງຄະນະກໍາມະການແນວລາວສ້າງຊາດ ຊຸດທີ IV ເຊິ່ງປະກອບມີຈໍານວນ 29 ທ່ານ, ຍິງ 4 ທ່ານ ພະສົ່ງ 1 ອົງ ໃນນັ້ນແຕ່ງຕັ້ງ ທ່ານ ນ. ຫຼ້າວັນ ເສີມສະຫວັດ ເປັນປະທານແນວລາວສ້າງຊາດ, ທ່ານ ຄໍາຫຼ້າ ລັດສະໝີ ເປັນຮອງປະທານ, ທ່ານ ຄໍາຍອດ ຂຸນນົນທາ ເປັນຮອງປະທານ ແລະ ແຕ່ງຕັ້ງຄະນະກໍາມະການແນວລາວສ້າງຊາດເມືອຊຸດໃໝ່ຈໍານວນ 29 ທ່ານ, ຍິງ 4 ທ່ານ, ພະສົ່ງ 1 ອົງ ໃນໂອກາດດັ່ງກ່າວ ທ່ານທອງສະຫວັນ ວົງສໍາພັນ ຄະນະປະຈໍາພັກແຂວງ ປະທານແນວລາວສ້າງຊາດແຂວງວຽງຈັນຍັງໄດ້ມອບຄັອມພິວເຕີຍີ່ຫໍ້ ( Lenovo ) ຈໍານວນ 1 ຊຸດມູນຄ່າ 5.000.000 ກີບໃຫ້ຫ້ອງການແນວລາວສ້າງຊາດເມືອງ.


ທ່ານ ທອງສະຫວັນ ວົງສໍາພັນ ຄະນະປະຈໍາພັກແຂວງ ປະທານແນວລາວສາງຊາດແຂວງວຽງຈັນ ໄດ້ໃຫ້ກຽດໂອ້ລົມ ທ່ານໄດ້ເນັ້ນໜັກໃຫ້ຄະນະປະທານແນວລາວສ້າງຊາດຊຸດໃໝ່ຈົ່ງພ້ອມກັນເອົາໃຈໃສ່ຈັດຕັ້ງປະຕິບັດໜ້າທີ່ພາລະບົດບາດຂອງແນວລາວສ້າງຊາດໃນໄລຍະໃໝ່ ໂດຍສະເພາະແມ່ນການສຶກສາອົບຮົມການເມືອງ – ແນວຄິດເຕົ້າໂຮມຄວາມສາມັກຄີເປັນປຶກແຜນຂອງປະຊາຊົນບັນດາເຜົ່າທຸກຊັ້ນຄົນ, ສາສະໜາ ແລະ ເພດໄວ, ຈັດຕັ້ງປະຕິບັດແນວທາງນະໂຍບາຍຂອງພັກ – ລະບຽບກົດໝາຍຂອງລັດທີ່ວາງອອກແຕ່ລະໄລຍະໃຫ້ປະກົດຜົນເປັນຈິງ, ສືບຕໍ່ເຊີດຊູຄວາມເປັນແບບຢ່າງນໍາໜ້າໃນທຸກດ້ານພ້ອມກັນຈັດຕັ້ງປະຕິບັດໜ້າທີ່ວຽກງານ, ສືບຕໍ່ຊີ້ນໍາ – ນໍາພາພະນັກງານ ລັດຖະກອນ, ທະຫານ, ຕໍາຫຼວດ, ປະຊາຊົນບັນດາເຜົ່າບຸກບືນໃນການປະຕິບັດໜ້າທີ່ຄໍາສັ່ງຕ່າງໆ, ຕ້ານທຸກປະກົດການຫຍໍ້ທໍ້ທີ່ເກີດຂຶ້ນໃນສັງຄົມພ້ອມກັນສ້າງສາພັດທະນາບ້ານເມືອງໃຫ້ກາຍເປັນບ້ານ, ເມືອງສາມັກຄີປອງດອງ ປະ ຊາຊົນຮັ່ງມີຜາສຸກ, ສັງຄົມມີຄວາມເປັນລະບຽບຮຽບຮ້ອຍ, ປະຊາທິປະໄຕ, ຍຸຕິທໍາ ແລະ ສີວິໄລ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930