Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະບໍລິຫານງານພັກເມືອງລົງຊຸກຍູ້ວຽກງານວຽກງານ ຢູ່ບ້ານຊະນະຄາມ ເມືອງຊະນະຄາມ 

1 min read

ຄະນະບໍລິຫານງານພັກເມືອງລົງຊຸກຍູ້ວຽກງານວຽກງານ ຢູ່ບ້ານຊະນະຄາມ ເມືອງຊະນະຄາມ

ໃນລະຫວ່າງວັນທີ 25 ຫາ 26 ສິງຫາ 2020 ນີ້, ບັນດາຄະນະບໍລິຫານງານພັກເມືອງຊະນະຄາມ ນໍາໂດຍ ທ່ານ ສະໝານ ວິເສດຍະພົງສ໌ ເລຂາຄະນະບໍລິຫານງານພັກເມືອງ ເຈົ້າເມືອງຊະນະຄາມ, ພ້ອມດ້ວຍບັນດາຄະນະປະຈໍາພັກເມືອງກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ ບັນດາຄະນະຮັບຜິດຊອບ ແລະ ພະນັກງານຮາກຖານ, ໄດ້ລົງເຄື່ອນໄຫວຊຸກຍູ້ວຽກງານຢູ່ທີ່ບ້ານຊະນະຄາມ ເມືອງຊະນະຄາມ ແຂວງວຽງຈັນ, ໃນພິທີດັ່ງກ່າວໄດ້ມີບັນດາອົງການປົກຄອງບ້ານ, ບັນດາອົງການຈັດຕັ້ງມະຫາຊົນ, ຫົວໜ້າໜ່ວຍ ແລະ ປະຊາຊົນພາຍໃນບ້ານດັ່ງກ່າວ ເຂົ້າຮ່ວມຢ່າງພ້ອມພຽງ.


ໃນມື້ທີ 1 ຂອງພິທີ ບັນດາຜູ່ເຂົ້າຮ່ວມຈະໄດ້ຮັບຟັງການເຊື່ອມຊຶມເນື້ອໃນ ມະຕິກອງປະຊຸມຄົບຄະນະບໍລິຫານງານສູນກາງພັກ ສະໄໝທີ X, ມະຕິຂອງກົມການເມືອງສູນກາງພັກວ່າດ້ວຍ ການເພີ່ມທະວີວຽກງານປ້ອງກັນຄວາມສະຫງົບໃນໄລຍະໃໝ່; ການຍົກສູງຄຸນນະພາບການດໍາເນີນຄະດີຕາມຂະບວນການຍຸຕິທໍາ; ການພັດທະນານະຄອນຫຼວງວຽງຈັນໃນໄລ ຍະໃໝ່; ວຽກງານແນວໂຮມ ແລະ ວຽກງານມະຫາຊົນຂອງພັກຍຸກໃໝ່; ທິດທາງເປົ້າໝາຍ ແລະ ມາດຕະການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ, ຮັບຟັງການຜ່ານແຜນການຈັດຕັ້ງເຄື່ອນໄຫວວຽກງານ 3 ສ້າງຂອງເມືອງ ແລະ ຈະໄດ້ພ້ອມກັນທົດລອງການປະເມີນການສ້າງບ້ານເປັນຫົວໜ່ວຍພັດທະນາຕາມ 4 ດ້ານ ແລະ 30 ຕົວຊີ້ບອກ.


ໃນມື້ສຸດທ້າຍ ຂອງພິທີຈະໄດ້ຮັບການເຊື່ອມຊຶມ ຄໍາແນະນໍາສະບັບເລກທີ 192/ຄກສກ, ລົງວັນທີ 26 ມິຖຸນາ 2017 ວ່າດ້ວຍການປັບປຸງການຈັດຕັ້ງຄະນະກວດກາພັກ, ອົງການກວດກາລັດຂອງກະຊວງອົງການ ແລະ ທ້ອງຖິ່ນ(ສະບັບປັງປຸງ), ຄໍາແນະນໍາຂອງຄະນະຈັດຕັ້ງສູນກາງພັກ ສະບັບເລກທີ 291/ຄຈສພ, ລົງວັນທີ 26 ເມສາ 2018 ກ່ຽວກັບການຈັດຕັ້ງປະຕິບັດຄໍາສັ່ງເລກທີ 01/ກມສພ, ວ່າດ້ວຍການເພີ່ມທະວີກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ,

ເພື່ອຈັດຕັ້ງທົດລອງປະເມີນຕີລາຄາຄຸນນະພາບ ຈັດແບ່ງປະເພດສະມາຊິກພັກ ແລະ ແບ່ງປະເພດໜ່ວຍພັກຢູ່ໃນໜ່ວຍພັກຂອງບ້ານດັ່ງກ່າວ.


ພ້ອມກັນນີ້ ໃນພິທີຍັງໄດ້ຈັດຕັ້ງເຊື່ອມຊຶມກົດໝາຍວ່າດ້ວຍສະຫະພັນແມ່ຍິງລາວ, ກົດລະບຽບຂອງສະຫະພັນແມ່ ຍິງລາວ, ເອກະສານກ່ຽວກັບການຈັດຕັ້ງປະຕິບັດຂໍ້ແຂ່ງຂັນ 3 ດີຂອງສະຫະພັນແມ່ຍິງລາວ, ຂໍ້ຕົກລົງວ່າດ້ວຍການເຄື່ອນ ໄຫວຂອງຄະນະກວດກາສະຫະພັນແມ່ຍິງຂັ້ນບ້ານ, ຂໍ້ກໍານົດວ່າດ້ວຍການຈັດຕັ້ງ ແລະ ເຄື່ອນໄຫວຂອງສະຫະພັນແມ່ຍິງຂັ້ນບ້ານ, ພາລະບົດບາດ, ສິດ ແລະ ໜ້າທີ່ຂອງຊາວໜຸ່ມປະຊາຊົນປະຕິວັດລາວ, ການແນະນໍາການຂຽນບົດສະຫຼຸບປະເມີນຂໍ້ແຂ່ງຂັນ 4 ບຸກ ແລະ ບົດສະຫຼຸບປະເມີນຂໍ້ແຂ່ງຂັນ 3 ດີ 4 ຮູ້ຂອງເຍົາວະຊົນທັນວາ, ລະບຽບການກ່ຽວກັບກອງທຶນພັດທະນາຊາວໜຸ່ມ, ວິທີການຂຽນຮ່າງບົດສະຫຼຸບ ແລະ ແຜນການຂອງຊາວໜຸ່ມ.


ຈຸດປະສົງ ກໍ່ເພື່ອເປັນການເຊື່ອມຊຶມໃຫ້ແກ່ບັນດາສະມາຊິກພັກ, ຜູ່ອາວຸໂສບໍານານ ແລະ ປະຊາຊົນບັນດາເຜົ່າພາຍໃນບ້ານ ໃຫ້ມີຄວາມຮັບຮູ້ ແລະ ເຂົ້າໃຈ, ທັງເປັນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VII ຂອງອົງຄະນະພັກເມືອງ ແລະ ສ້າງຂະບວນການເພື່ອຂໍານັບຮັບຕ້ອນ ກອງປະຊຸມໃຫຍ່ຂອງອົງຄະນະພັກແຂວງວຽງຈັນຄັ້ງທີ VI ທີ່ຈະໄຂຂຶ້ນໃນຕໍ່ໜ້າ.

ຂ່າວ:ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930