Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີຮັບຮອງໜ່ວຍສະຫະພັນແມ່ຍິງ 1 ໜ່ວຍກົມກອງ ແລະ 11 ໜ່ວຍບ້ານອ້ອມຂ້າງເປັນໜ່ວຍສະຫະພັນແມ່ຍີງ 3 ດີ ຄັ້ງທີ່ 4 ສະໄໝທີ່ VII

1 min read

ພິທີຮັບຮອງໜ່ວຍສະຫະພັນແມ່ຍິງ 1 ໜ່ວຍກົມກອງ ແລະ 11 ໜ່ວຍບ້ານອ້ອມຂ້າງເປັນໜ່ວຍສະຫະພັນແມ່ຍີງ 3 ດີ ຄັ້ງທີ່ 4 ສະໄໝທີ່ VII

ໃນວັນທີ 26 ສິງຫາ 2020, ຢູ່ທີ່ສະໂມສອນໃຫຍ່ ເມືອງວັງວຽງແຂວງວຽງຈັນໄດ້ຈັດພິທີຮັບຮອງໜ່ວຍສະຫະພັນແມ່ຍິງ 1 ໜ່ວຍກົມກອງ ແລະ 11 ໜ່ວຍບ້ານອ້ອມຂ້າງເມືອງເປັນໜ່ວຍສະຫະພັນແມ່ຍິງ 3 ດີ. ຄັ້ງທີ 4 ສະໄໝທີ່ 7 ຂຶ້ນຢ່າງເປັນທາງການ,

ໂດຍເປັນກຽດເຂົ້າຮ່ວມຂອງ ທ່ານ ບຸນຈັນ ມາລາວົງ ເລຂາພັກເມືອງເຈົ້າເມືອງໆວັງວຽງ, ມີ ທ່ານ ນາງຕູ່ ນັນທະວົງ ຮອງປະທານສະຫະພັນແມ່ຍິງເມືອງ, ຫົວໜ້າຮອງຫົວໜ້າຫ້ອງການອ້ອມຂ້າງເມືອງ, ມີປະທານສະຫະພັນແມ່ຍິງທັງ 1 ໜ່ວຍກົມກອງ ແລະ 11 ໜ່ວຍບ້ານ. ສະມາຊິກສະຫະພັນແມ່ຍິງເຂົ້າຮ່ວມຢ່າງພ້ອມພຽງ.


ໃນພິທີທ່ານ ນາງ ມະໂນລາ ພົມມະຈັນ ປະທານສະຫະພັນແມ່ຍິງມໍສໍຜາຕັ້ງ ຕາງໜ້າໃຫ້ສະຫະພັນແມ່ຍິງທັງ 1 ໜ່ວຍກົມກອງ ແລະ 11 ໜ່ວຍບ້ານ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ວ່າ: ໜ່ວຍສະຫະພັນແມ່ຍິງທັງ 1 ໜ່ວຍກົມກອງ 11 ໜ່ວຍບ້ານຄື: ໜ່ວຍໂຮງຮຽນມໍສໍຜາຕັ້ງ,ບ້ານພູດີນແດງ, ບ້ານໂພນວຽງ, ບ້ານນາຊົມ ,ບ້ານໂພນຄຳ, ບ້ານວັງໂພ, ບ້ານໂພນໄຊ, ບ້ານໂພນແກ້ວ, ບ້ານນ້ຳງາດ, ບ້ານນາມ່ວງ, ບ້ານຫ້ວຍສະເຫງົ້າ ແມ່ນອົງການຈັດຕັ້ງມະຫາຊົນໜຶ່ງເຊິ່ງເປັນເສນາທິການໃຫ້ແກ່ ຄະນະໜ່ວຍພັກ ທີ່ຂຶ້ນກັບ,

ໂດຍເຮັດໜ້າທີ່ສຶກສາອົມຮົມການເມືອງແນວຄິດ,ເຕົ້າໂຮມຄວາມສາມັກຄີແມ່ຍິງພາຍໃນໜ່ວຍປະຕິບັດແນວທາງນະໂຍບາຍຂອງພັກ-ລັດວາງອອກ. ເຊິ່ງທັງ 1 ໜ່ວຍກົມກອງ ແລະ 11 ໜ່ວຍບ້ານ ມີສະມະຊິກແມ່ຍິງທັງໝົດ 1,503 ສະຫາຍ,ມີ 4 ເຜົ່າຄື: ເຜົ່າລາວ 785 ສະຫາຍ,ເຜົ່າມົ້ງ 333 ສະຫາຍ,ເຜົ່າຂະມຸ 397 ສະຫາຍ ແລະ ເຜົ່າອິວມ້ຽນ 22 ສະຫາຍ, ນັກຮຽນ 66 ສະຫາຍ, ເຂົ້າເປັນສະມະຊິກພັກ 36 ສະຫາຍ,ສຳຮອງ 9 ສະຫາຍ,ສະມາຊິກຊາວໝຸ່ມ 15 ສະຫາຍ,ສະມາຊິກກຳມະບານ 15 ສະຫາຍ , ມີຄະນະໜ່ວຍ 61 ຄົນ ແລະ ແບ່ງອອກເປັນ 101 ຈຸ.


ເພື່ອຈັດຕັ້ງປະຕິບັດຂໍ້ແຂ່ງຂັນ 3 ດີໃນຕໍ່ໜ້ານັ້ນສະຫະພັນແມ່ຍິງທັງ 1 ໜ່ວຍກົມກອງ ແລະ 11 ໜວ່ຍບ້ານ ຕ້ອງໄດ້ຈັດແບ່ງເວລາໃຫ້ເໝາະສົມເພື່ອຊຸກຍູ້ການເຄື່ອນໄຫວຂະບວນການຈັດຕັ້ງປະຕິບັດຂໍ້ແຂ່ງຂັນ 3 ດີຂອງສະຫະພັນແມ່ຍິງໃຫ້ເປັນຂະ ບວນຟົດຟື້ນກວ່າເກົ່າ, ຄະນະສະຫະພັນແມ່ຍິງຕ້ອງເພີ່ມທະວີຄວາມເອົາໃຈໃສ່ໃນການຕິດຕາມກວດກາ ແລະ ຊຸກຍູ້ຂະບວນດັ່ງກ່າວ, ສະມາຊິກສະຫະພັນແມ່ຍິງທຸກຄົນຕ້ອງເປັນເຈົ້າການປະກອບສ່ວນເຂົ້າໃນການຈັດຕັ້ງປະຕິບັດຂໍ້ແຂ່ງຂັນ 3 ດີຢ່າງຕັ້ງໜ້າ.

ການຈັດຕັ້ງປະຕິບັດຂໍ້ແຂ່ງຂັນ 3 ດີ ຄື: ເປັນພົນ ລະເມືອງດີ, ພັດທະນາດີ ແລະ ສ້າງຄອບຄົວດີມີຄວາມຜາສຸກນັ້ນ ສະຫະພັນແມ່ຍິງທັງໝົດ ໃນ 1 ໜ່ວຍກົມກອງ ແລະ 11 ໜວ່ຍບ້ານ, ຜ່ານການສະຫລຸບ, ປະເມີນຜົນງານ ແລະ ຄັດເລືອກປະເພດດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ຄັ້ງທີ່ 4 ສະໄໝທີ່ 7 ສາມາດປະເມີນພົນລະເມືອງດີໄດ້ 1,488 ສະຫາຍ, ພັດທະນາດີ 1,219 ສະຫາຍ, ສ້າງຄອບຄົວມີຄວາມຜາສຸກ 1,488 ສະຫາຍ, ແລະ ໄດ້ຢັ້ງຢືນສະມະຊິກສະຫະພັນແມ່ຍິງ 3 ດີທັງໝົດໄດ້ 1,488 ສະຫາຍ, ໃນນັ້ນປະເພດ 1 ມີ 1,219 ສະຫາຍ, ປະເພດ 2 ໄດ້ 269 ສະຫາຍ ໃຫ້ກຽດຂຶ້ນມອບໃບຢັ້ງຢືນ ໜ່ວຍສະຫະພັນແມ່ຍິງທັງ 1 ໜ່ວຍກົມກອງ ແລະ 11 ໜ່ວຍບ້ານເປັນໜ່ວຍສະຫະພັນແມ່ຍິງ 3 ດີ ໂດຍ ທ່ານ ບຸນຈັນ ມາລາວົງ ເລຂາພັກເມືອງເຈົ້າເມືອງໆວັງວຽງ ແລະ ກ່າວຮັບໂດຍປະທານສະຫະພັນແມ່ຍິງທັງ 1 ໜ່ວຍກົມກອງ ແລະ 11 ໜ່ວຍບ້ານ, ຫລັງຈາກນັ້ນກໍ່ໄດ້ພ້ອມກັບຈັບມືກັນແຂ່ງຂັນຮັບເອົາຂໍ້ແຂ່ງຂັນ 3 ດີ.


ຕອນທ້າຍພີທີ ທ່ານບຸນຈັນ ມາລາວົງ ເລຂາພັກເມືອງເຈົ້າເມືອງໆວັງວຽງໄດ້ໃຫ້ກຽດຂຶ້ນໂອລົມ ແລະ ໃຫ້ທິດຊີ້ນຳ ໂດຍທ່ານໄດ້ເນັ້ນໜັກໃຫ້ເອື້ອຍນ້ອງແມ່ຍິງຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ຂອງສະຫະພັນແມ່ຍິງລາວ ໃຫ້ປະກົດຜົນເປັນຈິງ.

ຂ່າວ:ໝອນແກ້ວ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930