Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກຸ່ມບ້ານນາມົນ ແລະ ກຸ່ມບ້ານບວມຜຸກ ເມືອງກາສີ ແຂວງວຽງຈັນ ຖືກປະກາດຮັບຮອງເປັນກຸ່ມບ້ານວັດທະນະທຳ

1 min read

ກຸ່ມບ້ານນາມົນ ແລະ ກຸ່ມບ້ານບວມຜຸກ ເມືອງກາສີ ແຂວງວຽງຈັນ ຖືກປະກາດຮັບຮອງເປັນກຸ່ມບ້ານວັດທະນະທຳ.

ພິທີປະກາດກຸ່ມບ້ານນາມົນ ແລະ ກຸ່ມບ້ານບວມຜຸກ ເມືອງກາສີ ແຂວງວຽງຈັນ ເປັນກຸ່ມບ້ານວັດທະນະທຳ ແຫ່ງທີ1, ທີ2 ຂອງເມືອງ ແລະ ແຫ່ງທີ19,ທີ20 ຂອງແຂວງ ໄດ້ຈັດຂຶ້ນໃນວັນທີ 26 ສິງຫາ 2020, ຢູ່ທີ່ສະໂມສອນຂອງເມືອງ,

ໂດຍການເປັນກຽດເຂົ້າຮ່ວມຂອງ ທ່ານ ນາງ ອິ່ນຄຳ ພັນດາລາ ກຳມະການພັກແຂວງ, ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງວຽງຈັນ, ທ່ານ ສີທົນ ແສງພະຈັນ ເລຂາພັກເມືອງ, ເຈົ້າເມືອງໆກາສີ, ມີຫົວໜ້າຫ້ອງການ, ຫົວໜ້າກຸ່ມບ້ານ, ເລຂາພັກບ້ານ, ນາຍບ້ານ ພາຍໃນ 2 ກຸ່ມບ້ານດັ່ງກ່າວເຂົ້າຮ່ວມ.


ທ່ານ ພູຜ່ານ ພູວົງ ຫົວໜ້າກຸ່ມບ້ານນາມົນໄດ້ສະຫູຼບລາຍງານສະພາບການສ້າງ 2 ກຸ່ມບ້ານດັ່ງກ່າວ ເປັນກຸ່ມບ້ານວັດທະນະທຳໃນໄລຍະຜ່ານມາ ທັງ 2 ກຸ່ມບ້ານໄດ້ມີການພັດທະນາຢ່າງບໍ່ຢຸດຢັ້ງໜ່ວຍພັກສາມາດຮັບຮອງເປັນໜ່ວຍພັກແຂງຮູ້ນໍາພາຮອບດ້ານແລ້ວ 3 ໜ່ວຍພັກ,

ແຕ່ລະບ້ານມີສະໂມສອນ ແລະ ຫ້ອງການບ້ານຢ່າງເປັນລະບົບ, ເສດຖະກິດມີການເຕີບໃຫຍ່ຂະຫຍາຍຕົວ, ປະຊາຊົນມີລາຍຮັບເພີ່ມຂຶ້ນມີເຂົ້າກຸ່ມກິນ ແລະ ແຮໄວ້,ສັງຄົມມີຄວາມສະຫງົບປອດໄພໂດຍພື້ນຖານວັດທະນະທໍາ ແລະ ຮີດຄອງປະເພນີອັນດີງາມຂອງເຜົ່າຕ່າງໆໄດ້ຮັບການອະນຸລັກຮັກສາ ແລະ ເສີມຂະຫຍາຍຢ່າງຕັ້ງໜ້າ


ທ່ານ ແຫຼວທອງ ແສງສຸລິຍາ ກຳມະການພັກເມືອງ, ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງກາສີໄດ້ກ່າວໃນພິທີວ່າ: ທັງ 2 ກຸ່ມບ້ານ ປະກອບມີທັງໝົດ 13 ບ້ານ, ມີ 2.148 ຫຼັງຄາເຮືອນ, ມີ 2.345 ຄອບຄົວ, ມີຈານວນ
ພົນລະເມືອງທັງຫມົດ 11.598 ຄົນ, ຍິງ 5.773 ຄົນ, ມີ 12 ບ້ານແມ່ນໄດ້ຖືກຮັບຮອງເປັນບ້ານ


ວັດທະນະທໍາແລ້ວ ເທົ່າກັບ 92,30% , ມີຄອບຄົວວັດທະນະທຳ 1.909 ຄອບຄົວ ເທົ່າກັບ 87,01%, ມີ
ບຸກຄົນວັດທະນະທຳທັງໝົດ 10.447 ຄົນ ເທົ່າກັບ 96,88%. ຜ່ານການ ຈັດແບ່ງປະເພດບຸກຄົນ, ຄອບຄົວ ແລະ ບ້ານວັດທະນະທຳ ເຫັນວ່າທັງ 2 ກຸ່ມບ້ານແມ່ນມີເງື່ອນໄຂ, ມາດຖານ ສາມາດປະກາດຮັບຮອງເປັນກຸ່ມບ້ານວັດທະນະທຳໄດ້ ຈຶ່ງໄດ້ຈັດພິທີປະກາດຮັບຮອງເອົາຢ່າງເປັນທາງການ,ໃຫ້ກຽດມອບໃບຢັ້ງຢືນກຸ່ມບ້ານວັດທະນະທຳໃຫ້2ກຸ່ມບ້ານດັ່ງກ່າວໂດຍແມ່ນທ່ານ ນາງ ອິ່ນຄຳ ພັນດາລາ ກຳມະການພັກແຂວງ, ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ,

ພ້ອມທັງໃຫ້ກຽດເປີດປ້າຍປະກາດກຸ່ມບ້ານນາມົນ ແລະ ກຸ່ມບ້ານບວມຜຸກ ເມືອງກາສີ ແຂວງວຽງຈັນ ເປັນກຸ່ມບ້ານວັດທະນະທຳ ແລະ ລັ່ນຄ້ອງ 9 ບາດ ເພຶ່ອເປັນສິລິມຸງຄຸນໃຫ້ແກ່ 2 ກຸ່ມບ້ານດັ່ງກ່າວອີກດ້ວຍ.

ຂ່າວ: ບຸນມາ ແກ້ວບຸດດາ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930