Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ໂຮງຮຽນລ້ຽງເດັກ-ອະນຸບານ-ປະຖົມ ພອນສະຫວັນ ຈັດພິທີສະຫລຸບສົກຮຽນ 2019-2020

1 min read

ໂຮງຮຽນລ້ຽງເດັກ-ອະນຸບານ-ປະຖົມ ພອນສະຫວັນ
ຈັດພິທີສະຫລຸບສົກຮຽນ 2019-2020


ໃນຕອນເຊົ້າຂອງວັນທີ 25 ສິງຫາ 2020 ນີ້, ຢູ່ທີ່ ໂຮງຮຽນພອນສະຫວັນ ເມືອງວັງວຽງແຂວງວຽງຈັນ, ໄດ້ຈັດພິທີສະຫລຸບສົກຮຽນ 2019-2020 ຂຶ້ນຢ່າງເປັນທາງການ.

ໂດຍພາຍໃຕ້ການເປັນປະທານຂອງ ທ່ານ ບຸນ ປາລາມີ ຮັກສາການຫົວຫນ້າຫ້ອງການສຶກສາທິການ ແລະກິລາເມືອງວັງວຽງ, ມີທ່ານ ດຳລົງສັກ ດວງພະມະນີ ອຳນວຍການໂຮງຮຽນພອນສະຫວັນ, ທ່ານ ໄມ ນາມມະໄຊ ນາຍບ້ານໆເມືອງຊອງ, ມີບັນດາພໍ່ແມ່ນັກຮຽນແລະນ້ອງນ້ອຍນັກຮຽນເຂົ້າຮ່ວມ.


ທ່ານ ດຳລົງສັກ ດວງພະມະນີ ອຳນວຍການໂຮງຮຽນພອນສະຫວັນ ໄດ້ຂຶ້ນຜ່ານບົດສະຫລຸບວ່າ: ໂຮງຮຽນພອນສະຫວັນໄດ້ສ້າງຕັ້ງຂື້ນໂດຍອີງຕາມຂໍ້ຕົກລົງຂອງທ່ານເຈົ້າເມືອງໆວັງວຽງ ສະບັບເລກທີ 1881/ຈມວວ ລົງວັນທີ 19/5/2015. ມີຜູ້ອຳນວຍການ 1 ຄົນ, ຮອງຜູ້ອຳນວຍການ 1 ຄົນ, ຍິງ 1 ຄົນ. ຄູສອນ 9 ຄົນ, ຍິງ 9 ຄົນ. ມີນັກຮຽນທັງໝົດ 96 ຄົນ, ຍິງ 42 ຄົນ, ໃນນັ້ນລວມຊັ້ນລ້ຽງເດັກແລະອະນຸບານ ມີທັງໝົດ 76 ຄົນ, ຍິງ 31 ຄົນ,ຊັ້ນປະຖົມລວມ ປໍ1 ແລະ ປໍ2 ແມ່ນ 20 ຄົນ, ຍິງ 11 ຄົນ.


ໃນພິທີແມ່ນຍັງໄດ້ມີການມອບໃບຍ້ອງຍໍ ໃຫ້ກັບຄູອາຈານ ຂັ້ນເຈົ້າແຂວງໆວຽງຈັນ 5 ທ່ານ, ຂັ້ນພະແນກສຶກສາທິການ ແລະກິລາແຂວງວຽງຈັນ 2 ທ່ານ, ແລະ ຂັ້ນໂຮງຮຽນ 2 ທ່ານໂດຍ ຄະນະປະທານໄດ້ຜັດປ່ຽນກັນຂຶ້ນມອບ.


ໃຫ້ກຽດມອບໃບຢັ້ງຢືນຈົບການສຶກສາຊັ້ນອະນຸບານຂອງນ້ອງນັກຮຽນຫ້ອງອະນຸບານໃຫຍ່ ໂດຍທ່ານ ບຸນ ປາລາມີ ຮັກສາການຫົວຫນ້າຫ້ອງການສຶກສາທິການ ແລະກິລາເມືອງວັງວຽງ ແລະໃຫ້ກຽດຂຶ້ນຮັບໂດຍບັນດານ້ອງນ້ອຍອະນຸບານຈຳນວນ 16 ຄົນ, ຍິງ 10 ຄົນ.
ຫລັງຈາກນັ້ນ ບັນດາທ່ານຄະນະປະທານກໍ່ໄດ້ຜັດປ່ຽນກັນຂຶ້ນມອບ ໃບຢັ້ງຢືນນັກຮຽນກັ່ງ ປະເພດ 1 , ປະເພດ 2 ແລະປະເພດ 3.
ຕອນທ້າຍ ທ່ານ ບຸນ ປາລາມີ ຮັກສາການຫົວຫນ້າຫ້ອງການສຶກສາທິການ ແລະກິລາເມືອງວັງວຽງ ກໍ່ຍັງໃຫ້ກຽດຂຶ້ນໂອ້ລົມຕື່ມອີກ.

#ຂ່າວ:ວັງວຽງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031