Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງເຟືອງ ແຂວງວຽງຈັນ ປາຖະກະຖາ 3 ວັນປະຫວັດສາດ

1 min read

ເມືອງເຟືອງປາຖະກະຖາ 3 ວັນປະຫວັດສາດ


ຕອນເຊົ້າວັນທີ 26 ສິງຫາ 2020 ຜ່ານມານີ້ ຢູ່ທີ່ສະໂມສອນເມືອງເຟືອງໄດ້ຈັດພິທີ ປາຖະກະຖາ ເລົ່າມູນເຊື້ອ 3 ວັນປະຫັວດສາດຄື: ວັນຢຶດອໍານາດທົ່ວປະເທດ 75 ປີ ( 23 ສິງຫາ 1945 – 23 ສິງຫາ 2020 ) ວັນລັດຖະທໍາມະນູນ ແຫ່ງ ສປປລາວ ຄົບຮອບ 29 ປີ ( 15 ສິງຫາ 1991 – 15 ສິງຫາ 2020 ) ແລະວັນສ້າງຕັ້ງອາຊຽນຄົບຮອບ 53 ປີ ( 8 ສິງຫາ 1967 – 8 ສິງຫາ 2020 )

ໂດຍການເປັນກຽດຂື້ນປາຖະກະຖາ ຂອງ ທ່ານ ຄໍາເພັດ ຈັນສົມພູ ເລຂາພັກເມືອງ ເຈົ້າເມືອງໆເຟືອງ ມີບັນດາຄະນະປະຈໍາ, ກໍາມະການພັກເມືອງ, ຫົວໜ້າ, ຄະນະຫ້ອງການ, ນາຍ ແລະພົນທະຫານ, ນາຍ ແລະພົນຕໍາຫຼວດ ຕະຫຼອດຮອດພະນັກງານລັດທະກອນ ໄດ້ພາກັນເຂົ້າຮ່ວມຮັບຟັງຢ່າງພ້ອມພຽງກັນ


ທ່ານ ຄໍາເພັດ ຈັນສົມພູ ເຈົ້າເມືອງໆເຟືອງ ແລະຄະນະປະຈຳພັກເມືອງໄດ້ຜັດປ່ຽນກັນປາຄະກະຖາ 3 ວັນປະຫວັດສາດຂອງຊາດ ໄດ້ຍົກໃຫ້ເຫັນ ເຖິງວັນຢຶດອໍານາດ 23 ສິງຫາ 1945 ແລະ 23 ສິງຫາ 1975 ແມ່ນມີຄວາມໝາຍຄວາມສໍາຄັນສໍາລັບປະຊາຊົນທັງຊາດ ເພາະວ່າໄຊຊະນະດັ່ງກ່າວ ແມ່ນໝາກຜົນ ແຫ່ງການຕໍ່ສູ້ປະຕິວັດອັນຍືດເຍື້ອ ຍາວນານ ຂອງປະຊາຊົນບັນດາເຜົ່າ ພາຍໃຕ້ການຊີ້ນໍາ ຂອງພັກປະຊາຊົນປະຕິວັດລາວໃນການນໍາໃຊ້ 3 ບາດຄ້ອນ ຍຸດທະສາດ ເພື່ອຢຶດອໍານາດການປົກຄອງ ໃນທົ່ວປະເທດແບບ “ ບົວໃຫ້ຊໍ້າ ນໍ້າບໍ່ໃຫ້ຂຸ່ນ “ ຈົນສາມາດນໍາເອົາຄວາມເປັນເອກະລາດ ປະຊາທິປະໄຕ ເອກະພາບ ວັດທະນາຖາວອນ ມາໃຫ້ປວງຊົນລາວທັງຊາດ.


ພ້ອມດຽວກັນນີ້ຜູ້ເຂົ້າຮ່ວມ ກໍ່ຍັງໄດ້ຮັບຟັງ ກ່ຽວກັບ ວັນລັດຖະທໍາມະນູນ ແຫ່ງ ສປປລາວ ໂດຍອີງໃສ່ຄວາມຮຽກຍ້ອງຕ້ອງການ ໃນໄລຍະການປ່ຽນແປງໃໝ່ ຈຶ່ງມີຄວາມຈໍາເປັນຕ້ອງຫັນໄປສູ່ການຄຸ້ມຄອງລັດດ້ວຍລັດຖະທໍາມະນູນ ແລະກົດໝາຍ ຢ່າງເປັນເອກະພາບ ໂດຍເຫດນັ້ນ ກອງປະຊຸມເທື່ອທີ 6 ຂອງສະພາແຫ່ງຊາດ ຊຸດທີ 2 ຈຶ່ງໄດ້ພິຈາລະນາຮັບຮອງເອົາ ລັດຖະທໍາມະນູນສະບັບທໍາອິດຂອງ ສປປລາວ ແລະປະກາດໃຊ້ວັນທີ 15 ສິງຫາ 1991 ແລະ

ຕ້ອນທ້າຍກໍ່ໄດ້ຮັບຟັງກ່ຽວກັບປະຫັວດສາດຄວາມເປັນມາ ຂອງປະຫວັດຄວາມເປັນມາຂອງອາຊຽນ ການຂະຫຍາຍຕົວຂອງປະຊາຄົມອາຊຽນ ເຊິ່ງນັບແຕ່ ວັນທີ 23 ກໍລະກົດ 1995 ມາຮອດປະຈຸບັນ ສປປລາວ ໄດ້ເຂົ້າເປັນສະມາຊິກອາຊຽນ ຄົບຮອບ 53 ປີ

ຜ່ານມາປະເທດຂອງພວກເຮົາກໍ່ໄດ້ ປະຕິບັດພັນທະໃນການເປັນສະມາຊິກໄດ້ເປັນຢ່າງດີ ແລະໄດ້ຮັບຜົນປະໂຫຍດ ຮ່ວມກັບບັນດາປະເທດສະມາຊິກຄື: ປະຊາຄົມການເມືອງ, ຄວາມໝັ້ນຄົງ ຮ່ວມມືທາງດ້ານເສດຖະກິດ ແລະວຽກງານວັດທະນະທໍາສັງຄົມ, ອາຊຽນໄດ້ມີການຮ່ວມມືກັບພາຍນອກຢ່າງກວ້າງຂວາງ ທັງນີ້ກໍ່ເພື່ອສ້າງສະພາບແວດລ້ອມ ພາຍນອກ ແຫ່ງສັນຕິພາບ ມິດຕະພາບ ແລະການຮ່ວມມື.


#ຂ່າວ:ຄຳລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930