Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມຜູ້ບໍລິຫານການສຶກສາທົ່ວເມືອງຫີນເຫີບ ປະຈໍາສົກຮຽນ 2019 – 2020

1 min read

ກອງປະຊຸມຜູ້ບໍລິຫານການສຶກສາທົ່ວເມືອງຫີນເຫີບ ປະຈໍາສົກຮຽນ 2019 – 2020


ວັນທີ 27 – 28 ສິງຫາ 2020 ຢູ່ທີ່ຫ້ອງປະຊຸມຫ້ອງການສຶກສາທິການ ແລະ ກິລາເມືອງຫີນເຫີບໄດ້ຈັດກອງປະຊຸມຜູ້ບໍລິຫານການສຶກສາ ທົ່ວເມືອງຫີນເຫີບ ປະຈໍາສົກຮຽນ 2019 – 2020

ໂດຍການເປັນປະທານຂອງ ທ່ານ ຄໍາສອນ ຈັນທະລັງສີ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງຫີນເຫີບ, ມີຄະນະພັດທະນາການສຶກສາຂັ້ນເມືອງ ແລະ ຜູ້ອຳນວຍການໂຮງຮຽນມັດທະຍົມຕອນຕົ້ນ, ປາຍ ແລະ ປະຖົມທົ່ວເມືອງເຂົ້າຮ່ວມເຂົ້າຮ່ວມ.

ທ່ານ ຄໍາພັດ ທິບພະວົງ ຮອງຫົວໜ້າຫ້ອງການສຶກສາທິການ ແລະ ກິລາເມືອງໄດ້ໃຫ້ກຽດຂຶ້ນກ່າວເປີດກອງປະຊຸມ ວ່າ ວຽກງານການສຶກສາ ແລະ ກິລາເປັນວຽກງານໜຶ່ງທີ່ສໍາຄັນໃນການພັດທະນາຊັບພະຍາກອນມະນຸດ ເຮັດໃຫ້ຄົນເຮົາມີຄວາມຮູ້ຄວາມສາມາດ ແລະ ມີຄຸນສົມບັດສິນທໍາປະຕິວັດເພື່ອແນໃສ່ປະກອບ ສ່ວນເຂົ້າໃນບັນດາໜ້າວຽກຕ່າງໆຂອງຊາດ ທັງໝູນໃຊ້ເຂົ້າໃນການສ້າງສາພັດທະນາເສດຖະກິດຄອບຄົວ, ແກ້ໄຂຊີວິດການເປັນຢູ່ຂອງປະຊາ ຊົນບັນດາເຜົ່າໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ.


ທ່ານ ໂກນຄໍາ ຈັນທະບູລີ ຫົວໜ້າໜ່ວຍງານສຶກສານິເທດ ຫ້ອງການສຶກສາທິການ ແລະ ກິລາເມືອງໄດ້ຂຶ້ນ
ຜ່ານບົດສະຫຼຸບຜົນສໍາເລັດການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ປະຈໍາປີ 2019 – 2020 ແລະ ແຜນພັດທະນາການສຶກສາ ແລະ ກິລາ ປະຈໍາປີ 2020 – 2021 ຂອງເມືອງຫີນເຫີບວ່າ ເດັກໃນເກນອາຍຸ 0 – 2 ປີມີ 12 ຄົນ, ຍິງ 6 ຄົນປະຕິບັດໄດ້ 1,67% ເດັກເກນອາຍຸ 3 – 4 ປີປະຕິບັດໄດ້ 61,13% ເດັກເກນ 3 – 5 ປີປະຕິບັດໄດ້ 48,83% ເດັກເກນອາຍຸ 5 ປີປະຕິບັດໄດ້ 76,36% ທຽບໃສ່ແຜນການປີ

( 2018 – 2019 ) ອັດຕາເຂົ້າຮຽນເດັກເກນອາຍຸ 3 – 4 ປີເພີ່ມຂຶ້ນ 18,64% ເດັກເກນອາຍຸ 3 – 5 ປີເພີ່ມຂຶ້ນ 1% ແລະ ເດັກເກນອາຍຸ 5 ປີຫຼຸດລົງ 10% ອັດຕາເຂົ້າຮຽນຊັ້ນປະຖົມໃຫ້ໄດ້ 99% ອັດຕາເຂົ້າຮຽນຊັ້ນມັດທະຍົມຕົ້ນໃຫ້ໄດ້ 90% ອັດຕາເຂົ້າຮຽນຊັ້ນມັດທະຍົມຕອນປາຍໃຫ້ໄດ້ 50%


ທົ່ວເມືອງມີໂຮງຮຽນລ້ຽງເດັກ – ອານຸບານທັງໝົດ 14 ແຫ່ງ, ໃນນີ້ມີໂຮງຮຽນເອກະລາດ 4 ແຫ່ງ, ໂຮງຮຽນປະຖົມ 39 ແຫ່ງ ໃນນັ້ນເປັນໂຮງຮຽນປະຖົມສົມບູນ 30 ແຫ່ງ, ມີນັກຮຽນທັງໝົດ 3.588 ຄົນ, ຍິງ 1.721 ຄົນ, ອັດຕເຂົ້າຮຽນບັນລຸໄດ້ 99,94%, ໂຮງຮຽນຊັ້ນມັດທະຍົມຕົ້ນມີ 6 ແຫ່ງ, ມີນັກຮຽນທັງໝົດ 2.222 ຄົນ, ຍິງ 1.086 ຄົນ ອັດຕາເຂົ້າຮຽນປະຕິບັດໄດ້ 88,56%, ຊັ້ນມັດທະຍົມປາຍມີ 3 ແຫ່ງ, ມີນັກຮຽນທັງໝົດ 969 ຄົນ, ຍິງ 491 ຄົນອັດຕາເຂົ້າຮຽນປະຕິບັດໄດ້ 46,03%.

ທ່ານ ຄໍາສອນ ຈັນທະລັງສີ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງໄດ້ໃຫ້ກຽດມີຄໍາເຫັນ ແລະ ໂອ້ລົມພ້ອມທັງໃຫ້ທິດຊີ້ນຳຕໍ່ກອງປະຊຸມ ກ່ອນອື່ນທ່ານໄດ້ກ່າວຍ້ອງຍໍຊົມເຊີຍຜູ້ບໍລິຫານການສຶກສາທົ່ວເມືອງທີ່ພ້ອມກັນຍາດໄດ້ຜົນງານຫຼາຍດ້ານ ເຮັດໃຫ້ການສຶກສາມີທ່າກ້າວ ແລະ ມີຄຸນນະພາບດີ,

 

ທ່ານຍັງໄດ້ກ່າວເນັ້ນໜັກໃຫ້ເອົາໃຈໃສ່ສຶກສາອົບຮົມພໍ່ແມ່ປະຊາຊົນປະກອບສ່ວນເຂົ້າໃນການສຶກສາ ແລະ ສົ່ງລູກເຂົ້າໂຮງຮຽນຕາມເກນອາຍຸໃຫ້ໄດ້ຕາມຄາດໝາຍ.

 

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930