Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະພັກຮາກຖານພະແນກຊັບພະຍາກອນທຳມະຊາດແລະສິ່ງແວດລ້ອມແຂວງວຽງຈັນສຳເລັດກອງປະຊຸມໃຫຍ່ສະມາຊິກພັກ

1 min read

ຄະນະພັກຮາກຖານພະແນກຊັບພະຍາກອນທຳມະຊາດແລະສິ່ງແວດລ້ອມແຂວງວຽງຈັນສຳເລັດກອງປະຊຸມໃຫຍ່ສະມາຊິກພັກ.


ກອງປະຊຸມໃຫຍ່ສະມາຊິກພັກຂອງຄະນະພັກຮາກຖານພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງວຽງຈັນ ໄດ້ຈັດຂຶ້ນໃນວັນທີ 28 ສິງຫາ 2020 ຢູ່ທີ່ສະໂມສອນກອງບັນຊາການທະຫານແຂວງ, ໂດຍການເປັນກຽດເຂົ້າຮ່ວມຂອງ ສະຫາຍ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆວຽງຈັນ, ມີຄະນະຮັບຜິດຊອບກອງປະຊຸມໃຫຍ່3ຂັ້ນ,ແຂກຖືກເຊີນ, ພ້ອມດ້ວຍສະມາຊິກພັກພາຍໃນຄະນະພັກຮາກຖານດັ່ງກ່າວ ເຂົ້າຮ່ວມ.


ໃນກອງປະຊຸມໃຫຍ່ສະມາຊິກພັກຄັ້ງນີ້ ໄດ້ພ້ອມກັນຄົ້ນຄວ້າ, ປະກອບຄຳຄິດຄຳເຫັນ ແລະ ຮັບຮອງເອົາຮ່າງບົດລາຍງານການເມືອງທັງ 2 ພາກ, ຮ່າງບົດສຳຫລວດການນຳພາລວມຂອງຄະນະພັກຮາກຖານຊຸດເກົ່າ, ໃນການຊີ້ນຳ-ນຳພາ ແລະ ການຈັດຕັ້ງປະຕິບັດວຽກງານໃນໄລຍະ 5 ປີຜ່ານມາ, ທີ່ສະເໜີໂດຍຄະນະພັກຊຸດເກົ່າ,

ໃນນັ້ນສາມາດຍາດໄດ້ຜົນງານຫຼາຍດ້ານເປັນຕົ້ນແມ່ນດ້ານວຽກງານວິຊາສະເພາະແມ່ນໄດ້ຊີ້ີ້ນຳ-ນຳພາບັນດາຂະແໜງການ,ຫ້ອງການສາຍຕັ້ງໃນຂົງເຂດຂອງຕົນໃຫ້ເຄື່ອນໄຫວຈັດຕັ້ງປະຕິບັດວຽກງານວິຊາສະເພາະຕາມພາລະບົດບາດ,ສິດ-ໜ້າທີ່ດ້ວຍຄວາມຮັບຜິດຊອບສູງ, ພ້ອມນີ້ກໍ່ໄດ້ມີການຕິດຕາມ,ກວດກາ,ປະເມີນຜົນແລະມີການສະຫຼູບລາຍງານຢ່າງເປັນປົກກະຕິ,ປັບປຸງລະບົບກົນໄກການບໍລິຫານຄຸ້ມຄອງໃຫ້ມີປະສິດທິຜົນແລະຫັນເຂົ້າສູ່ລະບົບປະຕູດຽວ,ໄດ້ເອົາໃຈໃສ່ສຶກສາອົບການເມືອງແນວຄິດດ້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້້ວຍຫຼາຍຮູບການໃຫ້ແກ່ພະນັກງານ, ສະມາຊິກພັກເປັນປົກກະຕິ,

ເອົາໃຈໃສ່ປັບປຸງກໍ່ສ້າງພັກຕາມ 5 ຫຼັກການ, 3 ທິດນຳ ເຮັດໃຫ້ລະບົບການຈັດຕັ້ງພັກ, ສະມາຊິກພັກ ນັບມື້ເຕີບໃຫຍ່ຂະຫຍາຍຕົວທາງດ້ານປະລິມານ ແລະ ຄຸນນະພາບ, ປະຈຸບັນມີສະມາຊິກພັກທັງໝົດ 72 ສະຫາຍ, ຍິງ 19 ສະຫາຍ, ສຳຮອງ 5 ສະຫາຍ, ສ້າງມະຫາຊົນກ້າວໜ້າເຂົ້າເປັນສະມາຊິກພັກໄດ້ 25 ສະຫາຍ, ທຽບໃສ່ແຜນການ 5 ປີເພີ່ມຂຶ້ນ 15 ສະຫາຍ.


ໃນກອງປະຊຸມຄັ້ງນີ້ຍັງໄດ້ປະກາດໃຫ້ພະນັກງານຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງວຽງຈັນ ອອກພັກການຮັບອຸດໜູນບຳນານ 7 ທ່ານມີ ທ່ານ ກອງຄຳ ອິນໄພຍະລາດ, ທ່ານ ບົວພັນ ກອນດາວົງ, ທ່ານ ພູທອນ ພູມີ, ທານ ພູເພັດ ສຸດທິວົງເດືອນ, ທ່ານ ໂພສີ ສີພານິດ, ທ່ານ ດວງຄຳ ໂພໄຊ, ທ່ານ ບຸນຈັນ ພິລາວົງ,

ພ້ອມນີ້ທ່ານເຈົ້າແຂວງໄດ້ອອກຂໍ້ຕົກລົງແຕ່ງຕັ້ງ ທ່ານ ສຸກັນ ວິໄລຣັດ ກຳມະການພັກແຂວງ ເປັນວ່າການ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງວຽງຈັນ, ແຕ່ງຕັ້ງ ທ່ານ ບົວພັນ ສີວົງໄຊ ເປັນຮອງຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງວຽງຈັນ ແລະ ໄດ້ບົ່ງຕົວແຕ່ງຕັ້ງຄະນະພັກຮາກຖານພະແນກດັ່ງກ່າວຈຳນວນ 5 ສະຫາຍ, ແຕ່ງຕັ້ງ ສະຫາຍ ສຸກັນ ວິໄລຣັດ ເປັນເລຂາຄະນະພັກຮາກຖານ, ສະຫາຍ ບຸນຮຽງ ໄຊຍະແສງ ເປັນຮອງເລຂາຄະນະພັກຮາກຖານ, ສະຫາຍ ບົວພັນ ສີວົງໄຊ, ສະຫາຍ ບຸນທະວີ ຈັນທະວົງ ແລະ ສະຫາຍຂຸນຄຳ ຈັນທະວີໄຊ ເປັນຄະນະພັກຮາກຖານ ຊຸດໃໝ່.


ໃນກອງປະຊຸມໄດ້ມີການເຊັນບົດບັນທຶກມອບ-ຮັບໜ້າທີ່ລະຫວ່າງຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງວຽງຈັນຜູ້ເກົ່າແລະຜູ້ວ່າການຜູ້ໃໝ່,ໃນໂອກາດດຽວກັນນີ້ທ່ານເຈົ້າແຂວງໄດ້ມອບໃບຍ້ອງຍໍຂັ້ນແຂວງໃຫ້ 7 ທ່ານທີ່ໄດ້ອອກພັກການຮັບອຸດໜູນບຳນານໃນຄັ້ງນີ້.


ພິເສດກອງປະຊຸມຍັງໄດ້ຮັບຟັງການໂອ້ລົມ ອັນມີຄວາມໝາຍຄວາມສຳຄັນ, ໜັກແໜ້ນ ແລະເຕັມໄປດ້ວຍບົດຮຽນທີ່ລໍ້າຄ່າ ຈາກສະຫາຍ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆວຽງຈັນ, ຊຶ່ງຄຳໂອ້ລົມດັ່ງກ່າວນັ້ນ ໄດ້ເປັນເຂັມຊີ້ທິດເຍືອງທາງ, ທັງເປັນຂີດໝາຍອັນສຳຄັນ ເພື່ອໃຫ້ຄະນະພັກຮາກຖານຊຸດໃໝ່ ນຳພາສະມາຊິກພັກກ້າວຂື້ນເຮັດສຳເລັດໜ້າທີ່ການເມືອງຂອງຕົນ ທີ່ໄດ້ວາງໄວ້ໃຫ້ໄດ້ຢ່າງມີປະສິດທິຜົນ.

 

(ຂ່າວ:ບຸນມາ ແກ້ວບຸດດາ)

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930