Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມກ່ຽວກັບການແກ້ໄຂບັນຫາແຫຼ່ງທ່ອງທ່ຽວຢູ່ເມືອງວັງວຽງ ແຂວງວຽງຈັນ

1 min read

ກອງປະຊຸມກ່ຽວກັບການແກ້ໄຂບັນຫາແຫຼ່ງທ່ອງທ່ຽວຢູ່ເມືອງວັງວຽງ ແຂວງວຽງຈັນ.

ເພື່ອເປັນການແກ້ໄຂບັນຫາແຫຼ່ງທ່ອງທ່ຽວຢູ່ພາຍໃນເມືອງວັງວຽງ,ແຂວງວຽງຈັນ ເປັນຕົ້ນ: ບັນຫາຂົ້ວຂ້າມນ້ຳຊອງ, ໂຄງການ 22 ບ້ານ, ຄວາມຍືນຍົງຂອງແມ່ນ້ຳຊອງ, ການປຸກສ້າງທີ່ລະເມີດລະບຽບກົດໜາຍ, ບັນຫາສະພາບແວດລ້ອມ, ການຄອບຄຸມລາຄາ, ການດຳເນີນທຸລະກິດຂອງຊາວຕ່າງດ້າວຜິດກົດຫມາຍ ໃຫ້ມີການປັບປຸງການບໍລິການຂອງຫົວຫນ່ວຍທຸລະກິດໃນຂະແໜງການທ່ອງທ່ຽວໃຫ້ມີຄຸນນະພາບດີຂື້ນ ພ້ອມທັງການຈັດຕັ້ງປະຕິບັດ ແລະ ເຄື່ອນໄຫວໃຫ້ຖືກຕ້ອງຕາມລະບຽບກົດໜາຍຢ່າງເຂັ້ມງວດ.

ຫັນເອົາຊ່ວງໄລຍະວິກິດການ ໃນການແຜ່ລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ (ໂຄວິດ-19) ໃຫ້ມາເປັນໂອກາດໂດຍການຮ່ວມມືກັນລະຫວ່າງພາກລັດທີ່ກ່ຽວຂ້ອງໃນການພັດທະນາການທ່ອງທ່ຽວໃຫ້ມີປະສິດທິຜົນດີຂື້ນພ້ອມທັງແກ້ໄຂປະກົດການຫຍໍ້ທໍ້ໃຫ້ຫລຸດລົງເທື່ອລະກ້າວ. ເພື່ອສາມາດຮອງຮັບນັກທ່ອງທ່ຽວທັງພາຍໃນ ແລະ ຕ່າງປະເທດ ທີ່ຈະເຂົ້າມາທ່ອງທ່ຽວພາຍຫລັງວິກິດການໃຫ້ຫຼາຍຂື້ນ.


ມາໃນຕອນເຊົ້າຂອງວັນທີ 31 ສິງຫາ 2020 ນີ້, ຢູ່ທີ່ ສະໂມສອນຂອງເມືອງວັງວຽງ ແຂວງວຽງຈັນ, ໄດ້ຈັດກອງປະຊຸມກ່ຽວກັບການແກ້ໄຂບັນຫາແຫຼ່ງທ່ອງທ່ຽວຢູ່ເມືອງວັງວຽງ ແຂວງວຽງຈັນ. ໂດຍພາຍໃຕ້ການເປັນປະທານ ຂອງທ່ານ ອຸ່ນທວງ ຂາວພັນ ຮອງລັດຖະມົນຕີ ກະຊວງຖະແຫລງຂ່າວ,ວັດທະນະທຳແລະທ່ອງທ່ຽວ.

ມີທ່ານ ບຸນສອນ ເພັດລາວັນ ຮອງເຈົ້າແຂວງໆວຽງຈັນ, ເຂົ້າຮ່ວມມີທ່ານ ບຸນຈັນ ມາລາວົງ ເຈົ້າເມືອງໆວັງວຽງ. ມີບັນທ່ານຫົວໜ້າກົມ,ຫົວໜ້າພະແນກ,ຫົວໜ້າຫ້ອງການ,ຮອງພະແນກຈາກກະຊວງ ຖະແຫລງຂ່າວ,ວັດທະນະທຳແລະທ່ອງທ່ຽວ, ກະຊວງໂຍທາທິການແລະຂົນສົ່ງ, ກະຊວງປ້ອງກັນຄວາມສະຫງົບ, ກະຊວງຊັບພະຍາກອນແລະສິ່ງແວດລ້ອມ, ຫົວໜ້າພະແນກ,ຮອງພະແນກຈາກແຂວງວຽງຈັນ,ຫົວໜ້າຫ້ອງການຖວທພ້ອມດ້ວຍຄະນະແລະຫົວຫນ້າຫ້ອງວ່າການເມືອງເຂົ້າຮ່ວມ.


ໃຫ້ກຽດກ່າວເປີດກອງປະຊຸມໂດຍທ່ານ ອຸ່ນທວງ ຂາວພັນ ຮອງລັດຖະມົນຕີ ກະຊວງຖະແຫລງຂ່າວ,ວັດທະນະທຳແລະທ່ອງທ່ຽວ. ກອງປະຊຸມຍັງໄດ້ຮັບຟັງການລາຍງານບັນຫາປະກົດການຫຍໍ້ທໍ້ຕ່າງ ຈາກພະແນກ ຖວທ ແຂວງວຽງຈັນ ແລະ ການຈັດຕັ້ງປະຕິບັດຫນ້າທີ່ສິ່ງທ້າທ້າຍລະບຽບແລະກົດຫມາຍ ຈາກຫ້ອງການ ຖວທ ເມືອງວັງວຽງ .


ຫລັງຈາກນັ້ັນ ບັນດາທ່ານທີ່ເຂົ້າຮ່ວມກອງປະຊຸມກໍ່ໄດ້ຜັດປ່ຽນກັນປະກອບຄຳເຫັນ ໃນການສ້າງເງື່ອນໄຂຕໍ່ການຈັດຕັ້ງປະຕິບັດແກ້ໄຂບັນຫາຮ່ວມກັນຄື: ການເກັບເງິນຄ່າບໍລິການຂົວຂ້າມນ້ຳຂອງ ( ຕາມສັນຍາແມ່ນຍັງເຫລືອ 17 ເດືອນ ), ການຮັກສາປ່າຍອດນ້ຳ ການຮັກສາຄວາມຄວາມສະອາດຕາມສາຍນ້ຳຊອງ, ສິ່ງແວດລ້ອມພາຍໃນຕົວເມືອງ,ການຂື້ນລາຄາຄ່າບໍລິການ ໂຮງແຮມ, ເຮືອນພັກ, ຮ້ານອາຫານ, ຮ້ານກິນດື່ມ-ຮ້ານບັນເທີງໃນຍາມເທດສະການ, ບັນຫາທີ່ມາຂອງລົດບັກກີ ( ລົດຈັກ 4ລໍ້ ) ທີ່ປະກອບເອງ ແລ້ວນຳໃຊ້ ເຂົ້າໃນການເຄື່ອນໄຫວດຳເນີນທຸລະກິດ

( ບໍ່ໄດ້ຮັບອະນຸຍາດທາງດ້ານເຕັກນິກ ), ກິດຈະກຳການບໍລິການທ່ອງທ່ຽວທາງອາກາດ ບາລູນ ແລະ ເຄື່ອງບິນນ້ອຍຢູ່ເມືອງວັງວຽງ, ການດຳເນີນທຸລະກິດຂອງຄົນຕ່າງປະເທດ ທີ່ກະທົບຕໍ່ທຸລະກິດຂອງປະຊາຊົນໃນທ້ອງຖິ່ນ, ປັບປຸງແລະຮັບຮອງຝັງເມືອງວັງວຽງ.


ຕອນແລງຂອງວັນດັ່ງກ່າວກໍ່ໄດ້ລົງກວດສະຖານທີ່ຕົວຈິງຢູ່ 2 ຈຸດຄື: ສາຍນ້ຳຊອງແລະເທດສະບານ-ແຫຼ່ງທ່ອງທ່ຽວ

ຂ່າວ: ວັງວຽງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930