Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກົມສົ່ງເສີມເຕັກນິກ ແລະ ປຸງແຕ່ງກະສິກຳ ກະຊວງກະສິກຳ-ປ່າໄມ້ ຈັດຊຸດຝຶກອົບຮົມສະຫະກອນເຊມາອືລ ກືມໂກລາວ ໃຫ້ຄະນະຊີ້ນຳກອງທືນ ເມືອງໂພນໂຮງ

1 min read

ກົມສົ່ງເສີມເຕັກນິກ ແລະ ປຸງແຕ່ງກະສິກຳ ກະຊວງກະສິກຳ-ປ່າໄມ້ຈັດຊຸດຝຶກອົບຮົມກ່ຽວກັບສະຫະກອນແຊມາອຶລກຶມໂກລາວໃຫ້ແກ່ຄະນະຊີ້ນຳກອງທຶນ ຢູ່ເມືອງໂພນໂຮງ ແຂວງວຽງຈັນ .

ພິທີຝຶກອົບຮົມວຽກງານສະຫະກອນແຊມາອຶລກຶມໂກລາວ ຮູບແບບສສເກົາຫລີ ໃຫ້ແກ່ຄະນະຊີ້ນຳກອງທຶນຢູ່ເມືອງໂພນໂຮງ ແຂວງວຽງຈັນຈັດຂື້ນໃນວັນທີ 31 ສິງຫາ ຫາ 4 ກັນຍາ 2020 ນີ້ ຢູ່ທີ່ ສູນຝຶກອົບຮົມເຕັກນິກກະສິກຳ ແລະ ພັດທະນາຊົນນະບົດລາວ-ເກົາຫລີ

ພາຍໄຕ້ການເປັນປະທານຂອງທ່ານ ພັດນະຄອນຄັນທະມີໄຊ ຮອງຫົວໜ້າກົມສົ່ງເສີມເຕັກນິກ ແລະ ປຸງແຕ່ງກະສິກຳ ກະຊວງກະສິກຳ-ປ່າໄມ້ ຫົວໜ້າສູນເຕັກນິກກະສິກຳແລະພັດທະນາຊົນນະບົດລາວ-ເກົາຫລີ ,ມີທ່ານ ພູວົງ ບຸນຊູ ຫົວໜ້າ ພະແນກກະສິກຳ-ປ່າໄມ້ແຂວງວຽງຈັນ ຜູ້ຊີ້ນຳກອງທຶນຂັ້ນແຂວງ,ມີຄະນະຮັບຜິດຊອບກອງທຶນຂັ້ນເມືອງ ແລະ ບັນດາບ້ານ ເປົ້າໝາຍເຂົ້າຮ່ວມ.


ທ່ານ ນາງ ພິມມະສອນ ທິພົມມະຈັນ ຜູ້ປະສານງານ ໂຄງການແຊມາອຶລກຶມໂກ ກະຊວງກະສິກຳ-ປ່າໄມ້ໄດ້ກ່າວຈຸດປະສົ່ງໃຫ້ຮູ້ວ່າ: ໃນການຝຶກອົບຮົມຄັ້ງນີ້ກໍ່ເພື່ອເຮັດໃຫ້ຄະນະບໍລິຫານກອງທຶນຂອງເມືອງຮຽນຮູ້ແບບແຜນວິທີເຮັດວຽກຂອງສະຫະກອນແຊມາອຶລກຶມໂກໂດຍສະເພາະ ການຄຸ້ມຄອງ -ການບໍລິຫານສະຫະກອນທີ່ປະສົບຜົນລຳເລັດ

ເພື່ອຍົກລະດັບຄວາມຮູ້ດ້ານການບໍລິຫານໃນຮູບແບບແຊມາອຶນກຶມໂກໃຫ້ແກ່ຜູ້ບໍລິຫານກອງທຶນພາຍໃນເມືອງໃຫ້ມີຄວາມເຂັ້ມແຂງແນ່ໃສ່ເພື່ອປະຕິບັດແຜນຍຸດທະສາດການພັດທະນາຊົນນະບົດໄລຍະໃໝ່ເປັນຕົ້ນຊຸກຍູ້ການຜະລິດຊາວກະສິກອນ ແລະ ການບໍລິການລວມໝູ່ໃຫ້ມີການເຕີບໃຫຍ່ຂະຫຍາຍຕົວ ແລະ ຍົກລະດັບຊີວິດການເປັນຢູ່ຂອງຊາວກະສິກອນໃຫ້ດີຂື້ນ.ໂອກາດດັ່ງກ່າວ ທ່ານພັດນະຄອນ ຄັນທະມີໄຊ ຮອງຫົວໜ້າກົມສົ່ງເສີມເຕັກນິກ ແລະ ປຸງແຕ່ງກະສິກຳ ກະຊວງກະສິກ

-ປ່າໄມ້ກໍ່ໄດ້ກ່າວສະແດງຄວາມຊົມເຊີຍຕໍ່ບັນຝຶກອົບຮົມ ແລະ ຍົກໃຫ້ເຫັນບົດຮຽນທີ່ພົ້ນເດັ່ນຂອງສະຫະກອນແຊມາອຶລກຶມໂກເພື່ອນຳເອົາບົດຮຽນອັນດີມາໜູນໃຊ້ໃນວຽກງານບໍລິຫານກອງທຶນຢູ່ເມືອງໂພນໂຮງ ເພື່ອຊ່ວຍຊາວກະສິກອນໃນການປັບປຸງກຳລັງການຜະລິດເປັນກຸ່ມ ທີ່ເຂັ້ມແຂງກ້າວເປັນສະຫະກອນທີ່ສົມບູນໃນຕໍ່ໜ້າ.

ໃນການຝຶກອົບຮົມຄັ້ງນີ້ນັກສຳມະກອນຈະໄດ້ຮຽນຮູ້ ຄວາມຮູ້ພື້ນຖານກ່ຽວກັບແຊມາອຶລກຶມໂກ ຈາກ ສເກົາຫລີ,ການຈັດຕັ້ງຂອງສະຫະກອນ,ການອອມ,ການກູ້ຢືມ,ຫລັກການບັນຊີ ແລະ ຝຶກການເຮັດບັນຊີຂອງສະຫະກອນແຊມາອຶລກຶມໂກ ການຝຶກອົບຮົມຄັ້ງນີ້ຈະໄດ້ ດຳເນີນໄປເປັນ 5 ວັນ ຈຶ່ງຈະສຳເລັດຕາມແຜນການ.

 

 

ຂ່າວ: ສຸເວດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930