Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ໂຮງຮຽນໃນ 3 ບ້ານ ເມືອງທຸລະຄົມ ໄດ້ຮັບການຊ່ວຍເຫລືອ

1 min read

 


ວັນທີ 29 ສິງຫາ 2020 ຢູູ່ 3 ໂຮງຮຽນ ຂອງເມືືືອງທຸຸລະຄົົມແຂວງຈັັນ ໄດ້ຮັບເຄື່ອງຊ່ວຍເຫລືອນຳພາໂດຍທ່ານ ສົມເພັດ ລ້ວນສີພະຈັນ ຫົວໜ້າຫ້ອງການສຶກສາທິການ ແລະ ກິລາເມືອງ ແລະ ທ່ານ ຄໍາພອນ ຈັນທະວົງສັກ ຫົວໜ້າຫ້ອງການຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ເມືອງທຸລະຄົມ ໄດ້ນໍາ ພາຜູ້ໃຈບຸນຈາກນະຄອນຫລວງວຽງຈັນ

ນໍາໂດຍ ພະອາຈານ ຖະໜອມສັກ ທອງຄໍາມີ, ເຈົ້າອະທິການວັດດານພະ, ເມືອງໂພນໂຮງ, ແຂວງວຽງຈັນ ພ້ອມຄະນະພະສົງ, ແມ່ຂາວ ລົງມອບອຸປະ ກອນການຮຽນ-ການສອນໃຫ້ໂຮງຮຽນປະຖົມບ້ານນໍ້າອ່າງ, ບ້ານໜອງໃຫຄໍາ ແລະ ບ້ານນາຍາງ, ເພື່ອແບ່ງປັນນໍ້າໃຈຂອງບັນດາຜູ້ມີຈິດໃຈສັດທາ, ບັນດາອົງການ ຈັດຕັ້ງສັງຄົມ ຊາວນະຄອນຫລວງວຽງຈັນ ເພື່ອຊ່ວຍເຫລືອນັກຮຽນທີ່ຍັງທຸກຍາກກະກຽມເຂົ້າຮຽນໃນສົກຮຽນໃຫມ່ 2020-2021.


ເຄື່ອງທີ່ນໍາມາມອບຄັ້ງນີ້ມີ ປື້ມຂຽນ, ອຸປະກອນ ການຮຽນເຊັ່ນ: ບິກຂຽນ, ສໍາດໍາ, ຢາງລຶບ ຈໍານວນ 300 ຊຸດ, ເຂົ້າໜົມ, ອຸປະກອນກິລາ 3 ຊຸດ, ປື້ມທໍາ ມະ, ປື້ມສິນຫ້າ 3 ຊຸດ ພ້ອມ ເງິນສົດ ຈໍານວນ 3 ລ້ານກີບ, ພາຍຫລັງສໍາເລັດການແຈກຢາຍ ອຸປະກອນ ແລະ ມອບເຄື່ອງຊ່ວຍເຫລືອແລ້ວ,

ຄະນະພະສົງໄດ້ນໍາພານັກຮຽນ, ຄູອາຈານ ທ່ອງທໍາມະ, ທ່ອງສິນຫ້າ ພ້ອມທັງເຜີຍແຜ່ສິນລະທໍາຂອງສາສະໜາພຸດ ເພື່ອປູກຈິດສໍານຶກໃຫ້ນັກຮຽນນັບແຕ່ຂັ້ນພື້ນຖານ, ໂດຍສະເພາະ ການປະພຶດຕົນເປັນຄົນດີຂອງສັງຄົມ,

ລະເວັ້ນຈາກການປະພຶດສິ່ງບໍ່ດີ, ບໍ່ສ້າງບັນຫາໃຫ້ສັງຄົມ ຄວບຄູ່ ກັບການຈັດຕັ້ງປະຕິບັດຫລັກສູດການຮຽນ-ການສອນ ເຮັດໃຫ້ອົງການປົກ ຄອງຂອງສາມບ້ານຂອງສາມໂຮງຮຽນ ມີຄວາມພາກພູມໃຈເປັນຢ່າງຍິ່ງ ບັນຍາກາດການມອບເຄື່ອງຢູ່ແຕ່ລະໂຮງຮຽນແມ່ນມີຄວາມເປັນລະບຽບຮຽບຮ້ອຍ, ຄຶກຄື້ນ ແລະ ມີຄວາມໝາຍຢ່າງເລິກເຊິ່ງ.

ຂ່າວ: ຄຳພອນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031