Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີຮັບມະຫາຊົນກ້າວໝ້າເຂົ້າເປັນສະມາຊິກພັກສຳຮອງ

1 min read

ພິທີຮັບມະຫາຊົນກ້າວໝ້າເຂົ້າເປັນສະມາຊິກພັກສຳຮອງ ໃນວັນທີ 28 ສິງຫາ 2020 ນີ້, ຢູ່ທີ່ຫ້ອງປະຊຸມຂອງ ຫ້ອງການສາທາລະນະສຸກ ເມືອງວັງວຽງ ແຂວງວຽງຈັນ,


ໜ່ວຍພັກຫ້ອງການສາທາລະນະສຸກເມືອງວັງວຽງ ໄດ້ຈັດພິທີຮັບຮອງເອົາມະຫາຊົນຜູ້ກ້າວໝ້າເຂົ້າເປັນສະມາຊິກພັກສຳຮອງຈຳນວນ 3 ສະຫາຍຄື: ສະຫາຍ ນາງ ເຊຍ ບົວປາວ, ສະຫາຍ ນາງ ໄຄລີວັນ ຫຼວງໄຊ, ສະຫາຍ ວ່າງດາວ ໄຊຢ້າວວົງ.

ເຂົ້າຮ່ວມໂດຍ ສະຫາຍ ດຣ ເພັດສະໜອນ ບູລົມມະວົງ ກຳມະການພັກເມືອງ ເລຂາໜ່ວຍພັກຫ້ອງການສາທາລະນະສຸກເມືອງ, ມີເລຂາໝ່ວຍພັກອ້ອມຂ້າງ, ຄະນະພັກຕະຫຼອດຮອດສະມາຊິກພັກພາຍໃນໝ່ວຍພັກເຂົ້າຮ່ວມ.


ໃນພິທີ ສະຫາຍ ນາງ ວຽງຄຳ ສີນະວົງ ຮອງເລຂາໝ່ວຍພັກຫ້ອງການສາທາລະນະສຸກເມືອງ ໄດ້ຂື້ນຜ່ານມະຕິຕົກລົງຂອງຄະນະປະຈຳພັກເມືອງວັງວຽງ ເລກທີ 193/ຄປພ.ວວ ລົງວັນທີ 12 ສິງຫາ 2020 ວ່າດ້ວຍການຮັບຮອງເອົາມະຫາຊົນຜູ້ກ້າວໝ້າທີ່ມີມາດຖານ ແລະ ເງືອນໄຂເຂົ້າເປັນສະມາຊິກພັກປະຊາຊົນປະຕິວັດລາວ ເຊິ່ງມີ 3 ສະຫາຍ.


ໃນພິທີ ສະຫາຍ ດຣ ເພັດສະໜອນ ບູລົມມະວົງ ເລຂາໜ່ວຍພັກຫ້ອງການສາທາລະນະສຸກເມືອງໄດ້ຜ່ານລະບຽບພັກ ບາງມາດຕາ ແລະ ຂໍ້ຫ້າມຂອງສະມະຊິກພັກ ຕໍ່ສະມະຊິກພັກໃໝ່ ພ້ອມທັງໄດ້ກ່າວຮັບເອົາມະຫາຊົນຜູ້ກ້າວໝ້າເຂົ້າເປັນສະມາຊິກພັກສຳຮອງ.


ຕອນທ້າຍພິທີ ສະຫາຍ ດຣ ເພັດສະໜອນ ບູລົມມະວົງ ເລຂາໜ່ວຍພັກຫ້ອງການສາທາລະນະສຸກເມືອງກໍ່ໄດ້ໃຫ້ກຽດມີຄຳເຫັນ ແລະ ໂອ້ລົມຕໍ່ມະຫາຊົນຜູ້ກ້າວໝ້າເຂົ້າເປັນສະມາຊິກພັກສຳຮອງໃໝ່ ຈົ່ງເອົາໃຈໃສ່ປະຕິບັດຄຳປະຕິຍານຂອງຕົນຢ່າງເຂັ້ມງວດຄຽງຄູ່ກັບການປະຕິບັດສິດ,ໝ້າທີ່ ແລະ ຂໍ້ຫ້າມຂອງສະມາຊິກພັກ,ຍົກສູງດ້ານຄຸນທາດການເມືອງ,ຢຶດໝັ້ນອຸດົມການສັງຄົມນິຍົມຢ່າງໝັກແໝ້ນ,ມີຄວາມຈົ່ງຮັກພັກດີຕໍ່ປະເທດຊາດ,ບຸກປືນເຮັດວຽກໃຫ້ຫຼ້ອນໝ້າທີ່ຕາມທີ່ພັກ ແລະ ລັດກໍ່ ຄືການຈັດຕັ້ງ ຂັ້ນເທີງມອບໝາຍໃຫ້.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930