Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີເປີດຂະບວນການແຂ່ງຂັນ 5 ເປັນເຈົ້າຂອງກຳມະບານຮາກຖານທະນາຄານການຄ້າຕ່າງປະເທດລາວ ມະຫາຊົນ ສາຂາໂພນໂຮງ

1 min read

ພິທີເປີດຂະບວນການແຂ່ງຂັນ 5 ເປັນເຈົ້າຂອງກຳມະບານຮາກຖານທະນາຄານການຄ້າຕ່າງປະເທດລາວ ມະຫາຊົນ ສາຂາໂພນໂຮງ

ໃນຕອນເຊົ້າຂອງ ວັນທີ 29 ສິງຫາ 2020 ກໍາມະບານຮາກຖານທະນາຄານການຄ້າຕ່າງປະເທດລາວ ມະຫາຊົນ ສາຂາ ເມືອງໂພນໂຮງ, ແຂວງວຽງຈັນ, ໄດ້ຈັດພິທີສະຫຼຸບການປະເມີນຜົນຂໍ້ແຂ່ງຂັນ 5 ເປັນເຈົ້າຂຶ້ນຢ່າງເປັນທາງການ ຢູ່ທີ່ຫ້ອງປະຊຸມຂອງທະນາຄານການຄ້າຕ່າງປະເທດລາວ ມະຫາຊົນ ໜ່ວຍ ຫຼັກ 52, ເມືອງໂພນໂຮງ, ແຂວງວຽງຈັນ.

ໂດຍພາຍໄຕ້ການເປັນປະທານຂອງ ທ່ານ ແສງດາວ ດວງສົມບັດ ປະທານກຳມະບານຮາກຖານ ທຄຕລ ສາຂາ ໂພນໂຮງ,

ເປັນກຽດເຂົ້າຮ່ວມຂອງ ທ່ານ ຄໍາພູທອນ ເທບສຸພົມ ກໍາມະການພັກແຂວງ, ປະທານຄະນະບໍລິຫານງານສະຫະພັນກຳມະບານແຂວງ, ທ່ານ ພູທອນ ດວງພະຈັນ ເລຂາໜວ່ຍພັກ, ຫົວໜ້າທະນາຄານການຄ້າຕ່າງປະເທດລາວ ມະຫາຊົນ ສາຂາ ເມືອງໂພນໂຮງ, ແຂກຖືກເຊີນ, ພ້ອມດ້ວຍສະມາຊິກ ກຳມະບານ ເຂົ້າຮ່ວມທັງໝົດ 43 ສະຫາຍ, ຍິງ 14 ສະຫາຍ.


ໃນພິທີໄດ້ຮັບຟັງການຜ່ານບົດສະຫຼຸບ ການປະເມີນຜົນຂໍ້ແຂ່ງຂັນ 5 ເປັນເຈົ້າ ປະຈຳປີ 2019-2020 ແລະ ທິດທາງ ແຜນການ 2021. ຈາກ ທ່ານ ແສງດາວ ດວງສົມບັດ ເຊິ່ງທ່ານໄດ້ຍົກໃຫ້ເຫັນຜົນງານທີ່ພົ້ນເດັ່ນຫຼາຍດ້ານ.

ໂດຍໄດ້ຖືສຳຄັນຕໍ່ວຽກງານສຶກສາອົບຮົມການເມືອງ-ແນວຄິດ ໃຫ້ແກ່ສະມາຊິກກຳມະບານ ພາຍໃນຮາກຖານ ໃຫ້ມີແນວຄິດອຸ່ນອ່ຽງ, ທຸ່ນທ່ຽງ, ເຊື້ອໝັ້ນຕໍ່ການນໍາພາຂອງພັກ, ມີຄຸນສົມບັດ ສິນທຳປະຕິວັດ, ມີຄວາມສາມັກຄີ, ຊ່ວຍເຫຼືອເຊິ່ງກັນ ແລະ ກັນ, ສ້າງເປັນກຳລັງແຮງໃນການປະຕິບັດວຽກງານ, ຫຼັກການລວມສູນ ປະຊາທິປະໄຕ, ຕົກລົງເປັນໝູ່ຄະນະ,

ບຸກຄົນຮັບຜິດຊອບ, ໃນການປະຕິບັດວຽກຂະບວນການແຂ່ງຂັນ 5 ເປັນເຈົ້າ ຕິດພັນກັບວຽກງານວິຊາສະເພາະຂອງແຕ່ລະສະຫາຍ ໃຫ້ປະກົດຜົນສໍາເລັດເປັນຢ່າງດີ. ຜ່ານການປະຕິບັດເນື້ອໃນຂະບວນການ 5 ເປັນເຈົ້າ ສາມາດປະເມີນຜົນແຕ່ລະດ້ານໄດ້ດັ່ງນີ້: ເປັນເຈົ້າໂຄສະນາສືກສາອົບຮົມການເມືອງ-ແນວຄິດ ສາມາດ ປະຕິບັດໄດ້ 91,84%, ເປັນເຈົ້າໃນການພັດທະນາວຽກງານກໍາມະບານ ສາມາດປະຕິບັດໄດ້ 91,80% ເປັນເຈົ້າປົກປ້ອງສິດ, ຜົນປະໂຫຍດອັນຊອບທໍາຂອງພະນັກງານ,

ສະມາຊີກກໍາມະບານ, ກໍາມະກອນ ແລະ ຊາວຜູ້ອອກແຮງງານ ສາມາດປະຕິບັດໄດ້ 91,57 % , ເປັນເຈົ້າເຂົ້າຮ່ວມໃນການຕິດຕາມ, ກວດກາ, ຄຸ້ມຄອງລັດ, ຄຸ້ມຄອງເສດຖະກິດ, ວັດທະນາທໍາ-ສັງຄົມ ສາມາດປະຕິບັດໄດ້ 91,16% ເປັນເຈົ້າໃນການປະຕິບັດແນວທາງນະໂຍບາຍການຕ່າງປະເທດຂອງພັກ ສາມາດປະຕິບັດໄດ້ 91,11%. ຜ່ານການປະເມີນມາດຖານເງື່ອນໄຂ ຈຶ່ງໄດ້ຮັບໃບຢັ້ງຢືນ 5 ເປັນເຈົ້າ ປະຈຳປີ 2019 ແລະ 2020 ຈາກທ່ານ ຄໍາພູທອນ ເທບສຸພົມ ປະທານຄະນະບໍລິຫານງານສະຫະພັນກຳມະບານແຂວງ, ພ້ອມກັນນັ້ນກໍ່ໄດ້ມອບໃບຍ້ອງຍໍໃຫ້ບຸກຄົນທີ່ມີຜົນງານດີເດັ່ນ ຈຳນວນ 38 ສະຫາຍ, ຍິງ 13 ສະຫາຍ.


ໃນຕອນທ້າຍຂອງພິທີຍັງໄດ້ຮັບຟັງການໂອ້ລົມຂອງ ທ່ານ ຄໍາພູທອນ ເທບສຸພົມ ຊື່ງທ່ານໄດ້ກ່າວຍ້ອງຍໍຊົມເຊີຍ ຕໍ່ບັນດາສະຫາຍ, ສະມາຊິກກຳມະບານ ຮາກຖານດັ່ງກ່າວ ທີ່ພ້ອມກັນຍາດຜົນງານມາໄດ້ໃນໄລຍະຜ່ານມາ ຄ່ຽງຄູ່ກັບຜົນສໍາເລັດ ທ່ານຍັງໄດ້ເນັ້ນໃຫ້ຄະນະກຳມະບານຮາກຖານ ເອົາໃຈໃສ່ສືບຕໍ່ຊີ້ນຳ-ນຳພາ ສະມາຊິກກຳມະບານພາຍໃນຮາກຖານ, ຈົ່ງຮັກສາມູນເຊື້ອອັນມີກຽດສະຫງ່ານີ້ໄວ້ ຕະຫຼອດໄປ, ເພື່ອຮັບປະກັນໃຫ້ກໍາມະບານຮາກຖານຂອງຕົນ ໄດ້ຮັບນາມມະຍົດຂະບວນການແຂ່ງຂັນ 5 ເປັນເຈົ້າ ໃນຕໍ່ໜ້າກໍ່ຄືແຕ່ລະປີຕະຫຼອດໄປ.

ຂ່າວ:ບຸນຄົງ ຈັນດາລາ 020 55687658

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031