Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະພັກຮາກຖານຫ້ອງວ່າການແຂວງວຽງຈັນ ສຳເລັດກອງປະຊຸມໃຫຍ່ຄັ້ງທີ VI

1 min read

ຄະນະພັກຮາກຖານຫ້ອງວ່າການແຂວງວຽງຈັນ ສຳເລັດກອງປະຊຸມໃຫຍ່ຄັ້ງທີ VI.


ກອງປະຊຸມໃຫຍ່ຄັ້ງທີ VI ຂອງຄະນະພັກຮາກຖານຫ້ອງວ່າການແຂວງວຽງຈັນໄດ້ສຳເລັດລົງໃນວັນທີ 31ສິງຫາ 2020 ຢູ່ທີ່ສະໂມສອນໃຫຍ່ຂອງແຂວງ

ໂດຍການເປັນກຽດເຂົ້າຮ່ວມຂອງ ສະຫາຍ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ,ເຈົ້າແຂວງໆວຽງຈັນ, ມີຄະນະຊີ້ນຳກອງປະຊຸມໃຫຍ່ຂອງແຂວງ, ແຂກຖຶກເຊີນພ້ອມດ້ວຍຜູ້ແທນສົມບູນເຂົ້າຮ່ວມ 77 ສະຫາຍ, ຍິງ 30 ສະຫາຍ.


ສະຫາຍ ພູຄຳ ສຸດທິຈັກ ເລຂາຄະນະພັກຮາກຖານຫ້ອງວ່າການແຂວງວຽງຈັນໄດ້ຂື້ນຜ່ານຮ່າງບົດລາຍງານການເມືອງຕໍ່ກອງປະຊຸມໃຫຍ່ຄັ້ງນີ້ວ່າ: ຄະນະພັກຮາກຖານຫ້ອງວ່າການແຂວງວຽງຈັນແມ່ນຄະນະພັກຮາກຖານໜຶ່ງທີ່ຂຶ້ນກັບອົງຄະນະພັກແຂວງ, ມີ 6 ໜ່ວຍພັກຂື້ນກັບ ມີສະມາຊິກພັກທັງໝົດ 83 ສະຫາຍ, ຍິງ 33 ສະຫາຍ, ສຳຮອງ 4 ສະຫາຍ,ຜ່ານມາສາມາດຂະຫຍາຍສະມາຊິກພັກໃໝ່ໄດ້ 14 ສະຫາຍ, ຕະຫລອດໄລຍະ 5 ປີຜ່ານມາຄະນະພັກຮາກຖານຫ້ອງວ່າການໄດ້ຖືເອົາວຽກງານສຶກສາອົບຮົມການເມືອງ-ນຳພາແນວຄິດເປັນວຽກງານທີ່ສຳຄັນ,ເອົາໃຈໃສ່ເຜີຍແຜ່ແນວທາງນະໂຍບາຍຂອງພັກ, ມະຕິຄຳສັ່ງ, ລະບຽບກົດໝາຍຂອງລັດ ມາເຜີຍແຜ່ຮ່ຳຮຽນໃຫ້ແກ່ສະມາຊິກພັກ, ພະນັກງານຢູ່ໃນຄວາມຮັບຜິດຊອບຂອງຕົນ, ພ້ອມກັນນັ້ນກໍ່ໄດ້ຈັດຕັ້ງປາຖະກະຖາ ແລະ ເລົ່າມູນເຊື້ອໃນວັນສຳຄັນຂອງພັກ-ຂອງຊາດຢ່າງເປັນປົກກະຕິ.


ໃນໄລຍະຜ່ານມາຄະນະພັກຮາກຖານ ຫ້ອງວ່າການແຂວງ ໄດ້ພະຍາຍາມເຮັດຕາມພາລະບົດບາດ, ສິດ ແລະ ໜ້າທີ່ຂອງຕົນ ຢ່າງຕັ້ງໜ້າໃນການເປັນເສນາທິການໃຫ້ຄະນະພັກຂັ້ນເທິງ, ສ້າງແຜນການດຳເນີນກອງປະຊຸມຕ່າງໆຕາມທິດຊີ້ນຳຂອງຄະນະປະຈຳພັກແຂວງ ໃຫ້ສອດຄ່ອງເໝາະສົມ

ພ້ອມນັ້ນ ກໍ່ຍັງໄດ້ເປັນເຈົ້າການຄົ້ນຄວ້າ-ສັງລວມເອກະສານການຕ່າງໆເຊັ່ນ: ຂຽນ ແລະ ຮຽບຮຽງບົດໂອ້ລົມ, ບົດປາໄສ, ບົດສໍາພາດ, ບົດປະກອບຄຳເຫັນ, ສະຫຼຸບສັງລວມຂ່າວສານ, ເຫດການຕ່າງໆ ທີ່ເກິດຂຶ້ນພາຍໃນແຂວງ, ເຮັດວຽກງານຄົ້ນຄວ້າ, ວິເຄາະວິໄຈກ່ຽວກັບບັນຫາຕ່າງໆ, ມີຄຳເຫັນນໍາສະເໜີຊ່ວຍໃຫ້ການຕົກລົງຕັດສິນບັນຫາໄດ້ຢ່າງຖືກຕ້ອງ ແລະ ຊັດເຈນ, ອຳນວຍຄວາມສະດວກ ໃນການລົງຕິດຕາມ, ຊຸກຍູ້ ແລະ ການຈັດຕັ້ງປະຕິບັດວຽກງານຕ່າງໆ ຂອງຄະນະປະຈຳໃນແຕ່ລະໄລຍະ, ເປັນເຈົ້າການຕິດຕາມເຄື່ອນໄຫວປະຕິບັດໜ້າທີ່ ຂອງບັນດາພະແນກການ, ກົມກອງ, ເມືອງ, ບ້ານໃນວຽກງານພັດທະນາເສດຖະກິດ-ສັງຄົມທົ່ວແຂວງ ແລະ ເປັນເຈົ້າການພົວພັນກັບຕ່າງປະເທດຕາມຄວາມຮັບຜິດຊອບຂອງແຂວງ.


ກອງປະຊຸມໃຫຍ່ຄັ້ງນີ້ບັນດາຜູ້ແທນກອງປະຊຸມຍັງໄດ້ໃຊ້ສິດປະຊາທິປະໄຕຂອງຕົນເລືອກເອົາຄະນະພັກຮາກຖານຊຸດໃໝ່ 5 ສະຫາຍ ບົນພື້ນຖານຫຼັກການລວມສູປູຊາທິປະໄຕ, ທັງຖືກຕ້ອງ ແລະ ສອດຄ່ອງກັບມາດຖານເງື່ອນໄຂທີ່ໄດ້ກຳນົດໄວ້.

ກອງປະຊຸມຄັ້ງປະຖົມມະລຶກໄດ້ເປັນເອກະສັນເລືອກເອົາສະຫາຍ ພູຄຳ ສຸດທິຈັກ ເປັນເລຂາຄະນະພັກຮາກຖານ, ເລືອກເອົາ ສະຫາຍ ບຸນສຸກ ສຸພາລັກ ເປັນຮອງເລຂາຄະນະພັກຮາກຖານ,ສະຫາຍ ກຸມມານ ວັນລະດີ, ສະຫາຍ ວໍລະສອນ ສີອັກຄະສອນ ແລະ ສະຫາຍ ແພງປິວ ທິດຫຼ່ຽມຂວັນ ເປັນຄະນະພັກຮາກຖານຫ້ອງວ່າການແຂວງວຽງຈັນຊຸດໃໝ່,ໃນນີ້ເລືອກເອົາສະຫາຍ ບຸນສຸກ ສຸພັດລັັກ ເປັນປະທານກວດກາພັກ, ສະຫາຍ ກຸມມານ ວັນລະດີ ເປັນຮອງປະທານ ແລະ ສະຫາຍ ນາງ ດວງຕາ ສະເຫຼີມສຸກ ເປັນຜູ້ຊ່ວຍວຽກກວດກາພັກ, ພ້ອມທັງເລືອກເອົາຜູ້ແທນສົມບູນ ແລະ ສຳຮອງ ໄປຮ່ວມກອງປະຊຸມໃຫຍ່ຂອງອົງຄະນະພັກແຂວງທີ່ຈະໄຂຂື້ນໃນຕໍ່ໜ້າ.ພິເສດກອງປະຊຸມຍັງໄດ້ຮັບຟັງການໂອ້ລົມ

ອັນມີຄວາມໝາຍຄວາມສຳຄັນ, ໜັກແໜ້ນ ແລະ ເຕັມໄປດ້ວຍບົດຮຽນທີ່ລໍ້າຄ່າ ຈາກສະຫາຍ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆວຽງຈັນ, ຊຶ່ງຄຳໂອ້ລົມດັ່ງກ່າວນັ້ນ ໄດ້ເປັນເຂັມຊີ້ທິດເຍືອງທາງ, ທັງເປັນຂີດໝາຍອັນສຳຄັນ ເພື່ອໃຫ້ຄະນະພັກຮາກຖານຊຸດໃໝ່ ນຳພາສະມາຊິກ


ພັກເສີມຂະຫຍາຍແນວທາງນະໂຍບາຍຂອງພັກ-ລັັດຢ່າງຕັ້ງໜ້າ, ເອົາໃຈໃສ່ປັບປຸງແກ້ໄຂຈຸດອ່ອນ, ຂໍ້ຄົງຄ້າງ, ສືບຕໍ່ຈັດຕັ້ງປະຕິບັດຄາດໝາຍສູ້ຊົນໃນແຕ່ລະດ້ານຢ່າງລະອຽດ ແລະ ເຮັດສຳເລັດໜ້າທີ່ການເມືອງຂອງຕົນ ທີ່ໄດ້ວາງໄວ້ໃຫ້ໄດ້ຢ່າງມີປະສິດທິຜົນ.


ຂ່າວ:ບຸນມາ ແກ້ວບຸດດາ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930