Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີມອບ-ຮັບໜ້າທີ່ຫົວໜ້າຫ້ອງການສາທາລະນະສຸກເມືອງຊະນະຄາມ ຜູ່ເກົ່າ ແລະ ຜູ່ໃໝ່

1 min read

ພິທີມອບ-ຮັບໜ້າທີ່ຫົວໜ້າຫ້ອງການສາທາລະນະສຸກເມືອງຊະນະຄາມ ຜູ່ເກົ່າ ແລະ ຜູ່ໃໝ່


ພິທີດັ່ງກ່າວ ໄດ້ຈັດຂຶ້ນໃນຕອນເຊົ້າ ຂອງວັນທີ 01 ກັນຍາ 2020 ທີ່ຜ່ານມາ, ຢູ່ທີ່ຫ້ອງປະຊຸມຫ້ອງການສາທາລະນະສຸກເມືອງ, ໂດຍການເປັນກຽດເຂົ້າຮ່ວມເປັນປະທານ ຂອງທ່ານ ສະໝານ ວິເສດຍະພົງສ໌ ເລຂາຄະນະບໍລິຫານງານພັກເມືອງ ເຈົ້າເມືອງໆຊະນະຄາມ, ທ່ານ ດຣ ດາວແກ້ວ ສີຫາລາດ ຫົວໜ້າຫ້ອງການສາທາລະນະສຸກເມືອງ, ໃນພິທີ ທີ່ມີຄວາມໝາຍຄວາມສໍາຄັນໃນຄັ້ງນີ້

ຍັງໄດ້ເປັນກຽດຕ້ອນຮັບການເຂົ້າຮ່ວມເປັນປະທານຂອງ ທ່ານ ດຣ ອິນປອນ ແສງມະນີ ຫົວໜ້າພະແນກສາທາລະນະສຸກແຂວງວຽງຈັນ ພ້ອມດ້ວຍຄະນະ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ ແລະ ບັນດາພະນັກງານ ແພດໝໍພາຍໃນເມືອງ ເຂົ້າຮ່ວມຢ່າງພ້ອມພຽງ.


ທ່ານ ບົວໄລ ຣາຊະພົນ ກໍາມະການພັກເມືອງ ຫົວໜ້າຄະນະຈັດຕັ້ງເມືອງ ໄດ້ຂຶ້ນຜ່ານຂໍ້ຕົກລົງຂອງລັດຖະມົນຕີກະຊວງສາທາລະນະສຸກ, ສະບັບເລກທີ 1308 ແລະ ເລກທີ 1316/ສທ,ລົງວັນທີ 10 ມິຖຸນາ 2020, ວ່າດ້ວຍການອະນຸມັດໃຫ້ພະນັກງານ-ລັດຖະກອນ ພັກການຮັບອຸດໜູນບໍານານ ເຊິ່ງປະກອບມີ ທ່ານ ດາວແກ້ວ ສີຫາລາດ ຫົວໜ້າຫ້ອງການສາທາລະນະນະສຸກເມືອງ ແລະ ທ່ານ ນາງ ຂັນທະລີ ວິໄລຣັກ ຫົວໜ້າຈຸງານ ຫ້ອງການສາທາລະນະສຸກເມືອງ ເຂົ້າພັກການຮັບອຸດໜູນບໍານານ ນັບແຕ່ວັນທີ 01 ກໍລະກົດ 2020 ເປັນຕົ້ນໄປ.


ເນື່ອງໃນໂອກາດທີ່ເຂົ້າຮັບການພັກການຮັບອຸດໜູນບໍານານ ທ່ານ ດຣ ດາວແກ້ວ ສີຫາລາດ ຫົວໜ້າຫ້ອງການສາທາລະນະສຸກເມືອງ ຜູ່ເກົ່າ, ໄດ້ຂຶ້ນຜ່ານບົດສະຫຼຸບຫຍໍ້ສະພາບການຈັດຕັ້ງປະຕິບັດ ແລະ ການຊີ້ນໍາ-ນໍາພາວຽກງານ ຫ້ອງການສາທາລະນະສຸກເມືອງໃນໄລຍະຜ່ານມາ ແລະ ພ້ອມທັງຂຶ້່ນກ່າວລາໜ້າທີ່, ຈາກນັ້ນ ຄະນະຈັດຕັ້ງເມືອງໄດ້ຜ່ານຂໍ້ຕົກລົງ ຂອງເຈົ້າເມືອງຊະນະຄາມ ສະບັບເລກທີ 254/ຈມ.ຊຄ, ລົງວັນທີ 20 ສິງຫາ 2020, ວ່າດ້ວຍການແຕ່ງຕັ້ງຄະນະຫ້ອງການສາທາລະນະສຸກເມືອງ ໂດຍເຫັນດີ ແຕ່ງຕັ້ງ 1. ທ່ານ ໂພຄໍາ ແສງລະດີ ກໍາມະການພັກເມືອງ ຮອງຫົວໜ້າຫ້ອງການສາທາລະນະສຸກເມືອງ ຂຶ້ນເປັນຫົວໜ້າຫ້ອງການສາທາລະນະສຸກເມືອງ, 2. ແຕ່ງຕັ້ງ ດຣ ລໍາພົງ ປະຖັມມະວາດ ຫົວໜ້າໜ່ວຍງານປິ່ນປົວ ຂຶ້ນເປັນຮອງຫົວໜ້າຫ້ອງການສາທາລະນະສຸກເມືອງ.


ພ້ອມກັນນີ້, ໃນພິທີ, ຍັງໄດ້ມີການເຊັນບົດບັນທຶກ ມອບ-ຮັບໜ້າທີ່ ລະຫວ່າງຫົວໜ້າຫ້ອງການສາທາລະນະສຸກເມືອງຜູ່ເກົ່າ ແລະ ຜູ່ໃໝ່ຂຶ້ນ, ໂດຍຊ້ອງໜ້າບັນດາຄະນະປະທານ, ແຂກຖືກເຊີນ ແລະ ບັນດາພະນັກງານແພດໝໍ ທີ່ໄດ້ເຂົ້າຮ່ວມເປັນສັກຂີພະຍານໃນຄັ້ງນີ້, ແລະ ໃນໂອກາດທີ່ມີຄວາມໝາຍ-ຄວາມສໍາຄັນດັ່ງກ່າວ, ໃນພິທີ ຍັງໄດ້ຮັບຟັງ ການມີຄໍາເຫັນໂອ້ລົມ ແລະ ມີທິດຊີ້ນໍາຈາກຄະນະປະທານ, ເຊິ່ງຄໍາໂອລົມໃນຄັ້ງນີ້ໄດ້ກາຍເປັນບົດຮຽນອັນຍອດຫຍິ່ງ ,

ທັງເປັນເຂັມທິດຊີ້ເຍືອງໃນການປະຕິບັດວຽກງານ, ເປັນຂວັນກໍາລັງໃຈທີ່ສໍາຄັນໃນການປຸກລະດົມຄວາມກະຕືລືລົ້ນຕໍ່ຄວາມຮັບຜິດຊອບຂອງພະນັກງານແພດໝໍໃນທົ່ວເມືອງ ໃຫ້ມີຄວາມຮັກມັກໃນອາຊີບ, ເປັນເຈົ້າການໃນການປະຕິບັດໜ້າທີ່ວຽກງານທີ່ຕົນຮັບຜິດຊອບ ໃຫ້ມີປະສິດທິພາບສູງຂຶ້ນເປັນກ້າວໆ.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031