Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໝື່ນ ຈັດກອງປະຊຸມເຜີຍແຜ່ເຊື່ອມຊຶມການປະເມີນສ້າງແຂວງເປັນຫົວໜ່ວຍຍຸດທະສາດ ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ

1 min read

ເມືອງໝື່ນ ຈັດກອງປະຊຸມເຜີຍແຜ່ເຊື່ອມຊຶມການປະເມີນສ້າງແຂວງເປັນຫົວໜ່ວຍຍຸດທະສາດ,ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ
ກອງປະຊຸມເຜີຍແຜ່ເຊື່ອມຊຶມການປະເມີນສ້າງແຂວງເປັນຫົວໜ່ວຍຍຸດທະສາດ,ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ໄດ້ຈັດຂຶ້ນ

ວັນທີ 31 ສິງຫາ 2020 ຢູ່ທີ່ສະໂມສອນໃຫຍ່ຫ້ອງວ່າການປົກຄອງເມືອງໝື່ນ ແຂວງວຽງຈັນ ພາຍໃຕ້ການເປັນປະທານຂອງ ທ່ານ ພອນເທີດ ສຸຫວັດດີ ເລຂາພັກເມືອງ ວ່າການເຈົ້າເມືອງໆໝື່ນ,ມີທ່ານ ກົງເພັດ ສໍປະດິດ ຮອງຫົວໜ້າພະເເນກພາຍໃນເເຂວງວຽງຈັນ,ມີຄະນະປະຈຳ,ກຳມະການພັກເມືອງ,ຫົວໜ້າຫ້ອງການ,ເລຂາພັກບ້ານບ້ານ,ນາຍບ້ານ ແລະ ກອງເລຂາຄະນະຮັບຜິດຊອບວຽກງານ 3 ສ້າງເຂົ້າຮ່ວມ.


ທ່ານ ນາງ ຄຳແວວ ໂພທິສານ ກຳມະການພັກເມືອງ ຫົວໜ້າຫ້ອງການພາຍໃນເມືອງໝື່ນ ໄດ້ຜ່ານບົດລາຍງານວຽກງານ 3 ສ້າງ 5 ປີຂອງເມືອງໝື່ນ, ຜ່ານຂໍຕົກລົງແຕ່ງຕັ້ງຄະນະກຳມະການສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ,ຜ່ານຂໍຕົກລົງແບ່ງຄວາມຮັບຜິດຊອບການປະເມີນສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ,ຜ່ານຄໍາ ແນະນຳການຈັດຕັ້ງປະຕິບັດປະເມີນຜົນວຽກງານ 3 ສາມສ້າງຂັ້ນເມືອງ

 

ຈາກນັ້ນ ທ່ານ ກົງເພັດ ສໍປະດິດ ຮອງຫົວໜ້າພະແນກພາຍໃນແຂວງວຽງຈັນ ກໍ່ໄດ້ມີຄຳເຫັນ ແນະນຳບາງບັນຫາ ເພື່ອໃຫ້ມີຄວາມເປັນເອກະພາບກັນໃນການຈັດຕັ້ງປະຕິບັດ,ອະທິບາຍຂັ້ນຕອນໃນການປະເມີນຕົວຈິງ ພ້ອມທັງໄດ້ຜ່ານຄຳເເນະນຳເລກທີ 05/ພນ,ວຈ, ລັງວັນທີ 31 ທັນວາ 2019 ກ່ຽວກັບການປະເມີນສ້າງແຂວງເປັນຫົວໜ່ວຍຍຸດທະສາດ 7 ດ້ານ,66 ຕົວຊີ້ບອກ,ສ້າງເມືອງເປັນຫົວໜ່ວຍເຂັ້ມແຂງຮອບດ້ານ 5 ດ້ານ,47 ຕົວຊີ້ບອກ ແລະ ສ້າງບ້ານເປັນຫົວໜ່ວຍພັດທະນາ 4 ດ້ານ,30 ຕົວຊີ້ບອກ.


ເພື່ອໃຫ້ມີຄວາມເປັນເອກະພາບກັນໃນການນຳໃຊ້ແບບຟອມ ທ່ານ ອິດທິພົງ ດານາວົງ ຮອງຂະແໜງຊົນເຜົ່າພະເເນກພາຍໃນເເຂວງວຽງຈັນ ໄດ້ອະທິບາຍວິທີປະເມີນ, ຜ່ານແບບຟອມຕົວຊີ້ບອກ ມາດຖານການປະເມີນ ສ້າງເມືອງເປັນຫົວໜ່ວຍເຂັ້ມແຂງຮອບດ້ານ 5 ດ້ານ, 47 ຕົວຊີ້ບອກ ແລະ ສ້າງບ້ານເປັນຫົວໜ່ວຍພັດທະນາ 4 ດ້ານ,30 ຕົວຊີ້ບອກ ຈາກນັ້ນຜູ້ເຂົ້າຮ່ວມກອງປະຊຸມຕ່າງໄດ້ປະກອບຄຳຄິດຄຳເຫັນ ແລກປ່ຽນບົດຮຽນເຊິ່ງກັນ ແລະ ກັນ ພ້ອມຄົ້ນຄ້ວາປະກອບຄຳເຫັນຕໍ່ຕົວຊີ້ບອກຕ່າງໆຢ່າງກົງໄປກົງມາ.


ທ້າຍພິທີປະທານກອງປະຊຸມໄດ້ມີຄຳເຫັນໂອ້ລົມ ເຊິ່ງທ່ານໄດ້ເໜັ້ນໜັກໃຫ້ບັນດາຂະແໜງການຂອງເມືອງ ຈົ່ງພ້ອມກັນສຸມໃສ່ຈັດຕັ້ງປະຕິບັດວຽກງານດັ່ງງານກ່າວນີ້ ໃຫ້ມີຜົນສຳເລັດ ຮັບປະກັນຄຸນນະພາບ ໂດຍອີງໃສ່ມາດຖານການປະເມີນ ແລະ ຕົວຊີ້ບອກທີ່ໄດ້ກຳນົດໄວ້.

ຂ່າວ ແຫວນຄຳ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930