Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມສຳມະນາຫົວຂໍ້ລະດັບຊາດ ການສ້າງລັດທີ່ປົກຄອງດ້ວຍກົດໝາຍຢູ່ ສປປ ລາວ

1 min read

ກອງປະຊຸມສຳມະນາຫົວຂໍ້ລະດັບຊາດ ການສ້າງລັດທີ່ປົກຄອງດ້ວຍກົດໝາຍຢູ່ ສປປ ລາວ.


ກອງປະຊຸມດັ່ງກ່າວໄດ້ຈັດຂຶ້ນໃນຕອນເຊົ້າຂອງວັນທີ 02 ກັນຍາ 2020 ຢູ່ທີ່ ໂຮງແຮມ ທະວີສຸກ, ເມືອງ ວັງວຽງ, ແຂວງ ວຽງຈັນ,

ເຂົ້າຮ່ວມທ່ານ ປອ. ນາມ ວິຍະເກດ ກຳມະການສູນກາງພັກ ຮອງປະທານ, ຜູ້ປະຈຳການສະພາທິດສະດີສູນກາງພັກ ,ເຂົ້າຮ່ວມມີທ່ານ ປອ. ອຸ່ນແກ້ວ ວຸທິລາດ ສະມາຊິກສະພາທິດສະດີສູນກາງພັກ ຫົວໜ້າໂຄງການຄົ້ນຄວ້າລະດັບຊາດ ຫົວຂໍ້ການສ້າງລັດທີ່ປົກຄອງກົດໝາຍ,

ມີບັນດາຄະນະຄົ້ນຄວ້າຫົວຂໍ້ລະດັບຊາດ, ຜູ້ຕາງໜ້າຈາກອົງການຈັດຕັ້ງພັກ-ລັດ ແລະ ພະນັກງານຫຼັກແຫຼ່ງຈາກສູນກາງ ແລະ ທ້ອງຖິ່ນ ພ້ອມດ້ວຍຄະນະຊ່ຽວຊານຈາກແຜນງານເຊກາ ເຂົ້າຮ່ວມທັງໝົດຈຳນວນ 56 ທ່ານ, ຍິງ 11 ທ່ານ.


ກອງປະຊຸມໃນຄັ້ງນີ້ຜູ້ເຂົ້າຮ່ວມໄດ້ຮັບຟັງການສະເໜີຮ່າງບົດວິພາກໂຄງການຄົ້ນຄວ້າຫົວຂໍ້ ການສ້າງລັດທີ່ປົກຄອງດ້ວຍກົດໝາຍ ຢູ່ ສປປ ລາວ, ຊຶ່ງປະກອບດ້ວຍ 3 ພາກຄື: ພາກທີ I ພື້ນຖານທິດສະດີກ່ຽວກັບລັດທີ່ປົກຄອງດ້ວຍກົດໝາຍ, ພາກທີ II ແນວຄິດສ້າງລັດທີ່ປົກຄອງດ້ວຍກົດໝາຍຂອງພັກປະຊາຊົນປະຕິວັດລາວ ແລະ ພາກທີ III ຄາດໝາຍ, ທັດສະນະ ແລະ ແນວຄິດໃນການສ້າງລັດທີ່ປົກຄອງດ້ວຍກົດໝາຍ ຢູ່ ສປປ ລາວ,

ພ້ອມທັງຮັບຟັງການນຳສະເໜີບົດຮຽນການສ້າງລັດທີ່ປົກຄອງດ້ວຍກົດໝາຍຂອງບັນດາປະເທດເຊັ່ນ: ບົດຮຽນຂອງ ສສ ຫວຽດນາມ, ຈີນ, ອົງການສະຫະປະຊາຊາດ ແລະ ສິງກະໂປ, ຊຶ່ງບັນດາຄະນະຄົ້ນຄວ້າຫົວຂໍ້ລະດັບຊາດ ໄດ້ພັດປ່ຽນກັນຂຶ້ນສະເໜີຫົວຂໍ້ດັ່ງກ່າວ,

ຫຼັງຈາກນັ້ນຜູ້ເຂົ້າຮ່ວມກອງປະຊຸມກໍໄດ້ມີຄຳເຫັນແລກປ່ຽນ, ພ້ອມທັງປະກອບຄຳເຫັນໃສ່ຮ່າງບົດວິພາກດັ່ງກ່າວຢ່າງກົງໄປກົງມາ ເພື່ອເຮັດໃຫ້ຮ່າງບົດວິພາກມີເນື້ອໃນຄົບຖ້ວນ, ສົມ ບູນ ແລະ ສອດຄ່ອງກັບສະພາບຄວາມເປັນຈິງ ແລະ ການຂະຫຍາຍຕົວທາງດ້ານເສດຖະກິດຂອງປະເທດເຮົາໃນປັດຈຸບັນ, ແລະ ຄະນະຄົ້ນຄວ້າຫົວຂໍ້ລະດັບຊາດຈະໄດ້ສັງລວມຄໍາເຫັນຂອງຜູ້ເຂົ້າຮ່ວມ ເພື່ອສືບຕໍ່ປັບປຸງເນື້ອໃນບົດວິພາກໃຫ້ມີຄຸນນະພາບ, ມີເນື້ອໃນສົມບູນ ແລະ ສາມາດນຳສະເໜີຂັ້ນເທິງຮັບຮອງເອົາໃນທ້າຍປີ 2020.


ໃນຕອນທ້າຍຂອງກອງປະຊຸມ ທ່ານ ປອ. ນາມ ວິຍະເກດ ກຳມະການສູນກາງພັກ ຮອງປະທານຜູ້ປະຈຳການສະພາທິດສະດີສູນກາງພັກ ກໍໄດ້ມີຄໍາເຫັນຕໍ່ກອງປະຊຸມ ຊຶ່ງທ່ານໄດ້ເນັ້ນໜັກໃຫ້

ນັກສຳມະນາກອນທຸກທ່ານ ເອົາໃຈໃສ່ຄົ້ນຄວ້າປະກອບຄຳຄິດເຫັນດ້ວຍເຫດຜົນທີ່ຖືກຕ້ອງສອດຄ່ອງກັບສະພາບຄວາມເປັນຈິງຂອງປະເທດເຮົາເພື່ອໃຫ້ໄດ້ຮັບປະສິດທິພາບ ແລະ ປະສິທິຜົນຕາມຄາດ ໝາຍກອງປະຊຸມສຳມະນາໄດ້ດຳເນີນໄປເປັນເວລາ 3 ວັນ ຈຶ່ງສໍາເລັດ.

ຂ່າວ: ໝອນແກ້ວ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930