Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກຸ່ມບ້ານທ່າເຮືອ ເມືອງວັງວຽງ ແຂວງວຽງຈັນ ໄດ້ຮັບການຊ່ວຍເຫຼືອ ຈາກປະເທດ ສ.ເກົາຫຼີ

1 min read

ໃນ​ຕອນ​ບ່າຍ ຂອງວັນ​ເສົາ ວັນ​ທີ 21 ທັນວາ 2019 ນີ້,​ ຢູ່ທີ່ ໂຮງຮຽນປະຖົມ ບ້ານທ່າເຮືອເໜືອ ເມືອງວັງວຽງ ແຂວງວຽງຈັນ, ໄດ້​ມີ​ການມອບ – ຮັບ ເຄື່ອງຊ່ວຍເຫຼືອ ແລະ ທາສີໂຮງຮຽນ ບ້ານທ່າເຮືອເໜືອ.

​ເປັນ​ກຽດເຂົ້າຮ່ວມ​ຂອງ​ທ່ານ ​ສຸວຽງທອງ ວົງຈຳປາ ຮອງເຈົ້າເມືອງໆວັງ​ວຽງ, ມີທ່ານ ບຸນ ປາລາມີ  ຮອງຫົວຫນ້າຫ້ອງການສຶກສາທິການແລະກິລາເມືອງວັງວຽງ, ​ Mrs Mi Hye Cho  ຮອງອຳນວຍ ວິທະຍາໄລສຸຂະພາບ ຈິນຈູ JINJU HEALTH COLLEGE ພ້ອມ​ດ້ວຍ​ຄະ​ນະ ແລະ ນັກສຶກສາ, ມີ​ອຳນາດການປົກຄອງ, ຫົວໜ້າໂຮງຮຽນປະຖົມ ບ້ານທ່າເຮືອເໜືອ, ຄູອາຈານ, ພໍ່ແມ່ປະຊາຊົນແລະນ້ອງນັກຮຽນ ບ້ານດັ່ງກ່າວ ເຂົ້າຮ່ວມ.

ການມອບ – ຮັບເຄື່ອງຊ່ວຍເຫຼືອ ແລະ ທາສີໂຮງຮຽນບ້ານທ່າເຮືອເໜືອໃນ​ຄັ້ງນີ້ ທາງ ວິທະຍາໄລສຸຂະພາບ ຈິນຈູ JINJU HEALTH COLLEGE ແມ່ນມາເຮັດວຽກນັບແຕ່ວັນທີ 15-21/12/2019 ມີອາຈານ, ໝໍ ແລະ ນັກສຶກສາ ລວມທັງໝົດ 50 ຄົນ, ຍິງ 30 ຄົນ.

ທັງນີ້ ກໍ່ເພື່ອ​ເປັນ​ການ​ຕອບ​ສະ​ໜອງ​ຕາມ​ການ​ສະ​ເໜີ​ ຂອງ​ຄ​ະ​ນະ​ອຳ​ນວຍ​ການ​ໂຮງຮຽນປະຖົມບ້ານທ່າເຮືອເໜືອ ກ່ຽວກັບການ​ທາສີ ​​ແລະ ອຸ​ປະ​ກອນການສຶກສາ, ເພື່ອ​ເປັນການ​ປະ​ກອບ​ສ່ວນຊຸກຍູ້​ ເຂົ້າ​ໃນ​ວ​ຽກ​ງານ​ການ​ສຶກ​ສາ​ ​ເມືອງວັງ​ວຽງ ແຂວງວຽງຈັນ ກໍ່​ຄືຢູ່​ ໂຮງ​ຮຽນ ປະຖົມບ້ານທ່າເຮືອເໜືອ ໃຫ້ມີຄຸນນະພາບດີຂຶ້ນ.

ໃນນີ້ ໄດ້ແບ່ງອອກເປັນ 2 ກິດຈະກຳໃຫຍ່ຄື:

1. ການກວດເຊັກສຸຂະພາບ ຈາກທ່ານໝໍ ວິທະຍາໄລສຸຂະພາບ ຈິນຈູ JINJU HEALTH COLLEGE ປະເທດ ສ.ເກົາຫລີ ຢູ່ທີ່ສຸກສາລາບ້ານທ່າເຮືອເໜືອ ແລະ ໂຮງໂຮຽນປະຖົມບ້ານນ້ຳພ້າວ ເພື່ອກວດສຸຂະພາບເດັກນ້ອຍ 6 ເດືອນ ແລະ ຜູ້ອາຍຸສູງ, ການກວດເຊັກສຸຂະພາບເບື້ອງຕົ້ນ, ການວັດແທກສາຍຕາ ແລະ ແຈກແວ່ນຕາ, ການກວດສຸຂະພາບແຂ້ວ ແລະ ອັດແຂງ, ການກວດເລືອດ, ເສີມສວຍ ພ້ອມນີ້ຍັງໄດ້ ແຈກຢາຍຢາປະຈໍາເຮືອນໃຫ້ແກ່ຜູ້ມາກວດ.

2. ການຊ່ວຍເຫຼືອໂຮງຮຽນປະຖົມບ້ານທ່າເຮືອເໜືອ:  ໄດ້ສ້ອມແປງ – ທາສີໂຮງຮຽນ, ການຫລິ້ນກິດຈະກຳຕ່າງໆເປັນຕົ້ນ ການທາສີຫ້ອງອະນຸບານ ແຕ້ມປະເພດສິນລະປະໂຕກາຕູນ ເພື່ອເປັນການສະແດງຄວາມຮູ້ບຸນຄຸນມາຍັງ ວິທະຍາໄລສຸຂະພາບ ຈິນຈູ JINJU HEALTH COLLEGE ທີ່ໄດ້ມາຊ່ວຍເຫຼືອໃນຄັ້ງນີ້.

ທ່ານ ສຸວຽງທອງ ວົງຈຳປາ ຮອງເຈົ້າເມືອງໆວັງ​ວຽງ ໄດ້ມອບໃບສົມມະນາຄຸນ Mrs Mi Hye Cho  ຮອງອຳນວຍ JINJU HEALTH COLLEGE ໃນ​ຕອນ​ທ້າຍ, ຍັງໄດ້ຊົມການສະແດງ ສິນລະປະ ເຕັນແອວລະບິດແລະເທຄອນໂຕ ຫລັງຈາກນັ້ນກໍ່ໄດ້ມີພິທີບາສີສູ່ຂວັນໃຫ້ແກ່ທາງ ວິທະຍາໄລສຸຂະພາບຈິນຈູ JINJU HEALTH COLLEGE  ພ້ອມ​ດ້ວຍ​ຄະ​ນະແລະສຶກສາ ທີ່ມາຊ່ວຍເຫຼືອໃນຄັ້ງນີ້​.

 

 

 

 

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031