Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງວັງວຽງໄດ້ຮັບຟັງການເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ແລະ ກອງປະຊຸມສະໄໝສາມັນເທື່ອທີ 9 ສະພາປະຊາຊົນແຂວງວຽງຈັນ ຊຸດທີI

1 min read

ພະນັກງານຫຼັກແຫຼ່ງ ທົ່ວເມືອງວັງວຽງໄດ້ຮັບຟັງການເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ແລະ ກອງປະຊຸມສະໄໝສາມັນເທື່ອທີ 9 ສະພາປະຊາຊົນແຂວງວຽງຈັນ ຊຸດທີI.

ໃນວັນທີ 01 ກັນຍາ 2020 ນີ້, ຢູ່ທີ່ສະໂມສອນເມືອງວັງວຽງ ແຂວງວຽງຈັນ.

ໄດ້ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ແລະຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງວຽງຈັນ ຊຸດທີ I. ໂດຍການໃຫ້ກຽດເຂົ້າຮ່ວມຮັບຟັງມີບັນດາທ່ານຮອງເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ທະຫານ-ຕຳຫຼວດ, ພະນັກງານ-ລັດຖະກອນ ເຂົ້າຮ່ວມຢ່າງພ້ອມພຽງ.


ທ່ານ ບຸນຈັນ ມາລາວົງ ເລຂາພັກເມືອງ ເຈົ້າເມືອງໆວັງວຽງ ໄດ້ຂື້ນລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະ ທິດທາງແຜນການວຽກງານ 6 ເດືອນທ້າຍປີ2020.


ຈາກນັ້ນ ທ່ານ ປອ ສົມພູ ດວງສະຫວັນ ຄະນະປະຈຳສະພາແຫ່ງຊາດ ໄດ້ຂື້ນຜ່ານເອກະສານຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ເຊີ່ງກອງປະຊຸມໄດ້ພິຈາລະນາຮັບຮອງເອົາບັນຫາສຳຄັນພື້ນຖານຂອງປະເທດຊາດຄື: ຮັບຮອງເອົາບົດລາຍງານຂອງລັດຖະບານກ່ຽວກັບການຈັດຕັ້ັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດແລະ ແຜນເງີນຕາ 05 ເດືອນຄາດຄະເນ 06 ເດືອນຕົ້ນປີ ແລະ ທິດທາງວຽກງານຈຸດສຸມ 6 ເດືອນທ້າຍປີ 2020, ຮັບຮອງເອົາການປັບປຸງກົດໝາຍຈຳນວນ 05 ສະບັບ.

ກອງປະຊຸມໄດ້ສະເໜີໃຫ້ 05 ພາກສ່ວນປະກອບດ້ວຍກະຊວງການເງີນ,ກະຊວງແຜນການແລະ ການລົງທືນ,ກະຊວງກະສິກຳ ແລະ ປ່າໄມ້,ກະຊວງແຮງງານ ແລະ ສະຫວັດດີການສັງຄົມແລະ ທະນາຄານແຫ່ງ ສປປລາວຂື້ນຊີ້ແຈງຕໍ່ຄຳຊັກຖາມທີ່ໄດ້ຍົກຂື້ນຢູ່ໃນກອງປະຊຸມ ແລະປະຊາຊົນບັນດາເຜົ່າສົ່ງຄຳຄິດເຫັນຜ່ານໂທລະສັບສາຍດ່ວນ(156)ຫຼາຍກ່ວາ 479 ສາຍ ເຊີ່ງສາມາດສັງລວມໄດ້ເປັນ 72 ບັນຫາໃນນີ້ບັນຫາທີ່ພົ້ນເດັ່ນແມ່ນພົວພັນເຖີງຄ່າໄຟຟ້າແພງ,ບັນຫາທີ່ດິນ,ການກໍສ້າງເສັ້ນທາງ,ການຄຸ້ມຄອງແລກປ່ຽນເງິນຕາ,ການແກ້ໄຂບັນຫາຢາເສບຕິດແລະ ການປະຕິບັດຄຳຕັດສິນຂອງສານ.


ຈາກນັ້ນທ່ານ ບຸນປັນ ພົມມະວົງ ສະມາຊິກສະພາ ປະຊາຊົນແຂວງວຽງຈັນ ປະຈໍາເຂດເລືອກຕັ້ງເມືອງວັງວຽງ ໃຫ້ກຽດເຜີຍແຜ່ເອກະສານຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງວຽງຈັນຊຸດທີ I,

ເຊີ່ງກອງປະຊຸມໄດ້ພິຈາລະນາ ແລະຮັບຮອງເອົາບົດລາຍງານຂອງອົງການປົກຄອງແຂວງກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແລະ ແຜນງົບປະມານແຫ່ງລັດຂອງແຂວງ 6 ເດືອນຕົ້ນປີ ແລະ ທິດທາງແຜນວຽກຈຸດສຸມ 6 ເດືອນທ້າຍປີ 2020,ກອງປະຊຸມໄດ້ຮັບຟັງການລາຍງານຂອງພະແນກກະສິກຳ ແລະປ່າໄມ້ກ່ຽວກັບການຕີລາຄາຜົນກະທົບຈາກໄພພິບັດທຳມະຊາດ, ການແຜ່ລະບາດຂອງພະຍາດໂຄວິດ 19 ຕໍ່ການຜະລິດກະສິກຳ ແລະບັນດາຄາດໝາຍສູ້ຊົນ,ຮັບຟັງການລາຍງານ ແລະປະກອບຄຳເຫັນໃສ່ບົດສະຫຼຸບການເຄື່ອນໄຫວວຽກງານຂອງສະພາປະຊາຊົນແຂວງຊຸດທີ I ໃນ 6 ເດືອນຕົ້ນປີ ແລະ ທິດທາງແຜນວຽກຈຸດສຸມ 6 ເດືອນທ້າຍປີ 2020 ຄຽງຄູ່ກັນ. ປະຊາຊົນສົ່ງຄຳຄິດເຫັນຜ່ານໂທລະສັບສາຍດ່ວນທັງໝົດ 20 ສາຍ,ມີ 10 ເລື່ອງ.


ຫລັງຈາກນັ້ນຈະໄດ້ສຶບຕໍ່ລົງ ເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ແລະ ກອງປະຊຸມສະໄໝສາມັນເທື່ອທີ 9 ສະພາປະຊາຊົນແຂວງວຽງຈັນ ຊຸດທີI ຕາມກຸ່ມບ້ານຄື: ບ້ານຫ້ວຍແຍ້ ກຸ່ມບ້ານວັງວຽງ, ບ້ານໂພໄຊ ກຸ່ມບ້ານຜາຕັ້ງ, ບ້ານວັງໜ້ຽງ-ບ້ານໂພນສະຫວ່າງ ກຸ່ມບ້ານນາມອນ ແລະກອງພົນທີ 1.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031