Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ມອບ – ຮັບເງິນນະໂຍບາຍຕາມດໍາລັດ 272/ລບ,ປະຈຳປີ 2020 ໃຫ້ເມືອງໝື່ນ ແລະ ເມືອງຊານະຄາມ

1 min read

ມອບ – ຮັບເງິນນະໂຍບາຍຕາມດໍາລັດ 272/ລບ,ປະຈຳປີ 2020 ໃຫ້ເມືອງໝື່ນ ແລະ ເມືອງຊານະຄາມ.


ພິທີມອບ – ຮັບເງິນນະໂຍບາຍຕາມດຳລັດ 272/ລບ ,ປະຈຳປີ 2020 ໃຫ້ຜູ້ທີ່ມີຜົນງານ ແລະ ຄຸນງາມຄວາມດີໃນພາລະກິດຮັບໃຊ້ການປະຕິບັດຊາດປະະຊາທິປະໄຕໃນໄລຍະຜ່ານມາ ຂອງເມືອງໝື່ນ ແລະ ເມືອງຊານະຄາມ ໄດ້ຈັດຂຶ້ນໃນຕອນເຊົ້າ ວັນທີ 28 ສິງຫາ 2020 ຢູ່ທີ່ສະໂມສອນຫ້ອງວ່າການປົກຄອງເມືອງໝື່ນແຂວງວຽງຈັນ

ໂດຍການໃຫ້ກຽດເຂົ້າເປັນປະທານ ຂອງທ່ານ ພອນເທີດ ສຸຫວັດດີ ເລຂາພັກເມືອງ,ວ່າການເຈົ້າເມືອງໆໝື່ນ,ມີທ່ານ ບຸນຖົມ ພົງວິໄລ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມ ແຂວງວຽງຈັນ,ມີບັນດາທ່ານໃນຄະນະກຳມະການຂັ້ນເມືອງ,ເປົ້າໝາຍ,ຕາງໜ້າເປົ້າໝາຍຮັບນະໂຍບາຍກໍ່ໃຫ້ກຽດເຂົ້າຮ່ວມ.


ທ່ານ ລີຕົວ ລີເລຍນູ ກຳມະການພັກເມືອງ ຫົວໜ້າຫ້ອງການແຮງງານ ແລະ ສະຫວັດດີການສັງຄົມ ເມືອງໝື່ນ ໄດ້ຂຶ້ນຜ່ານບົດສະຫຼຸບຫຍໍ້ກ່ຽວກັບວຽກງານນະໂຍບາຍໃນໄລຍະ 1 ປີຜ່ານມາ ຈາກນັ້ນທ່ານ ນາງ ສົມພັນ ສີວົງໄຊ ຫົວໜ້າຂະເເໜງນະໂຍບາຍ ພະເເນກແຮງງານ ແລະ ສະຫວັດດີການສັງຄົມແຂວງວຽງຈັນ ໄດ້ຜ່ານຂໍ້ຕົກລົງຂອງລັດຖະມົນຕີກະຊວງ ຮສສ ກ່ຽວກັບການຈັດຕັ້ງປະຕິບັດນະໂຍບາຍປະຈຳປີ 2020 ພ້ອມທັງຜ່ານລາຍຊື່ຜູ້ທີ່ໄດ້ຮັບນະໂຍບາຍ ປີ 2020 ຂອງເມືອງໝື່ນ ແລະ ເມືອງຊານະຄາມ ຈາກນັ້ນທ່ານ ບຸນຖົມ ພົງວິໄລ ຮອງຫົວໜ້າພະເເນກເເຮງງານ ແລະ ສະຫວັດດີການສັງຄົມແຂວງວຽງຈັນ ໄດ້ຂຶ້ນມອບເງິນນະໂຍບາຍໃຫ້ເມືອງໝື່ນ ແລະ ເມືອງຊານະຄາມ

ກ່າວຮັບໂດຍ ທ່ານ ພອນເທີດ ສະຫວັດດີ ເລຂາພັກເມືອງ ວ່າການເຈົ້າເມືອງໆໝື່ນ ຕາງໜ້າໃຫ້ ເມືອງໝື່ນ ແລະ ເມືອງຊານະຄາມ ຂຶ້ນຮັບ ,ໂອກາດນີ້ ທ່ານ ລີຕົວ ລີເລຍນູ ກຳມະການພັກເມືອງຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງໝື່ນ ກໍ່ໄດ້ມອບເງິນນະໂຍບາຍດັ່ງກ່າວ ຕໍ່ໃຫ້ ເປົ້າໝາຍຮັບອຸດໜູນ,ຕາງໜ້າເປົ້າຂອງເມືອງໝື່ນ ຈຳນວນ 8 ທ່ານ,ເມືອງຊານະຄາມ 2 ທ່ານ ຕື່ມອີກ.


ທ້າຍພິທີປະທ່ານປະທານ ກໍ່ໄດ້ມີຄຳເຫັນໂອ້ລົມ ກ່າວສະແດງຄວາມຊົມເຊີຍ ແລະ ຮູ້ບຸນຄຸນມາຍັງບັນດາທ່ານທີ່ໄດ້ຮັບອຸດໜູນໃນຄັ້ງນີ້ ເຊິ່ງບັນດາທ່ານລ້ວນແຕ່ໄດ້ປະກອບສ່ວນເຂົ້າໃນພາລະກິດຮັບໃຊ້ການປະຕິບັດຊາດປະະຊາທິປະໄຕໃນໄລຍະຜ່ານມາ ສະນັ້ນຂໍໃຫ້ບັນດາທ່ານທີ່ເປັນເປົ້າໝາຍອຸດໜູນ ແລະ ຜູ້ຕາງໜ້າຮັບອຸດໜູນ ພ້ອມກັນນຳໃຊ້ເງິນຈຳນວນນີ້ ໃຫ້ຖືກເປົ້າໝາຍ,ໃຫ້ເກີດປະໂຫຍດ,ມີຄວາມສະຫງົບ,ນຳໃຊ້ເປັນທຶນຮອນໃນການພັດທະນາເສດຖະກິດຄອບຄົວໃຫ້ມີຄວາມໝັ້ນຄົງ.

ຂ່າວ ແຫວນຄຳ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930