Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມເຜີຍແຜ່ເຊື່ອມຊຶມ ແລະ ແນະນໍາປະເມີນຜົນວຽກງານ 3 ສ້າງ

1 min read

ກອງປະຊຸມເຜີຍແຜ່ເຊື່ອມຊຶມ ແລະ ແນະນໍາປະເມີນຜົນວຽກງານ 3 ສ້າງ


ວັນທີ 28 ສິງຫາ 2020 ຜ່ານມາຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ຈັດກອງປະຊຸມເຜີຍແຜ່
ເຊື່ອມຊຶມ ແລະ ແນະນໍາປະເມີນຜົນວຽກງານ 3 ສ້າງໂດຍການເປັນປະທານຂອງ ທ່ານ ກົງຈັນ ພັນທະມິດ ເລຂາພັກ
ເມືອງ ຜູ້ຊີ້ນໍາວຽກງານພັກ – ພະນັກງານ, ມີຄະນະປະຈໍາ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ
ແລະ ເລຂາພັກບ້ານ – ນາຍບ້ານທົ່ວເມືອງເຂົ້າຮ່ວມ.


ທ່ານ ກົງຈັນ ພັນທະມິດ ຮອງເລຂາພັກເມືອງ ຜູ້ຊີ້ນໍາວຽກງານພັກ – ພະນັກງານ ໄດ້ໃຫ້ກຽດຂຶ້ນກ່າວເປີດ
ກອງປະຊຸມທ່ານໃຫ້ຮູ້ວ່າ ກອງປະຊຸມໃນຄັ້ງນີ້ຈະໄດ້ພ້ອມກັນສ້າງຄວາມເປັນເອກະພາບໃນບັນດາສະຫາຍຄະນະພັກ
ຄະນະຫ້ອງການ, ອົງການຂັ້ນເມືອງ ແລະ ບ້ານໃນການປະເມີນຜົນການຈັດຕັ້ງປະຕິບັດວຽກງານ 3 ສ້າງຢູ່ເມືອງຫີນ
ເຫີບໃນໄລຍະຜ່ານມາ

ອີກຢ່າງໜຶ່ງກອງປະຊຸມຈະໄດ້ຄົ້ນຄວ້າການກໍານົດເປົ້າໝາຍ ແລະ ທິດທາງໃນການຜັນຂະ
ຫຍາຍວຽກງານ 3 ສ້າງໃນຕໍ່ໜ້າຕາມວິໄສທັດຮອດປີ 2030 ກອງປະຊຸມຍັງຈະໄດ້ພ້ອມກັນຄົ້ນຄວ້າແລກປ່ຽນບົດ
ຮຽນກ່ຽວກັບການສືບຕໍ່ປະຕິບັດວຽກງານ 3 ສ້າງຕາມເນື້ອໃນຈິດໃຈຂອງມະຕິເລກທີ 25 / ກມສພ, ຄໍາສັ່ງເລກ
ທີ 34 / ນຍ ວ່າດ້ວຍ ທິດທາງ, ເປົ້າໝາຍ ແລະ ມາດຕະການໃນການຈັດຕັ້ງປະຕິບັດວຽກງານ 3 ສ້າງໃນທົ່ວປະເທດ
ແຈ້ງການສະບັບເລກທີ 05 / ພນ ແລະ ແບບຟອມການປະເມີນວຽກງານ 3 ສ້າງ

ທ່ານຍັງໄດ້ຮຽກຮ້ອງໃຫ້ທຸກທ່ານທີ່ເຂົ້າຮ່ວມກອງປະຊຸມຈົ່ງຕັ້ງໜ້າຄົ້ນຄ້ວາປະກອບຄໍາເຫັນ, ຮໍ່າຮຽນ ແລະ ຖອດຖອນບົດຮຽນເຊິ່ງກັນ ແລະ ກັນຢ່າງມີປະສິດທິຜົນແນໃສ່ສ້າງເງື່ອນໄຂປັບປຸງບູລະນະອົງການບໍລິຫານລັດໃຫ້ເຂັ້ມແຂງ ທ່ານ ໂສພາ ທໍາມະນີວົງ ຮອງຫົວໜ້າຫ້ອງວ່າການເມືອງຫີນເຫີບ ກໍ່ໄດ້ຂຶ້ນຜ່ານບົດລາຍງານການຈັດຕັ້ງປະຕິບັດວຽກງານ 3 ສ້າງຢູ່ເມືອງຫີນເຫີບ ໃນທົ່ວເມືອງຫີນເຫີບມີທັງໝົດ 38 ບ້ານ, ມີ 5 ກຸ່ມບ້ານ, ມີ 6.069 ຫຼັງຄາ, ມີ 7.096 ຄອບຄົວ, ມີພົນລະເມືອງທັງ
ໝົດ 33.527 ຄົນ, ຍິງ 16.629 ຄົນ ໃນນີ້ເມືອງຫີນເຫີບໄດ້ກໍານົດເອົາ 4 ບ້ານເປັນບ້ານເປົ້າໝາຍ ການຈັດຕັ້ງ
ປະຕິບັດວຽກງານ 3 ສ້າງ

ເມືອງຫີນເຫີບເປັນເມືອງໜຶ່ງທີ່ໄດ້ເອົາໃຈໃສ່ຈັດຕັ້ງຜັນຂະຫຍາຍມະຕິ, ຄໍາສັ່ງທີ່ຂັ້ນເທິງວາງ
ອອກໃຫ້ເປັນຮູບປະທໍາໂດຍໄດ້ຈັດຕັ້ງຜັນຂະຫຍາຍວຽກງານ 3 ສ້າງເຂົ້າສູ່ລວງເລິກ ແລະ ຫັນວຽກດັ່ງກ່າວໃຫ້
ເປັນຄວາມຮັບຜິດຊອບຂອງຂະແໜງການແຕ່ລະຂັ້ນ ພ້ອມກັນນັ້ນກໍ່ໄດ້ອອກຂໍ້ຕົກລົງຂອງເມືອງກ່ຽວກັບການມອບ
ຄວາມຮັບຜິດຊອບຈັດຕັ້ງປະຕິບັດແຕ່ລະຕົວຊີ້ບອກໃນດ້ານຕ່າງໆໃຫ້ແຕ່ລະພາກສ່ວນຂັ້ນເມືອງ ແລະ ບ້ານ ເຊິ່ງໃນ
ໄລຍະ 1 ປີຜ່ານມາ ຄະນະພັກ, ອົງການປົກຄອງເມືອງໄດ້ເອົາໃຈໃສ່ຊີ້ນໍາ – ນໍາພາຈັດຕັ້ງປະຕິບັດວຽກງານ 3 ສ້າງຂັ້ນ
ເມືອງ ແລະ ຂັ້ນບ້ານ ການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ
ສ້າງບ້ານເປັນຫົວໜ່ວຍພັດທະນາໂດຍເລັງໃສ່ 5 ເປົ້າ 5 ດ້ານຄື ດ້ານການກໍ່ສ້າງພັກ – ພະນັກງານ, ດ້ານການປົກຄອງ
ແລະ ບໍລິຫານ, ດ້ານເສດຖະກິດ,

ດ້ານວັດທະນະທໍາ – ສັງຄົມ ແລະ ດ້ານປ້ອງກັນຊາດ – ປ້ອງກັນຄວາມສະຫງົບ ການສ້າງບ້ານເປັນຫົວນ່ວຍພັດທະນາໄດ້ສຸມໃສ່ 4 ດ້ານເປັນຕົ້ນດ້ານລະບົບການເມືອງ – ການປົກຄອງ, ດ້ານການ
ສົ່ງເສີມການຜະລິດເປັນສິນຄ້າ ແລະ ການບໍລິການ, ດ້ານວັດທະນະທໍາ – ສັງຄົມ ແລະ ສິນຄ້າ ແລະ ການບໍລິການ,
ດ້ານວັດທະນະທໍາ – ສັງຄົມ ແລະ ດ້ານວຽກງານປ້ອງກັນຊາດ – ປ້ອງກັນຄວາມສະຫງົບ ທ່ານ ກົງຈັນ ພັນທະມິດ
ຮອງເລຂາພັກເມືອງ ໄດ້ຂຶ້ນຜ່ານເອກະສານຄໍາແນະນໍາທ່ານເຈົ້າເມືອງຫີນເຫີບ ສະບັບເລກທີ 05 / ຈມຫຫ ລົງວັນທີ
25 ສິງຫາ 2020 ກ່ຽວກັບການຈັດຕັ້ງປະຕິບັດປະເມີນຜົນວຽກງານ 3 ສ້າງ,

ທ່ານ ນ. ອໍາມາລາ ທິບພະແກ້ວ ກໍາມະການພັກເມືອງ ຂຶ້ນຜ່ານຂໍ້ຕົກລົງທ່ານເຈົ້າເມືອງຫີນເຫີບ ສະບັບເລກທີ 223 / ຈມຫຫ ລົງວັນທີ 24 ສິງຫາ 2020 ວ່າດ້ວຍ ການແຕ່ງຕັ້ງຄະນະກໍາມະການປະເມີນວຽກງານ 3 ສ້າງຂັ້ນເມືອງ, ຂໍ້ຕົກລົງທ່ານເຈົ້າເມືອງຫີນເຫີບ ສະບັບເລກທີ 225 / ຈມຫຫ ລົງວັນທີ 25 ສິງຫາ 2020 ວ່າດ້ວຍ ການແບ່ງຄວາມຮັບຜິດຊອບການປະເມີນຜົນ
ສ້າງເມືອງເປັນຫົວໜ່ວຍເຂັ້ມແຂງຮອບດ້ານຕາມ 5 ດ້ານ 47 ຕົວຊີ້ບອກ ກອງປະຊຸມຍັງໄດ້ມີການປະກອບຄໍາເຫັນ
ແລກປ່ຽນບົດຮຽນຕໍ່ບັນດາຕົວຊີ້ບອກຕ່າງໆໃຫ້ມີຄວາມເຂົ້າໃຈຢ່າງເລິກເຊິ່ງ ເພື່ອນໍາໄປຈັດຕັ້ງປະຕິບັດໃຫ້ປະກົດຜົນ
ເປັນຈິງ.

ທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບໄດ້ໃຫ້ກຽດມີຄໍາເຫັນ ແລະ ໂອ້ລົມຕໍ່ກອງປະຊຸມ
ເຊິ່ງທ່ານໄດ້ຮຽກຮ້ອງໃຫ້ບັນດາທ່ານທີ່ເຂົ້າຮ່ວມກອງປະຊຸມຈົ່ງນໍາເອົາເນື້ອໃນຈິດໃຈຂອງກອງປະຊຸມໄປປຶກສາຫາລື
ໃນໝູ່ຄະນະເພື່ອໃຫ້ມີຄວາມເປັນເອກະພາບໃນການຈັດຕັ້ງປະຕິບັດວຽກງານ 3 ສ້າງໃຫ້ສໍາເລັດຕາມວັນເວລາທີ່ຂັ້ນ
ເທິງໄດ້ກໍານົດໄວ້.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930