Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

12ບ້ານຢູ່ເມືອງເຟືອງໄດ້ຮັບເຄື່ອງຊ່ວຍເຫຼືອຈາກໂຄງການພັດທະນາທ້ອງຖິ່ນລາວ

1 min read

12ບ້ານຢູ່ເມືອງເຟືອງໄດ້ຮັບເຄື່ອງຊ່ວຍເຫຼືອຈາກໂຄງການພັດທະນາທ້ອງຖິ່ນລາວ


ເພຶ່ອເປັນປະກອບສ່ວນ, ຊຸກຍູ້ ສົ່ງເສີມ, ທັງເປັນການບັນເທົາຄວາມຂາດເຂີນທາງດ້ານສະບຽງ ອາຫານ ແລະເຄື່ອງໃຊ້ທີ່ຈຳເປັນໃຫ້ແກ່ປະຊາຊົນບາງບ້ານຢູ່ເມືອງເຟືອງ ຊ່ວງໄລຍະ ການລະບາດຂອງພະຍາດ ໂຄວິດ -19 ເຊິ່ງມີຜົນກະທົບທາງກົງໃນການດຳລົງຊີວິດຂອງປະຊາຊົນຢູ່ເມືອງເຟືອງ.


ດັ່ງນັ້ນ, ໄລຍະວັນທີ 1-3 ກັນຍາ 2020 ນີ້ ນຳໂດຍ ທ່ານ ນາງ ເອັມມາ ຊ່ຽວຊານຈາກໂຄງການພັດທະນາທ້ອງຖິ່ນລາວ/030 ລຸກຊຳບວກພ້ອມດ້ວຍຄະນະທີມງານ ໄດ້ລົງສົມທົບກັບພະນັກງານຫ້ອງການແຜນການ ແລະການລົງທຶນເມືອງ,

ຫ້ອງການທີ່ກ່ຽວຂ້ອງຂັ້ນເມືອງ ໄດ້ນຳເອົາເຄື່ອງຊ່ວຍເຫຼືອປະເພດເຂົ້າສານ: ເຂົ້າໜຽວ ແລະເຂົ້າຈ້າວ ຈຳນວນ 22.600 ກິໂລ ມູນຄ່າ 178.540.000 ກີບ, ໃນນີ້ ໄດ້ມອບໃຫ້ແກ່ 12 ບ້ານເປົ້າໝາຍຂອງໂຄງການຄື: ບ້ານສີສະອາດ, ບ້ານປາກງ້ວາ, ບ້ານນາໃໝ່, ບ້ານນາບອນ, ບ້ານນ້ຳປຸ່ງ, ບ້ານໜອງປໍ, ບ້ານໂພນແບ່ງ, ບ້ານນ້ຳໄຮ, ບ້ານໂພນແຍງ, ບ້ານນາເມືອງ, ບ້ານໂພນສະຫວ່າງ ແລະບ້ານແສນໄຊ ໃນຈໍານວນ 366 ຄົວເຮືອນ

ເຊິ່ງໄດ້ຮັບສະເພາະ ຄອບຄົວທີ່ອານາຖາ, ຄອບຄົວທຸກຍາກ, ຄົວເຮືອນມີຄົນພິການຈະໄດ້ຮັບ 80 ກິໂລ/ຄົວເຮືອນ, ສະເພາະຄອບຄົວທີ່ເຂົ້າບໍ່ກຸ້ມກິນຕະຫຼອດປີແມ່ນໄດ້ຮັບ 60 ກິໂລ/ຄົວເຮືອນ ແລະຍັງໄດ້ມອບເງິນຈຳນວນ 2.400.000 ໃຫ້ຄອບຄົວອານາຖາຈຳນວນ 6 ຄອບຄົວ.

ນອກຈາກນີ້ບັນດາບ້ານເປົ້າໝາຍຈະໄດ້ຮັບເຄື່ອງສຸກຂະອະນາໄມ, ສຸຂາພິບານ ໃຫ້ທຸກຄົວເຮືອນ, ຫ້ອງການບ້ານ ແລະໂຮງຮຽນອີກດ້ວຍ.


ການຈັດພິທີ ມອບ-ຮັບເຄື່ອງຢູ່ແຕ່ລະບ້ານເປົ້າໝາຍ ໄດ້ມີຕາງໜ້າໂຄງການພັດທະນາທ້ອງຖິ່ນລາວ/030, ພະນັກງານຫ້ອງການທີ່ກ່ຽວຂ້ອງຂັ້ນເມືອງ ສົມທົບກັບອົງການປົກຄອງຂັ້ນບ້ານໂດຍມີ ທ່ານ ເຈົ້າເມືອງ, ຄະນະປະຈຳພັກເມືອງ ໄດ້ເຂົ້າຮ່ວມໂອ້ລົມ ແນະນຳໃຫ້ອົງການປົກຄອງຂັ້ນບ້ານໄດ້ແຈກຢາຍເຄື່ອງທີ່ໄດ້ຮັບຖືກຕາມເປົ້າໝາຍຂອງໂຄງການທີ່ໄດ້ອະນຸມັດທຶນນຳມາມອບໃຫ້ຄັ້ງນີ້.

ຂ່າວ:ຄໍາລຸນ ສົມວົງໄຊ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930