Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກວດກາໂຄງການ ສຳຫຼວດ-ອອກແບບຕ້ານເຈື່ອນແຄມນໍ້າຊອງ ແລະ ທາງຍ່າງທັງສອງຟາກຂ້າງ ເມືອງວັງວຽງ ແຂວງວຽງຈັນ 

1 min read

ກວດກາໂຄງການ ສຳຫຼວດ-ອອກແບບຕ້ານເຈື່ອນແຄມນໍ້າຊອງ ແລະ ທາງຍ່າງທັງສອງຟາກຂ້າງ ເມືອງວັງວຽງ ແຂວງວຽງຈັນ


ກອງປະຊຸມ ກວດກາ ໂຄງການ ສຳຫຼວດ-ອອກແບບຕ້ານເຈື່ອນແຄມນໍ້າຊອງ ແລະ ທາງຍ່າງທັງສອງຟາກຂ້າງ ເມືອງວັງວຽງ ແຂວງວຽງຈັນ.ໄດ້ມີຂຶ້ນໃນວັນທີ 28 ສິງຫາ 2020 ຜ່ານມາ ໂດຍການເປັນປະທານຂອງ ທ່ານ ບຸນສອນ ເພັດລາວັນ ຄະນະປະຈຳພັກແຂວງ ຮອງເຈົ້າແຂວງໆວຽງຈັນ,ມີທ່ານ ບຸນຈັນ ມາລາວົງ ເລຂາພັກເມືອງ ເຈົ້າເມືອງວັງວຽງ,ມີ ທ່ານ ນາງ ແກ້ວມະນີວອນ ອິນທະລັງສີ ຮອງອຳນວຍການ ບໍລິສັດ ອິນທະລັງສີ ກໍ່ສ້າງເຄຫາສະຖານ ແລະ ຂົວ-ທາງ ຈໍາກັດຜູ້ດຽວ,ມີບັນດາຄະນະກຳມະການທີ່ກ່ຽວຂ້ອງຂັ້ນກະຊວງ,ຂັ້ນແຂວງ ແລະ ຂັ້ນເມືອງເຂົ້າຮ່ວມ.

ໃນວາລະກອງປະຊຸມ ທ່ານ ຮສ ປອ ສຸກັນ ຈິດປັນຍາ ທີ່ປຶຶຶກສາບໍລິສັດ ໄດ້ຂຶ້ນຜ່ານແຜນແມ່ບົດຂອງໂຄງການ ສຳຫຼວດ-ອອກແບບຕ້ານເຈື່ອນແຄມນໍ້າຊອງ ແລະ ທາງຍ່າງທັງສອງຟາກຂ້າງ ເພື່ອອໍານວຍຄວາມສະດວກດ້ານພື້ນຖານໂຄງລ່າງດ້ານການທ່ອງທຽວເມືອງວັງວຽງ ແຂວງວຽງຈັນ ໂຄງການນີ້ເປັນໂຄງການທີ່ມີລັກສະນະຍາວຢຽດໄປຕາມສອງຟາກແມ່ນ້ຳຊອງ ມີຄວາມຍາວ ທັງຫມົດ9 km ເຊິ່ງມີການເຊື່ອມຕໍ່ກັນເປັນເສັ້ນທາງ ແບບວົງແຫວນ ເພື່ອໃຫ້ເກີດ ຄວາມຕໍ່ເນື່ອງ, ມີການພົວພັນກັນເຮັດໃຫ້ເກີດມີການພັດທະນາຫຼາຍຈຸດ ແລະ ການເຂົ້າເຖິງພື້ນ ທີ່,ສາມາດເຂົ້າໄດ້ດ້ວຍ 5 ປະຕູຫຼັກ ແລະ ໃນແຕ່ລະຈຸດໄດ້ມີການຈັດສັນບ່ອນຈອດລົດອ້ອມຮອບທາງເຂົ້າໂຄງການໂດຍການນຳໃຊ້ລົດສ່ວນຕົວທີ່ເປັນລົດເບົາ ຫຼື ລົດໂດຍສານທີ່ເປັນການສັນຈອນດ້ວຍລົດເບົາ ຫຼື ດ້ວຍລົດຖີບເພື່ອສົ່ງເສີມການທ່ອງທ່ຽວ ແລະ ເປັນການດຶງດູດນັກທ່ອງທ່ຽວ,ສ້າງຊີວິດຊີວາແກ່ພື້ນທີ່ໂຄງການດັ່ງກ່າວ.ໃນໂຄງການນີ້ໄດ້ປະກອບມີບັນດາກິດຈະກຳ ແລະ ໂຄງການຍ້ອຍ ເຊັ່ນ

ເສັ້ນທາງຍ່າງວົງແຫວນແຄມນໍ້າຊອງ
ເສັ້ນທາງລົດຖີບ (ທາງປູຄອນກີດ)
ເສັ້ນທາງລົດຖີບ (ທາງດິນແດງ)
ເສັ້ນທາງລົດຖີບ (ທາງຫີນທຳມະຊາດ)
ແລວເສັ້ນທາງສະຫງວນເພື່ອສ້າງຂົວ
ຂົວຂ້າມນໍ້າຊອງ ລົດ 4 ລໍ້ສາມາດຂ້າມໄດ້
ຂົວອູ, ຂົວເຫຼັກຂ້າມນໍ້າຊອງ
ຂົວໄມ້ໄຜ່,ມີຈຸດຮ້ານຄ້າ/ຮ້ານອາຫານ/ຫ້ອງນ້ຳບໍລິການເຊິ່ງປະກອບມີ


1 ສູນການຮຽນຮູ້ຊຸມຊົນ
2 ສວນພຶກສາສາດ/ລານກິດຈະກາຳກາງແຈ້ງ
3 ສວນສາທາລະນະແລະທາງຍ່າງແຄມນໍ້າ
4 ທາງຍ່າງແຄມນ້ຳຊອງ
5 ຕະຫຼາດ/ສວນນິເວດ
6 ຣີສອດ/ຮ້ານອາຫານ
7 ສູນຊາວໜຸ່ມນາໆຊາດ
8 ຣີສອດ ແລະ ສະຖານທີ່ທ່ອງທ່ຽວສຳລັບຜູ້ສູງອາຍຸແລະມີຈຸດເຊື່ອມຕໍ່ທາງເຂົ້າໂຄງການແລະຕາໍແໜ່ງປ້າຍບອກທາງ.
ຜ່ານການກວດກາຂອງຄະນະກຳມະການຄັ້ງທີ 1 ໃນວັນທີ 05/12/2017 ເຫັນວ່າວຽກດັ່ງກ່າວແມ່ນສຳເລັດ 36.03% ມີມູນຄ່າ : 1,159,950,000 ກີບ,


ຜ່ານການກວດກາຂອງຄະນະກຳມະການຄັ້ງທີ 2 ໃນວັນທີ 08/11/2019 ເຫັນວ່າວຽກດັ່ງກ່າວແມ່ນສຳເລັດ 63.97% ມີມູນຄ່າ : 2,059,310,000 ກີບ ຜ່ານການກວດກາຂອງຄະນະກຳມະການທັງ 2 ຄັ້ງເຫັນວ່າວຽກດັ່ງກ່າວແມ່ນສຳເລັດ ມີມູນຄ່າ ແລະມີມູຄ່າທັງຫມົດ 3,219,260,000 ກີບ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930