Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພະແນກ ພະລັງງານ ແລະ ບໍ່ແຮ່ ແຂວງ ວຽງຈັນ ສຳເລັດກອງປະຊຸມໃຫຍ່ ໜ່ວຍພັກຂອງຕົນ.

1 min read

ກອງປະຊຸມໄດ້ໄຂຂື້ນ ແລະ ສຳເລັດລົງ ໃນວັນທີ 4 ກັນຍາ 2020 ນີ້, ຢູ່ຫ້ອງຫ້ອງປະຊຸມຂອງພະແນກ ດັ່ງກ່າວ.

ເປັນກຽດເຂົ້າຮ່ວມຂອງ ສະຫາຍ ບຸນເພັງ ສາຍນໍລະດີ ຮອງເລຂາພັກແຂວງ ປະທານສະພາປະຊາຊົນ ແຂວງວຽງຈັນ,

ຄະນະປະຈຳພັກແຂວງ, ຜູ້ຊີ້ນຳກອງປະຊຸມໃຫຍ່ຂອງແຂວງ, ພ້ອມດ້ວຍສະມາຊິກພັກ 32 ສະຫາຍ ເຂົ້າຮ່ວມ.

 

ສະຫາຍ ຄຳພຸດ ນາມວົງສັກ ຄະນະໜ່ວຍພັກ ພະແນກ ພະລັງງານ ແລະ ບໍ່ແຮ່ ແຂວງ ວຽງຈັນ ໄດ້ຂື້ນລາຍງານການເມືອງ.


ໃນໄລຍະ
5 ປີຜ່ານມາ ການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ V ຂອງໜ່ວຍພັກ ພະແນກພະລັງງານ ແລະ ບໍ່ແຮ່ ແຂວງ ແມ່ນນອນຢູ່ໃນສະພາບການຂອງໂລກ ແລະ ພາກພື້ນ ມີການຜັນແປ ທີ່ມີຄວາມຫຍຸ້ງຍາກ ສັບສົນຫຼາຍດ້ານ ມີລັກສະນະທ້າທາຍ ແລະ ມີຂໍ້ສະດວກກະທົບໃສ່ແຂວງວຽງຈັນ ກໍຄືຂະແໜງພະລັງງານ ແລະ ບໍ່ແຮ່ ພວກເຮົາຫຼາຍດ້ານ

ເປັນຕົ້ນແມ່ນ ວິກິດການທາງດ້ານເສດຖະກິດ, ໄພທຳມະຊາດ, ພະຍາດລະບາດ (ໂຄວິດ 19), ອິດທິກຳລັງປໍລະປັກ, ພວກຄົນບໍ່ດີກໍ່ຄວາມບໍ່ສະຫງົບ, ສ້າງຄວາມວຸ້ນວາຍ, ນຳໃຊ້ສົງຄາມຫັນປ່ຽນໂດຍສັນຕິ ແບບຫຼາຍຮູບ, ຫຼາຍສີ, ຫຼາຍວິທີ ຕີເຂົ້າໃສ່ຖັນແຖວສະມາຊິກພັກ, ພະນັກງານ ຂອງພວກເຮົາ ເພື່ອແບ່ງແຍກຄວາມສາມັກຄີພາຍໃນພັກ, ບິດເບືອນໃສ່ຮ້າຍປ້າຍສີການນຳຂອງພັກ

ຄຽງຄູ່ກັບຄວາມຫຍຸ້ງຍາກສັບສົນດັ່ງກ່າວ ຄະນະໜ່ວຍພັກ ກໍມີຄວາມສະດວກຫຼາຍດ້ານ ເປັນຕົ້ນແມ່ນ ໄດ້ຮັບການຊີ້ນຳນຳພາ ໂດຍກົງຈາກ ຄະນະປະຈໍາພັກແຂວງ, ຄະນະພັກກະຊວງສາຍຕັ້ງ ສົມທົບກັບ ຄວາມສາມັກຄີເປັນເອກະພາບ ຄວາມເປັນເຈົ້າການ, ຄວາມຮັບຜິດຊອບສູງ ຂອງສະຫາຍຄະນະໜ່ວຍພັກ, ສະມາຊິກພັກ, ພະນັກງານ

ຈາກຄວາມຫຍຸ້ງຍາກຄວາມສະດວກດັ່ງກ່າວ ສາມາດເຄື່ອນໄຫວຈັດຕັ້ງປະຕິບັດວຽກງານມີຜົນສຳເລັດດີຂື້ນເປັນກ້າວໆ.

ໃນວາລະກອງປະຊຸມໃຫຍ່ ໜ່ວຍພັກພະແນກພະລັງງານ ແລະ ບໍ່ແຮ່ແຂວງ ວຽງຈັນ ໄດ້ປະກາດບົ່ງຕົວແຕ່ງຕັ້ງຄື :

1. ປະກາດຮັບເອົາພະນັກງານ

  • ທ່ານ ຄຳໄສ ວໍລະເພັດ ໂຍກຍ້າຍມາແຕ່ແຂວງ ໄຊສົມບູນ ຕາມຂໍ້ຕົກລົງຂອງທ່ານເຈົ້າແຂວງໆ ວຽງຈັນ ສະບັບເລກທີ 907/ຂຈ.ວຈ
  • ທ່ານ ສີໄຄ ວົງຈັນ ໂຍກຍ້າຍມາແຕ່ ເມືອງວັງວຽງ ຕາມຂໍ້ຕົກລົງຂອງທ່ານເຈົ້າແຂວງ ສະບັບເລກທີ 917/ຈຂ.ວຈ

2. ປະກາດແຕ່ງຕັ້ງ ຮອງພະແນກ ພະລັງງານ ແລະ ບໍ່ແຮ່ ແຂວງ ວຽງຈັນ ຕາມຂໍ້ຕົກລົງຂອງທ່ານເຈົ້າແຂວງ ສະບັບເລກທີ 918/ຈຂ.ວຈ ຄື : ສະຫາຍຄຳໄສ ວໍລະເພັດ ແລະ ສະຫາຍ ສີໄຄ ວົງຈັນ ເປັນຮອງພະແນກ ພະລັງງານ ແລະ ບໍ່ແຮ່ ແຂວງ ວຽງຈັນ.

3. ບົ່ງຕົວແຕ່ງຕັ້ງ ຄະນະໜ່ວຍພັກພະແນກພະລັງງານ ແລະ ບໍ່ແຮ່ ແຂວງວຽງຈັນ ຕາມມະຕິຕົກລົງ ຂອງຄະນະປະຈຳພັກແຂວງສະບັບເລກທີ 339/ຄປພວຈ ປະກອບມີ 3 ສະຫາຍ ຄື :

  • ສະຫາຍ ສີໄຄ ວົງຈັນ ເປັນເລຂາໜ່ວຍພັກ
  • ສະຫາຍ ສຸບິນ ແກ້ວບົວທອງ ເປັນຮອງເລຂາໜ່ວຍພັກ
  • ສະຫາຍ ຮຸ່ງທອງ ຄຳລາສີ ເປັນຄະນະໜ່ວຍພັກ

4. ປະກາດສ້າງຕັ້ງ ຄະນະພັກຮາກຖານ ຕາມມະຕິຕົກລົງຂອງຄະນະປະຈຳພັກແຂວງ ສະບັບເລກທີ 329/ຄປພວຈ ປະກອບມີ 3 ໜ່ວຍຂື້ນກັບຄື :

  • ໜ່ວຍພັກ ພະລັງງານບໍ່ແຮ່
  • ໜ່ວຍພັກ ໄຟຟ້າ ສາຂາແຂວງວຽງຈັນ
  • ໜ່ວຍພັກ ເຂື່ອນໄຟຟ້ານໍ້າງື່ມ1

5. ປະກາດບົ່ງຕົວແຕ່ງຕັ້ງ ຄະນະພັກຮາກຖານ ພະແນກ ພະລັງງານ ແລະ ບໍ່ແຮ່ ແຂວງ ວຽງຈັນ ຕາມມະຕິຂອງຄະນະປະຈຳພັກແຂວງ ສະບັບ ເລກທີ 327/ຄປພວຈ ປະກອບມີ 5 ສະຫາຍຄື :

  • ສະຫາຍ ຄຳພຸດ ນາມວົງສັກ ເປັນເລຂາຄະນະພັກຮາກຖານ
  • ສະຫາຍ ຄຳໄສ ວໍລະເພັດ ເປັນຮອງເລຂາຄະນະພັກຮາກຖານ
  • ສະຫາຍ ສີໄຄ ວົງຈັນ ເປັນຄະນະພັກຮາກຖານ
  • ສະຫາຍ ສັກດາວັນ ສາຍນໍລາດ ເປັນຄະນະພັກຮາກຖານ
  • ສະຫາຍ ສີລິພົນ ແສງອ່ອນແກ້ວ ເປັນຄະນະພັກຮາກຖານ

 


6. ກອງປະຊຸມໄດ້ເອກະພາບເລືອກເອົາຜູ້ແທນໄປຮ່ວມກອງປະຊຸມໃຫຍ່
ຂອງຄະນະພັກຂັ້ນເທິງ ມີຈຳນວນ 2 ສະຫາຍ ຄື : ສະຫາຍ ຄຳພຸດ ນາມວົງສັກ ເປັນຜູ້ແທນສົມບູນ ແລະ ສະຫາຍ ສີໄຄ ວົງຈັນ ເປັນຜູ້ແທນສຳຮອງ.

ພິເສດ ຕອນທ້າຍກອງປະຊຸມ ໄດຟັງການໂອ້ລົມຈາກສະຫາຍ ບຸນເພັງ ສາຍນໍລະດີ ຮອງເລຂາພັກແຂວງ ປະທານສະພາປະຊາຊົນແຂວງວຽງຈັນ ເພື່ອເປັນເຂັມຊີ້ທິດເຍືອງທາງ ໃຫ້ຄະນະພັກຮາກຖານຊຸດໃຫມ່ ຕື່ມອີກ.



ພາບ ແລະ ຂ່າວ : ພູເງິນ ບົວທອງ ນັກຂ່າວແຂວງວຽງຈັນ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930