Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ໂຮງຮຽນທະຫານທ້ອງຖີ່ນ ແຂວງວຽງຈັນ ໄດ້ຈັດກິດຈະກຳ ບໍລິຈາກເລືອດແບບສະໝັກໃຈ

1 min read

ວັນທີ 03 ກັນຍາ 2020 ຢູ່ທີ່ໂຮງຮຽນທະຫານທ້ອງຖີ່ນ ແຂວງວຽງຈັນ ໄດ້ຈັດພິທີຮັບບໍລິຈາກເລືອດແບບສະໝັກໃຈບໍ່ຫວັງສີ່ງຕອບແທນໂດຍການເຂົ້າຮ່ວມຂອງທ່ານ ພັນໂທ ຄຳຜາຍ ອ້ວນວິໄລ ຜູ້ອຳນວຍການໂຮງຮຽນທະຫານທ້ອງຖີ່ນ ແຂວງວຽງຈັນ,

ມີທ່ານ ບຸນນຳ ວົງທະຈັກ ຮອງຫົວໜ້າອົງການກາແດງແຂວງວຽງຈັນ, ຮ້ອຍເອກ ຄຳຫຼ້າ ໄຊທອງ ຕ່າງໜ້າພະແນກເສນາຮັກ ກອງບັນຊາການທະຫານແຂວງວຽງຈັນ ເຂົ້າຮ່ວມ.

ການບໍລິຈາກເລືອດໃນຄັ້ງນີ້ກໍ່ເພື່ອຊ່ວຍເຫຼືອສັງຄົມໂດຍສະເພາະຜູ້ທີ່ເຈັບເປັນກຳລັງນອນປີ່ນປົວຢູ່ໂຮງໝໍທີ່ກໍາລັງຕ້ອງການເລືອດ,

ເພື່ອນໍາມາແຮໄວ້ຢູ່ສູນເລືອດແຂວງວຽງຈັນເພື່ອກຽມແກ້ໄຂສຸກເສີນຜູ້ທີ່ຕ້ອງການປີ່ນປົວດ້ວຍເລືອດ ທັງເປັນການກອບກູ້ຊີວິດຜູ້ທີ່ປະສົບອຸບັດຕິເຫດ ການຜ່າຕັດໃຫຍ່, ຄົນເຈັບທີ່ຂາດເລືອດ ແລະ ພະຍາດຕ່າງໆທີ່ຕ້ອງການເລືອດໃຫ້ທ່ວງທັນກັບຄວາມຕ້ອງການຂອງຄົນເຈັບ ການບໍລິຈາກເລືອດໃນຄັ້ງນີ້ມີຜູ້ເຂົ້າຮ່ວມ 175 ທ່ານ ຍີງ 13 ທ່ານ. ຜູ້ສະໝັກບໍລິຈາກເລືອດ 41 ທ່ານ, ຍິງ 3 ທ່ານ ມີຜູບໍລິຈາກເລືອດໄດ້ ທັງໝົດ 38 ຄົນ/ຖົງ, ຍີງ 2 ຖົງ.

ທ່ານ ບຸນນຳ ວົງທະຈັກ ຮອງຫົວໜ້າອົງການກາແດງແຂວງວຽງຈັນໄດ້ສະແດງຄວາມຮູ້ບຸນຄຸນ ແລະ ກ່າວຂອບໃຈມາຍັງຜູ້ບໍລິຈາກເລືອດໂດຍສະເພາະນາຍແລະ ພົນທະຫານທີ່ບໍລິຈາກເລືອດ ທ່ານຍັງໄດ້ຍົກໃຫ້ເຫັນຄວາມໝາຍຄວາມສໍາຄັນຂອງການບໍລິຈາກເລືອດ ແລະ ຍັງໄດ້ຮຽກຮ້ອງມາຍັງນາຍແລະພົນທະຫານທຸກທ່ານຈົ່ງພ້ອມກັນຕັດສິນໃຈບໍລິຈາກເລືອດໃນຄັ້ງຕໍ່ໄປ.

ຂ່າວ: ສັນຕິ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031