Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຜູ້ປະກອບການທຸລະກິດບໍລິການທົ່ວເມືອງເຟືອງເຊື່ອມຊືມເອກະສານຕ່າງໆ

1 min read

ຜູ້ປະກອບການທຸລະກິດບໍລິການທົ່ວເມືອງເຟືອງເຊື່ອມຊືມເອກະສານຕ່າງໆ.


ວັນທີ 3 ກັນຍາ 2020 ຜ່ານມານີ້ ຢູ່ທີ່ສະໂມສອນເມືອງເຟືອງ ແຂວງວຽງຈັນ ຄະນະຫ້ອງການຖະແຫຼງຂ່າວ-ວັດທະນະທຳ ແລະທ່ອງທ່ຽວ ເມືອງເຟືອງ ໄດ້ສົມທົບກັບຫ້ອງການກ່ຽວຂ້ອງຂັ້ນເມືອງ ຮ່ວມກັນຈັດກອງປະຊຸມ ເຜີຍແຜ່ເອກະສານຕ່າງໆ ໃຫ້ແກ່ຜູ້ປະກອບການທຸລະກິດບໍລິການ ແລະຄຸ້ມຄອງປ້າຍໂຄສະນາພາຍໃນເມືອງເຟືອງປະຈຳປີ 2020 ຂື້ນ.

ພາຍໄຕ້ການເປັນປະທານຂອງ ທ່ານ ຄຳເພັດ ຈັນສົມພູ ເລຂາພັກເມືອງ ເຈົ້້າເມືອງໆເຟືອງ, ມີ ທ່ານ ອາດ ວິໄລພົນ ກຳມະການພັກເມືອງ ຫົວໜ້າຫ້ອງວ່າການເມືອງ, ຫົວໜ້າຫ້ອງການທີ່ກ່ຽວຂ້ອງ, ພະນັກງານວິຊາການພ້ອມດ້ວຍຜູ້ປະກອບການ, ເຈົ້າຂອງເຮືອນພັກ, ຮ້ານອາຫານ, ຮ້ານກິນດຶ່ມ-ບັນເທີງ, ເຈົ້າຂອງວົງດົນຕີ ແລະເຈົ້າຂອງຮ້ານປ້າຍ ໄດ້ພ້ອມກັນເຂົ້າຮ່ວມ 59 ຄົນ, ຍິງ 37 ຄົນ.


ຈຸດປະສົງເພຶ່ອເຮັດໃຫ້ຜູ້ປະກອບການທຸລະກິດດ້ານບໍລິການ ມີຄວາມເຂົ້າໃຈ ເຄື່ອນໄຫວສອດຄ່ອງກັບລະບຽບກົດໝາຍ, ສອດຄ່ອງກັບຮີດຄອງປະເພນີອັນດີງາມຂອງຊາດລາວ, ຮູ້ຂັ້ນຕອນການພົວພັນເອກະສານຂໍອະນຸຍາດເພຶ່ອດຳເນີນທຸລະກິດບໍລິການນຳຫ້ອງການທີ່ກ່ຽວຂ້ອງ ແນໃສ່ພັດທະນາວຽກງານບໍລິການໃຫ້ນັບມື້ດີຂື້ນ, ພ້ອມທັງເປັນການສະກັດກັ້ນ ແລະຕ້ານປະກົດການຫຍໍ້ທໍ້ທີ່ເກີດຂື້ນໃນສັງຄົມໃຫ້ຫຼຸດໜ້ອຍ ຖອຍລົງ.


ທ່ານ ນາງ ສົມຄິດ ຈິດດາວົງ ກຳມະການພັກເມືອງ ຫົວໜ້າຫ້ອງການຖະແຫຼງຂ່າວ-ວັດທະນະທຳ ແລະທ່ອງທ່ຽວເມືອງ ພ້ອມດ້ວຍຄະນະ ໄດ້ຜັດປ່ຽນກັນຂື້ນຜ່ານບັນດາ ກົດໝາຍ, ຂໍ້ກຳນົດ, ກົດລະບຽບ ວ່າດ້ວຍການຄຸ້ມຄອງທຸລະກິດ ບໍລິການໂຮງແຮມ, ເຮືອນພັກ, ຮ້ານອາຫານ, ຮ້ານກິນດຶ່ມ-ບັນເທິງ, ກົດໝາຍວ່າດ້ວຍການຄຸ້ມຄອງປ້າຍໂຄສະນາ ແລະວົງດົນຕີ, ຂັ້ນຕອນການຕິດຕັ້ງປ້າຍ,ການປຸກສ້າງຕໍ່ເຕີມອາຄານ, ການຄຸ້ມຄອງສິ່ງແວດລ້ອມ.


ຫຼັງຈາກເຊື່ອມຊືມເອກະສານສຳເລັດແລ້ວ ຜູ້ເຂົາຮ່ວມໄດ້ຜັດປ່ຽນກັນຂື້ນສະເໜີຄຳຄິດ ຄຳເຫັນແລກປ່ຽນບົດຮຽນເຊິ່ງກັນ ແລະກັນ.

ຫ້ອງການກ່ຽວຂ້ອງກໍ່ໄດ້ຂື້ນແກ້ຂໍ້ຂໍ້ໃຈຂອງຜູ້ປະກອບການ, ສ້າງຄວາມເປັນເອກະພາບກັນໃນການກຳນົດລາຄາຫ້ອງພັກ. ພ້ອມທັງໄດ້ປະກາດບົ່ງຕົວແຕ່ງຕັ້ງຄະນະຮັບຜິດຊອບກຸ່ມທຸລະກິດບໍລິການຄື: ກຸ່ມເຮືອນພັກ, ກຸ່ມຮ້ານອາຫານ-ຮ້ານກິນດຶ່ມ-ບັນເທິງ ແລະກຸ່ມວົງດົນຕີ ພ້ອມທັງເອກະພາບກັນສ້າງກອງທຶນຂອງກຸ່ມ ເພຶ່ອພ້ອມກັນພັດທະນາວຽກງານບໍລິການ ແລະ ສ້າງຄວາມສະດວກໃນການຕິດຕໍ່ພົວພັນວຽກງານໃນຕໍ່ໜ້າ.

ຂ່າວໂດຍ:ຄໍາລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930