Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີ ປະກາດການຈັດຕັ້ງ 03 ຫ້ອງການ

1 min read

ເມືອງກາສີ ປະກາດການຈັດຕັ້ງ03ຫ້ອງການ.


ໃນວັນທີ 04 ກັນຍາ 2020ຜ່ານມານີ້ ຢູ່ທີ່ສະໂມສອນຂອງເມືອງກາສີ. ໄດ້ຈັດພິທີປະກາດແຕ່ງຕັ້ງ ຮອງຫົວໜ້າຫ້ອງການ 03ຫ້ອງການພາຍໃນເມືອງ ຂື້ນຢ່າງເປັນທາງການ.

ໂດຍພາຍໃຕ້ການເປັນປະທານຂອງ ທ່ານ ແພງຄຳ ຈັນທະມຸງຄຸນ ຮອງເລຂາພັກເມືອງ ປະທານກວດກາພັກ ຫົວໜ້າຫ້ອງການກວດກາລັດ ເມືອງກາສີ, ເຂົ້າຮ່ວມມີ ຄະນະປະຈຳພັກເມືອງ, ຫົວໜ້າ-ຮອງຫົວໜ້າຫ້ອງການ ແລະ ພະນັກງານວິຊາການທີ່ກ່ຽວ ຂ້ອງເຂົ້າຮ່ວມຢ່າງພ້ອມພຽງ.


ໃນໂອກາດດັ່ງກ່າວ ທ່ານ ວິໄຊ ດວງນິໄລ ກຳມະການພັກເມືອງ ຫົວໜ້າຄະນະຈັດຕັ້ງເມືອງກາສີ ໄດ້ຂື້ນຜ່ານຂໍ້ຕົກລົງຂອງທ່ານເຈົ້າເມືອງໆກາສີ ສະບັບເລກທີ 239; 253; 254/ຈມ,ກສ ວ່າດ້ວຍ: ການແຕ່ງຕັ້ງຮອງຫົວໜ້າຫ້ອງການພາຍໃນເມືອງ ຄື: ແຕ່ງຕັ້ງ ທ່ານ ລຳພັນ ໄຊຍະບົວພາ ເປັນຮອງຫົວໜ້າຄະນະຈັດຕັ້ງເມືອງກາສີ, ແຕ່ງຕັ້ງທ່ານ ບຳເນັດ ໄຊໂກສີ ເປັນຮອງຫົວໜ້າຫ້ອງການ ຮສສເມືອງ, ແຕ່ງຕັ້ງ ທ່ານ ອາໂນລັກ ວິໄລສັກ ເປັນຮອງຫົວໜ້າຫ້ອງການພາຍໃນເມືອງ.

ໃນວາລະທ້າຍພິທີຍັງໄດ້ຮັບຟັງການໂອ້ລົມຂອງ ທ່ານ ແພງຄຳ ຈັນທະມຸງຄຸນ ເຊີ່ງທ່ານໄດ້ກ່າວວ່າ: ການແຕ່ງຕັ້ງ ຊັບຊ້ອນພະນັກງານພາຍໃນເມືອງໃນຄັ້ງນີ້ ແມ່ນອິງໃສ່ຄວາມຮຽກຮ້ອງຕ້ອງການຂອງໜ້າທີ່ວຽກງານ ໃນຂະແໜງການຕ່າງໆຢູ່ພາຍໃນເມືອງ ແລະ ກໍ່ເພື່ອເຮັດໃຫ້ໜ້າທີ່ວຽກງານເຫຼົ່ານັ້ນ ໄດ້ມີການພັດທະນາຢ່າງໜັກແໜ້ນເຂັ້ມແຂງຂື້ນເປັນກ້າວໆ,

ພ້ອມນັ້ນທ່ານຍັງໄດ້ເນັ້ນໜັກໃຫ້ແຕ່ສະຫາຍທີ່ໄດ້ຮັບມອບໝາຍໜ້າທີ່ໃນຄັ້ງນີ້ ຈົ່ງພ້ອມກັນເອົາໃຈໃສ່ປະຕິບັດໜ້າທີ່ວຽກງານ ໃຫ້ຖືກຕ້ອງຕາມພາລະບົດບາດ, ສິດ, ໜ້າທີ່ຂອງຕົນຢ່າງເຂັ້ມງວດ ເພື່ອເຮັດໃຫ້ວຽກງານວິຊາສະເພາະ ທີ່ຕົນຮັບຜິດຊອບ ໄດ້ເດີນແໝ້ນແລ່ນສະດວກ. ພ້ອມກັນນັ້ນ ກໍ່ໃຫ້ເອົາໃຈໃສ່ເຕົ້າໂຮມຄວາມສາມັກຄີກັນທັງພາຍໃນ ແລະ ພາຍນອກໃຫ້ນັບມື້ນັບໜັກແໜ້ນເຂັ້ມແຂງ, ການປະຕິບັດໜ້າທີ່ວຽກງານຕ້ອງໃຫ້ລວມສູນປະຊາທິປະໄຕ ເປັນໝູ່ຄະນະແບ່ງໃຫ້ບຸກຄົນຮັບຜິດຊອບຢ່າງຈະແຈ້ງ, ເປັນແບບຢ່າງນຳນ້າທີ່ດີໃຫ້ແກ່ພະນັກງານ ສະມາຊິກພັກ, ຄຽງຄູ່ກັນນັ້ນ ຕ້ອງຕັ້ງໜ້າອົາໃຈໃສ່ພັດທະນາຕົນເອງ ບໍ່ວ່າຈະເປັນທາງດ້ານທິດສະດີ ກໍ່ຄືວິຊາສະເພາະທີ່ໄດ້ຮັບມອບໝາຍ ໃຫ້ມີຜົນສຳເລັດຕາມລະດັບຄາດໝາຍທີ່ວາງໄວ້,

ພ້ອມກັນຫັນເອົາແນວທາງນະໂຍບາຍຂອງພັກ-ລັດ, ມະຕິຄຳງຕ່າງໆ ຂອງຂັ້ນເທີງ ລົງເຜີຍແຜ່ຢູ່ຂັ້ນຮາກຖານໃຫ້ມີຄວາມໜັກແໜ້ນເຂັ້ມແຂງໃນທຸກໆດ້ານ, ສຸມໃສ່ຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ກໍ່ຄືມະຕິຂອງຄະນະບໍລິຫານງານພັກເມືອງ ຄັ້ງທີ VII ວາງອອກໃຫ້ປະກົດຜົນເປັນຈິງ.

ຂ່າວ: ເມືອງກາສີ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930