Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໝື່ນ ຈັດກອງປະຊຸມປືກສາຫາລືຄົ້ນຄ້ວາປັບປຸງກ່ຽວກັບຮີດຄອງປະເພນີຂອງເຜົ່າມົ້ງ

1 min read

ເມືອງໝື່ນ ຈັດກອງປະຊຸມປືກສາຫາລືຄົ້ນຄ້ວາປັບປຸງກ່ຽວກັບຮີດຄອງປະເພນີຂອງເຜົ່າມົ້ງ.


ວັນທີ່ 02 ກັນຍາ 2020 ເມືອງໝື່ນໄດ້ຈັດກອງປະຊຸມປືກສາຫາລືຄົ້ນຄ້ວາປັບປຸງກົດຮີດຄອງປະເພນີຂອງເຜົ່າມົ້ງຂື້ນ ຢູ່ທີ່ສະໂມສອນໃຫຍ່ຫ້ອງວ່າການປົກຄອງເມືອງໝື່ນ

ເຂົ້າຮ່ວມໂດຍທ່ານ ພອນເທີດ ສຸຫວັດດີ ເລຂາພັກເມືອງ ວ່າການເຈົ້າເມືອງ – ເມືອງໝື່ນ, ມີທ່ານ ບຸນເພັງ ເຮີ່ບົວລົ່ງ ຮອງເລຂາພັກເມືອງ ຜູ້ຊິນຳວຽກພັກ – ພະນັກງານເມືອງໝື່ນ ຕາງໝ້າໃຫ້ເຜົ່າມົ້ງ, ມີທ່ານ ມິດສາຄອນ ອີນຖະປັດຖາ ຄະນະປະຈຳພັກເມືອງ ປະທານແນວລາວສ້າງຊາດ, ມເຂົ້າຮ່ວມຂອງບັນດານາຍບ້ານ ທີ່ເປັນເຜົ່າມົ້ງ, ມີເຖົ້າແກ່ແນວໂຮມ, ເຈົ້າກົກເຈົ້າເລົ່າ, ຫົວໜ້າສິງຊາວ ແລະ ຜູ້ຊົງຄຸນວຸດທິເຂົ້າຮ່ວມ ທັງໝົດ 42 ຄົນ, ຍິງ 1 ຄົນ.


ໃນພິທີ ທ່ານ ໄທທ່າວ ເຈີຈິງ ກຳມະການພັກເມືອງ, ຫົວໜ້າໂຄສະນາອົມໂຮມເມືອງ, ຫົວໜ້າກຸ່ມບ້ານໂນນໄຮ ໄດ້ຂື້ນຜ່ານ ຮ່າງກົດຮີດຄອງປະເພນີຂອງເຜົ່າມົ້ງສະບັບປັບປຸງ, ຫຼັງຈາກນັ້ນ ທ່ານ ບຸນເພັງ ເຮີບົງລົ່ງ ຮອງເລຂາພັກເມືອງ ຜູ້ຊິນຳວຽກພັກ – ພະນັກງານເມືອງໝື່ນ

ກໍ່ໄດ້ນໍາພາ ປະກອບຄໍາຄິດ-ຄໍາເຫັນ ໃສ່ຮ່າງກົດຮີດຄອງ ແລະ ໄດ້ເຫັນດີປັງປຸງຮີດຄອງປະເພນີຂອງເຜົ່າມົ້ງຕາມເນື້ອໃນດັ່ງນີ້: ນໍານົດວັນເວລາເຮັດບຸນກີນຈຽງ ໃຫ້ເປັນເວລາດຽວກັນ ຄືກັບເຜົ່າອື່ນໆພາຍໃນເມືອງ,

 

ການແຕ່ງດອງ, ການເກັບຄ່າດອງ ກໍ່ໃຫ້ເອກະພາບ ກັບເມືອງອື່ນໆ, ລູກສາວ ຫລານສາວ ທີ່ສ້າງຄອບຄົວບໍ່ສຸດກົກສຸດປາຍຄືນມາ ໃຫ້ຮັບເຂົ້າເປັນ ລູກຫລານຄືເກົ່າ, ການເຊື່ອຖືທາງໄຊຍາສາດ ກໍ່ບໍ່ໃຫ້ເປັນການເຊື່ອຖືງົມງວຍເກີນຂອບເຂດ ແລະ ການຄົບງັນງານສົບ ຕ້ອງໃຫ້ວາງສົບລົງໃນຫີບໂລ່ງ ຫຼືຕູ້ແຊ່ສົບ ບໍ່ໃຫ້ປະແບບເປີດແປນ ການຈັດງານກໍ່ໃຫ້ປະຢັດມັດທະຍັດບໍ່ຟຸມເຝີຍ.


ກອງປະຊຸມໄດ້ປະກອບຄຳຄິດ-ຄຳເຫັນຢ່າງກົງໄປກົງມາຕື່ມ ເພື່ອສ້າງຄວາມເອກະພາບ ປັບປຸງຮີດຄອງປະເພນີຂອງເຜົ່າມົ້ງເປັນກົດຮີດຄອງໃຫ້ປະຊາຊົນເຜົ່າມົ້ງໃດ້ນຳໃຊ້ໄດ້ໃຫ້ສອດຄ່ອງກັບ ລະບຽບກົດໝາຍ ແລະ ການຂະຫຍາຍຕົວທາງດ້ານເສດຖະກິດ – ສັງຄົມໃນໄລຍະໃໝ່ ພ້ອມທັງໃຫ້ແທດເໝາະກັບການດໍາລົງຊິວິດຂອງປະຊາຊົນໃນປັບຈຸບັນ.


ທ້າຍກອງປະຊຸມ ຄະນະປະທານ ກໍ່ໄດ້ໃຫ້ກຽດຂື້ນໃຫ້ຄໍາເຫັນໂອ້ລົມ ເຊິ່ງທ່ານໄດ້ເໜັນໜັກ ຫຼາຍບັນຫາ ກ່ຽວກັບການເຊື່ອຖືຮິດຄອງປະເພນີ ໃຫ້ຕິດພັນກັບການພັດທະນາຄອບຄົວ ແລະ ສອດຄ່ອງຕາມລະບຽບກົດໝາຍ, ມີຄວາມຍຸດຕິທຳ.

ຂ່າວ: ຄຳເພັດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930