Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມຄົບຄະນະບໍລິຫານງານຊາວໝຸ່ມເມືອງໝື່ນຄັ້ງທີ່ IIສະໄໝທີ່ III

1 min read

ກອງປະຊຸມຄົບຄະນະບໍລິຫານງານຊາວໝຸ່ມເມືອງໝື່ນຄັ້ງທີ່ IIສະໄໝທີ່ III.


ກອງປະຊຸມຄົບຄະນະບໍລິຫານງານຊາວໝຸ່ມເມືອງໝື່ນຄັ້ງທີ່ 2 ສະໄໝທີ່ IIIໄດ້ຈັດຂື້ນໃນຕອນເຊົ້າຂອງວັນທີ່ 4 ກັນຍາ 2020 ຢູ່ທີ່ ສະໂມສອນໃຫຍ່ຫ້ອງວ່າການປົກຄອງເມືອງໝື່ນແຂວງວຽງຈັນ.

ໂດຍເປັນປະທານຂອງສະຫາຍ ພອນເທີດ ສຸຫວັດດີ ເລຂາພັກເມືອງ ວ່າການເຈົ້າເມືອງ – ເມືອງໝື່ນ, ມີສະຫາຍ ຄຳເລ້ ໄຊຍະວົງສີ ເລຂາຄະນະບໍລິຫານງານຊາວໝຸ່ມ ປະຊາຊົນ ປະຕິວັດລາວ ແຂວງວຽງຈັນ, ມີສະຫາຍ ມິດສາຄອນ ອີນຖະປັດຖາ ຄະນະປະຈຳພັກເມືອງ ປະທານແນວລາວສ້າງຊາດ, ມີສະຫາຍ ນາງ ວອນ ປາໄຊ ກຳມະການພັກເມືອງ ສະຫະພັນແມ່ຍິງເມືອງ, ມີສະຫາຍ ຢ່າງລໍ່ ເລຂາຄະນະບໍລິຫານງານຊາວໝຸ່ມເມືອງ, ມີຄະນະປະຈຳ,ກຳມະການພັກເມືອງ,ມີຫົວໜ້າຫ້ອງການ, ຕາງໜ້າຫ້ອງການ ແລະ ຜູ້ແທນຊາວໜຸ່ມ ທົ່ວເມືອງ ເຂົ້າຮ່ວມ.


ໃນກອງປະຊຸມໃຫ້ຮັບຟັງການລາຍງານການເຄື່ອນໄຫວວຽກງານຊາວໜຸ່ມເມືອງໃນໄລຍະ 1 ປີຜ່ານມາ ແລະ ແຜນການເຄື່ອນໄຫວໃນໄລຍະ 1 ປີຕໍ່ໜ້າ ຂອງຊາວໜຸ່ມ-ເຍົາວະຊົນທົ່ວເມືອງ ໂດຍ ທ່ານ ຢ່າງລໍ່ ເລຂາຄະນະບໍລິຫານງານຊາວໝຸ່ມເມືອງໝື່ນ, ຫຼັງຈາກນັ້ນຕາງໜ້າໃຫ້ໜ່ວຍຊາວໜຸ່ມທົ່ວເມືອງກໍ່ໄດ້ຂື້ນຜ່ານບົດສະຫຼຸບ 4 ບຸກ ປະຈຳປີ 2020

ຈາກນັ້ນ ສະຫາຍ ຢ່າງລໍ່ ກໍ່ໄດ້ຜ່ານບົດປະເມີນການປະຕິບັດເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມເມືອງໝື່ນ ປະຈຳປີ 2020, ກອງປະຊຸມໄດ້ຜ່ານຂໍ້ຕົກລົງມອບໃບຢັ້ງຢືນ 4 ບຸກ ໃຫ້ໜ່ວຍຊາວໜຸ່ມ 39 ໜ່ວຍ, ພ້ອມທັງມອບໃບຢັ້ງຢືນສະມາຊິກຊາວໜຸ່ມປະຊາຊົນປະຕິວັດລາວ ໃຫ້ ສະມາຊິກຊາວໜຸ່ມດີເດັ່ນພາຍໃນໜ່ວຍ ເຊິ່ງແມ່ນສະຫາຍ ຄຳເລ້ ໄຊຍະວົງສີ ເລຂາຄະນະບໍລິຫານງານຊາວໝຸ່ມ ປະຊາຊົນ ປະຕິວັດລາວ ແຂວງວຽງຈັນ ໃຫ້ກຽດຂຶ້ນມອບຢ່າງສົໃກຽດ.


ທ້າຍກອງປະຊຸມໄດ້ຮັບຟັງຄຳເຫັນໂອລົມຈາກ ສະຫາຍ ຄຳເລ້ ໄຊຍະວົງສີ ເລຂາຄະນະບໍລິຫານງານຊາວໝຸ່ມ ປະຊາຊົນປະຕິວັດລາວ ແຂວງວຽງຈັນ ແລະ ສະຫາຍ ພອນເທິດ ສຸຫວັດດີ ເລຂາພັກເມືອງ ວ່າການເຈົ້າເມືອງ-ເມືອງໝື່ນ

ເຊິ່ງກ່ອນອື່ນທັງສອງສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານການເຄື່ອນໄຫວຂອງບັນດາສະ່ມາຊິກຊາວໜຸ່ມທັງໝົດທຸກສະຫາຍພ້ອມກັນສູ້ຊົນຈົນມີຜົນສຳເລັດໃນໄລຍະຜ່ານມາ ພ້ອມທັງເໜັ້ນໜັກໃຫ້ ບັນດາສະຫາຍ ສະມາຊິກຊາວໜຸ່ມຂອງເມືອງຈົ່ງພ້ອມກັນສືບຕໍ່ປະຕິບັດຕາມໜ້າທີ່ວຽກງານຂອງຕົນໃຫ້ສຳເລັດຕາມຂັ້ນເທິງໄດ້ມອບໝາຍໃຫ້ ແລະ ຈົ່ງພ້ອມກັນຮັກສາມູນເຊື້ອຂອງຊາວໜຸ່ມ 4 ບຸກໃຫ້ໝັ່ນຄົງຢືນຍົງຕະຫຼອດໄປ.

ຂ່າວ: ຄຳເພັດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930