Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ໂຮງຮຽນພະຍາບານສາດເຕັກນິກແຂວງວຽງຈັນສອບເສັງເອົານັກສຶກສາເຂົ້າຮຽນສົກສຶກສາ 2020-2021

1 min read

ໂຮງຮຽນພະຍາບານສາດເຕັກນິກແຂວງວຽງຈັນສອບເສັງເອົານັກສຶກສາເຂົ້າຮຽນສົກສຶກສາ 2020-2021.

ພິທີສອບເສັງໄດ້ຈັດຂຶ້ນໃນວັນທີ 5 ກັນຍາ 2020 ຜ່ານມາ ຢູ່ທີ່ ໂຮງຮຽນ ມສ ໂພນຫມີ ເມືອງວຽງຄຳ ແຂວງວຽງຈັນ ເຊິ່ງມີຄະນະກຳມະການຈາກກົມການສຶກສາ ສາທາລະນະສຸກ,ຈາກພະແນກສາທາແຂວງວຽງຈັນ,ຈາກໂຮງຮຽນພະຍາບານສາດເຕັກນິກແຂວງວຽງຈັນ.

ທ່ານ ດຣ ອິນປອນ ມະນີແສງ ຫົວຫນ້າພະແນກສາທາລະນະສູກ ແຂວງວຽງຈັນ ກ່າວວ່າ:
ການສອບເສັງໃນເທື່ອນີ້ມີຜູ້ສະຫມັກການສອບເສັງທັງຫມົດ 276 ຄົນ,ຊາຍ 41 ຄົນ ເຊິ່ງມີນັກສຶກສາທີ່ຈົບມໍ7 ຈາກ ແຂວງ ວຽງຈັນ,ໄຊຍະບູລີ,ໄຊສົມບູນ,ນະຄອນຫລວງວຽງຈັນ,ໃນຈຳນວນນັກສອບເສັງທັງຫມົດແມ່ນຈະໄດ້ຄັດເລືອກເອົາປະມານ 70-80 ຄົນ ເຊິ່ງນັກສຶກສາທີ່ໄດ້ເຂົ້າຮຽນໃນໂຮງຮຽນພະຍາບານສາດເຕັກນິກແຂວງວຽງຈັນໃຍຊຸດນີ້ກໍ່ເພື່ອກໍ່ສ້າງ ແລະ ຍົກລະດັບຄວາມຮູ້ຄວາມສາມາດທາງດ້ານພະຍາບານ ແລະ ຜະດຸງຄັນໃຫ້ມີຄວາມຮູ້ຄວາມສາມາດທີສູງຂື້ນ, ຫຼັກສູດທີເປີດສອນໃນການຮຽນຄື:
1. ຫຼັກສູດພະຍາບານເຕັກນິກ ສາຍກົງ (ຊັ້ນກາງ)
2. ຫຼັກສູດຜະດຸງຄັນຊຸມຊົນ ສາຍກົງ (ຊັ້ນກາງ)
3. ຫຼັກສູດພະຍາບານເຕັກນິກ ຕໍ່ເນື່ອງ (ຊັ້ນກາງ)
4. ຫຼັກສູດຜະດຸງຄັນຊຸມຊົນ ຕໍ່ເນື່ອງ (ຊັ້ນກາງ)
5. ຫຼັກສູດຊັ້ນສູງພະຍາບານ ສາຍກົງ
6. ຫຼັກສູດຊັ້ນສູງຜະດຸງຄັນ ສາຍກົງ
7. ຫຼັກສູດຊັ້ນສູງພະຍາບານ ຕໍ່ເນື່ອງ
8. ຫຼັກສູດແພດບ້ານ
ນອກນີ້ຍັງເປີດເປັນບ່ອນອົບຮົມໄລຍະສັ້ນຄື: ອົບຮົມທັກສະການຊ່ວຍເກີດລູກແບບສຸກເສີນ, ອົບຮົມທັນຕະພະຍາບານ ແລະ ອົບຮົມການວາງແຜນຄອບຄົວ (ຝັງເຂັມໃສ່ຫ່ວງ), ອົບຮົມຄູຄຼີນິກ ແລະ ອົບຮົມຄູວິທະຍາ. ຫຼັກສູດກຳລັງສອນໃນສົກ 2017-2018 ຫາປະຈຸບັນມີ:
1. ຫຼັກສູດຊັ້ນສູງພະຍາບານ (ສາຍກົງ)
2. ຫຼັກສູດຊັ້ນສູງຜະດຸງຄັນ (ສາຍກົງ)
3. ຫຼັກສູດຊັ້ນສູງພະຍາບານ (ຕໍ່ເນື່ອງ)
ໂຮງຮຽນພະຍາບານສາດເຕັກນິກແຂວງວຽງຈັນ ໄດ້ເລີ່ມຈັດເປັນສູນສອບເສັງຮັບນັກສຶກສາເຂົ້າຮຽນໃນສົກຮຽນ 2017-2018 ແລະຄັ້ງນີ້ຖືວ່າເປັນການຈັດເປັນຄັ້ງທີ 4, ສ່ວນການຮັບນັກສຶກສາເຂົ້າຮຽນໃນສົກປີຜ່ານໆ


ມາແມ່ນທາງກົມການສຶກສາກະຊວງສາທາລະນະສຸກໄດ້ຈັດສອບເສັງຄັດເລືອກຮ່ວມກັນກັບ ມວສ ນະຄອນຫຼວງ ວຽງຈັນ ແລະ ນຳສົ່ງລາຍຊື່ນັກສຶກສາທີ່ຜ່ານການຕັດສິນຮຽບຮ້ອຍແລ້ວສົ່ງມາເຂົ້າຮຽນທີ່ໂຮງຮຽນພະຍາບານສາດເຕັກນິກແຂວງວຽງຈັນ.

ຂ່າວ: ຄຳຂຽນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930