Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

5 ບ້ານເມືອງຫີນເຫີບ ໄດ້ຮັບເຄື່ອງຊ່ວຍເຫຼືອ

1 min read

5 ບ້ານເມືອງຫີນເຫີບໄດ້ຮັບເຄື່ອງຊ່ວຍເຫຼືອ


ວັນທີ 1 ກັນຍາ 2020 ຜ່ານມາຢູ່ທີ່ສະໂມສອນບ້ານນາຫວາຍເມືອງຫີນເຫີບແຂວງວຽງຈັນໄດ້ຈັດພິທີມອບ
ຮັບເຄື່ອງຊ່ວຍເຫຼືອເພື່ອແກ້ໄຂຜົນກະທົບຈາກພະຍາດໂຄວິດ – 19 ໃຫ້ແກ່ 5 ບ້ານເປົ້າໝາຍຂອງແຜນງານລາວ /
030

ໂດຍການເຂົ້າຮ່ວມຂອງ ທ່ານ ໂອລົດ ສີສູນທອນ ກໍາມະການພັກເມືອງ ຮອງເຈົ້າເມືອງຫີນເຫີບ, ມີ ທ່ານ ແສງ
ສຸລິນ ອຸໄທ ຜູ້ຈັດການແຜນງານລາວ / 030 ແຂວງວຽງຈັນ ທັງເປັນຜູ້ຕາງໜ້າພະແນກແຜນການ ແລະ ການລົງທຶນ
ແຂວງວຽງຈັນ, ທ່ານ ໄຊຊະນະ ພັນດາວົງ ກໍາມະການພັກເມືອງ ຫົວໜ້າຫ້ອງການແຜນການ ແລະ ການລົງທຶນເມືອງ
ຄະນະຮັບຜິດຊອບຂອງແຜນງານລາວ / 030 ຂັ້ນແຂວງ, ເມືອງ, ອົງປົກຄອງ ແລະ ພໍ່ແມ່ປະຊາຊົນເຂົ້າຮ່ວມ.


ທ່ານ ໂອລົດ ສີສູນທອນ ກໍາມະການພັກເມືອງ ຮອງເຈົ້າເມືອງຫີນເຫີບໄດ້ໃຫ້ກຽດກ່າວເປີດພິທີ ເຊິ່ງທ່ານໄດ້ອະທະບາຍຊີ້ແຈງກ່ຽວກັບການການລົງມາຊ່ວຍເຫຼືອໃນຄັ້ງນີ້ວ່າ ການມອບ – ຮັບເຄື່ອງຊ່ວຍເຫຼືອເພື່ອແກ້ໄຂຜົນກະ ທົບຈາກການລະບາດຈາກພະຍາດໂຄວິດ – 19 ຂອງແຜນງານລາວ / 030 ມອບໃຫ້ຄອບຄອບຄົວອານາຖາ, ຄອບ ຄົວທຸກຍາກ ແລະ ຄອບຄົວມີຄົນພິການ ແລະ ຄອບຄົວບໍ່ກຸ້ມກິນຈໍານວນ 214 ຄອບຄົວໃຫ້ບ້ານເປົ້າໝາຍ ສໍາລັບເຄື່ອງທີ່ນຳມາມອບໃນຄັ້ງນີ້ມີເຂົ້າສານໜ່ຽວ ແລະ ເຂົ້າສານຈ້າວຈໍານວນ 20.840 ກິໂລ ມູນຄ່າ 162.368.000 ກີບ ໃຫ້ແກ່ 5 ບ້ານເປົ້າໝາຍແຜນງານຄື

ບ້ານນາທອງ, ບ້ານນາອັນ, ບ້ານໂພນສະຫວັນ ບ້ານນາຫວາຍ ແລະ ໂພນກາງ ເຂົ້າຈໍານວນດັ່ງກ່າວຈະໄດ້ມອບໃຫ້ຄອບຄົວອານາຖາ ແລະ ທຸກຍາກຈໍານວນ 80 ກິໂລຕໍ່ຄອບຄົວ, ສໍາລັບຄອບຄົວບໍ່ກຸ້ມກິນແມ່ນມອບໃຫ້ 60 ກິໂລຕໍ່ຄອບຄົວ ແລະ ຍັງໄດ້ມອບເງິນຈໍານວນ 400.000 ກີບໃຫ້ຄອບຄົວອານາຖາຈໍານວນ 5 ຄອບຄົວ ເຊິ່ງກ່າວມອບເຂົ້າສານ ແລະ ເງິນໂດຍແມ່ນ ທ່ານ ໂອລົດ ສີສູນທອນ ກໍາມະການພັກເມືອງ ຮອງເຈົ້າເມືອງຫີນເຫີບ ແລະ ທ່ານ ແສງສຸລິນ ອຸໄທ ຜູ້ຈັດການຂອງແຜນງານລາວ / 030 ແຂວງວຽງຈັນ

ທັງເປັນຜູ້ຕາງໜ້າພະແນກແຜນການ ແລະ ການລົງທຶນແຂວງວຽງຈັນກ່າວຮັບແມ່ນຫົວໜ້າຄອບຄົວ ແລະ ຕາງໜ້າຄອບຄົວທີ່ໄດ້ຮັບການຊ່ວຍເຫຼືອ ນອກຈາກນີ້ 5 ບ້ານເປົ້າໝາຍຍັງຈະໄດ້ຮັບເຄື່ອງສຸຂະອານາໄມ, ສຸຂະພິບານໃຫ້ທຸກຄົວເຮືອນ ຫ້ອງ ການບ້ານ ແລະ ໂຮງຮຽນອີກດ້ວຍ.

ຂ່າວ ເເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930