Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີເປີດກອງປະຊຸມຊຸກຍູ້ວຽກງານສ້າງຂະບວນການຕ້ອນຮັບກອງປະຊຸມໃຫຍ່ສາມຂັ້ນ

1 min read

ເມືອງກາສີເປີດກອງປະຊຸມຊຸກຍູ້ວຽກງານສ້າງຂະບວນການຕ້ອນຮັບກອງປະຊຸມໃຫຍ່ສາມຂັ້ນ.


ກອງປະຊຸມດັ່ງກ່າວ ໄດ້ເປີດຂື້ນໃນຕອນເຊົ້າຂອງວັນທີ 8 ກັນຍາ 2020ນີ້ ຢູ່ທີ່ສະໂມສອນ ຂອງເມືອງກາສີ ແຂວງວຽງຈັນ.

ໂດຍການເປັນກຽດເຂົ້າຮ່ວມຂອງ ທ່ານ ແພງຄຳ ຈັນທະມຸງຄຸນ ຮອງເລຂາພັກເມືອງ ປະທານກວດກາພັກ-ລັດເມືອງ ຫົວໜ້າຄະນະອານຸກຳມະການຂະບວນການ ຂັ້ນເມືອງ, ມີທ່ານ ນາງ ຈັນທາຄອນ ສີອຳພອນ ກຳມະການພັກແຂວງ ຫົວໜ້າຄະນະຈັດຕັ້ງແຂວງ ຮອງຫົວໜ້າອານຸກຳມະການຂະບວນການຂັ້ນແຂວງ ພ້ອມດ້ວຍຄະນະອານຸກຳມະການຂະບວນ ການຂັ້ນແຂວງ, ມີຄະນະປະຈຳ-ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ ຕະຫຼອດຮອດ ເລຂາພັກບ້ານພາຍໃນເມືອງກາສີເຂົ້າຮ່ວມ.

ໃນໂອກາດດັ່ງກ່າວ ທ່ານ ແພງຄຳ ຈັນທະມຸງຄຸນ ຫົວໜ້າຄະນະອານຸກຳມະການຂະບວນການຂັ້ນເມືອງ ໄດ້ຂື້ນລາຍງານໂດຍຫຍໍ້ ກ່ຽວກັບການຈັດຕັ້ງ ປະຕິບັດວຽກງານສ້າງຂະບວນການ ຕ້ອນຮັບກອງປະຊຸມໃຫຍ່ສາມຂັ້ນ ຢູ່ເມືອງກາສີ ໃນໄລຍະຜ່ານ ມາ ເຊີ່ງໄດ້ຍົກໃຫ້ເຫັນຜົນງານຫຼາຍດ້ານທ່ີ່ສາມາດປະຕິບັດໄດ້; ພ້ອມນັ້ນ ບັນດາຄະນະອານຸກຳມະ ການຮັບຜິດຊອບວຽກງານຂະບວນການ ຂັ້ນແຂວງ ກໍ່ໄດ້ຜັດປ່ຽນກັນຂື້ນປະກອບຄຳຄິດເຫັນ ເພື່ອຊີ້ນຳແຕ່ລະວຽກງານໃນການສ້າງຂະບວນການ ເປັນຕົ້ນແມ່ນ ຂົງເຂດວຽກງານຊາວໝຸ່ມ, ແມ່ຍິງ ແລະ ວຽກງານສາທາລະນະສຸກ; ໃນຕອນທ້າຍກອງປະຊຸມ

 

ທ່ານ ນາງ ຈັນທາຄອນ ສີອຳພອນ ຮອງຫົວໜ້າອານຸກຳມະການຂະບວນການຂັ້ນແຂວງ ກໍໄດ້ໃຫ້ກຽດຂື້ນມີຄຳເຫັນໂອ້ລົມ ເຊີ່ງກ່ອນອື່ນ ທ່ານໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ຄະນະພັກ ອຳນາດການປົກຄອງເມືອງ ທີ່ໄດ້ເອົາໃຈໃສ່ ຕັ້ງໜ້າປະຕິບັດໜ້າທີ່ຂອງຕົນ ສາມາດຍາດໄດ້ຜົນງານຫຼາຍດ້ານ ເປັນຕົ້ນແມ່ນສາມາດປະກາດ ບ້ານພົ້ນທຸກໄດ້ສອງບ້ານ ເຊີ່ງເຮັດໃຫ້ເມືອງກາສີບໍ່ມີບ້ານທຸກຍາກໃນປະຈຸບັນ,

ຄຽງຄູ່ກັນນັ້ນ ທ່ານ ນາງ ຈັນທາຄອນ ສີອຳພອນ ຍັງໄດ້ເນັ້ນໃຫ້ຄະນະພັກ ຄະນະນຳຂອງເມືອງ ໂດຍສະເພາະກໍແມ່ນ ອານຸກຳມະການຂະບວນການຂັ້ນເມືອງ ໃຫ້ເອົາໃຈໃສ່ສືບຕໍ່ປະຕິບັດ 4 ວຽກໃຫຍ່ ຄື: (1) ວຽກງານ ໂຄສະນາ ປະກອບມີ: ສືບຕໍ່ສຶກສາອົບຮົມດ້ານການເມືອງ-ແນວຄິດ ໃຫ້ແກ່ສະມາຊິກພັກ, ພະນັກງານ, ທະຫານ-ຕຳຫຼວດ ຕະຫຼອດຮອດພໍ່ແມ່ປະຊນຊົນ ໃຫ້ຮັບຮູ້ໄດ້ເຖີງມູນເຊື້ອຂອງພັກ ຂອງຊາດ ຂອງທ່ານຜູ້ນຳເຮົາ ໃຫ້ເລິກເຊີ່ງເຖີງຖອງ ແລະຕໍ່ເນື່ອງ; ໂຄສະນາວຽກດີຄົນເດັ່ນ ໃນການພັດທະນາດ້ານຕ່າງໆ; ກະກຽມເຮັດກະດານພາບ ເພຶ່ອໂຄສະນາໃນກອງປະຊຸມໃຫຍ່ ຂອງ ແຂວງ.

(2) ວຽກງານຂະບວນການ ປະກອບມີ: ການສ້າງໜ່ວຍພັກປອດໃສ ເຂັ້ມແຂງໜັກແໜ້ນ; ຂະບວນການຮັກຊາດ ແລະພັດທະນາ ໃຫ້ຕິດພັນກັບຂໍ້ແຂ່ງຂັນ ຂອງອົງການຈັດຕັ້ງມະຫາຊົນ; ສືບຕໍ່ຫັນລົງກໍ່ສ້າງຮາກຖານການເມືອງ; ເພີ່ມທະວີວຽກງານ ປກຊ-ປກສ ໃຫ້ການເປັນຂອງທົ່ວປວງ ຊົນຮອບດ້ານ; ຊຸກຍູ້ການຜະລິດຂອງພໍ່ແມ່ປະຊາຊົນໃຫ້ກຸ້ມຢູ່ກຸ້ມກິນ; ການສ້າງກິດຈະກຳດ້ານ ສິລະປະວັນນະຄະດີ; ສ້າງຂະບວນການອານາໄມ; ສ້າງຕັ້ງກອງອາສາສະມັກ ແລະ ສືບຕໍ່ການສະກັດຂັ້ນການແຜ່ລະບາດ ຂອງພະຍາດ ໂຄວິດ-19.

(3) ວຽກງານປະດັບປະດາສະ ຖານທີ່ ປະກອບມີ: ຕິດທຸງ, ຕິດເນື້ອໃນຄຳຂັວນ ຕາມອາຄານສະຖານທີ່ສຳນັກງານ ຫ້ອງການ. (4) ວຽກງານແຂ່ງຂັນຍ້ອງຍໍ ຕ້ອງສະຫຼຸບປະເມີນບຸກຄົນ, ກົມກອງ ທີ່ດີເດັ່ນເພື່ອສະເໜີການຍ້ອງຍໍ ໃຫ້ຖືກຕ້ອງສອດຄ່ອງຕາມເງື່ອນໄຂຕົວຈິງ.

( ຂ່າວ: ເມືອງກາສີ )

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930