Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແກ້ວອຸດົມ ຈັດກິດຈະກຳ ບໍລິຈາກເລືອດ ເພື່ອສັງຄົມ

1 min read

ເມືອງແກ້ວອຸດົມຈັດພິທີບໍລິຈາກເລືອດ.

ໃນວັນທີ 4 ກັນຍາ 2020 ຜ່ານມານີ້ ຢູ່ທີ່ສະໂມສອນຂອງເມືອງແກ້ວອຸດົມແຂວງວຽງຈັນ ໄດ້ຈັດພິທີບໍລິຈາກເລືອດ

ຂື້ນໂດຍການເປັນກຽດເຂົ້າຮ່ວມຂອງທ່ານ ສູນທອນ ແກ້ວມະນີວົງ ຮອງຫົວໝ້າຫ້ອງວ່າການປົກຄອງເມືອງແກ້ວອຸດົມ,  ທ່ານ ເພັດມະນີ ສອນທະວີ ຮັກສາການຮອງຫົວໝ້າສູນເລືອດອົງການກາແດງແຂວງວຽງຈັນ,ມີພະນັກງານລັດຖະກອນພາຍໃນສຳນັກງານປົກຄອງເມືອງແກ້ວອຸດົມເຂົ້າຮ່ວມ.


ໃນພິທີ ທ່ານ ເພັດມະນີ ສອນທະວີ ຮັກສາການຮອງຫົວໝ້າສູນເລືອດອົງການກາແດງແຂວງວຽງຈັນ ກໍ່ໄດ້ໃຫ້ກຽດຂື້ນກ່າວເຖີງຄວາມສຳຄັນໃນການບໍລິຈາກເລືອດໃນຄັ້ງນີ້ແມ່ນເພື່ອສ້າງຈິດສຳນຶກໃຫ້ແກ່ຊັ້ນຄົນຕ່າງໆຢູ່ໃນສັງຄົມໃຫ້ມີຄວາມເຂົ້າໃຈໃນການບໍລິຈາກເລືອດໃນພາວະສຸກເສີນຫຼືກໍລະນີຫາກມີສະຖານະການທີ່ເກີດຂື້ນ ແລະ ກະຕຸ້ນໃຫ້ທຸກຄົນໄດ້ມີຄວາມພ້ອມ ແລະ ເຂົ້າໃຈໃນການບໍລິຈາກເລືອດທາງດ້ານສຸຂະພາບໃນຊຸມຊົນຂອງຕົນ,

ການບໍລິຈາກເລືອດຄັ້ງນີ້ແມ່ນເພື່ອຕອບສະໝອງເລືອດໃຫ້ພຽງພໍ, ປອດໄພ ແລະ ທັນເວລາກັບຄວາມຕ້ອງການ, ຄວາມຈຳເປັນໃຫ້ແກ່ຄົນເຈັບໄດ້ຕະຫຼອດປີ, ເພື່ອຮັກສາໃຫ້ມີເລືອດແຮໄວ້ຢ່າງພຽງພໍ ສາມາດກຸ້ມຕົນເອງໃນການບໍລິການ, ສົ່ງເສີມໃຫ້ຊາວໝູ່ມ ,

ຄົນລຸ້ນຫຼັງດ້ວຍຄວາມຕື່ນຕົວສະໝັກໃຈບໍລິຈາກເລືອດທີ່ບໍ່ຮຽກຮ້ອງສີ່ງຕອບແທນ ແລະ ເພື່ອທຳບຸນກຸສົນ,ການຈັດພິທີບໍລິຈາກເລືອດໃນຄັ້ງນີ້ ມີພະນັກງານລັດຖະກອນພາຍໃນເມືອງແກ້ວອຸດົມພາກັນມາຮວດບໍລິຈາກເລືອດມີຈຳນວນ 10 ຄົນ,ຍີງ 6 ຄົນ,ໃນນັ້ນໄດ້ຜູ້ບໍລິຈາກເລືອດຕົວຈິງມີ 9 ຄົນ,ສາມາດສູບໄດ້ເລືອດທັງໝົດ 9 ຖົງ ອີກ 01 ຄົນແມ່ນບໍສາມາດບໍລິຈາກເລືອດໄດ້ ສາເຫດແມ່ນເປັນໄຂ້ຫວັດ,

ການບໍລິຈາກເລືອດຄັ້ງນີ້ເພື່ອການກຸສົນຊ່ວຍເຫຼືອສັງຄົມທີ່ຕ້ອງການເລືອດເພື່ອຊ່ວຍເຫຼືອຄົນເຈັບຢູ່ຕາມໂຮງໝໍຕ່າງໆໃນທົ່ວປະເທດໂດຍສະເພາະຢູ່ໂຮງໝໍແຂວງວຽງຈັນ.

ຂ່າວ: ເມືອງແກ້ວອຸດົມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031