Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມຖອດຖອນບົດຮຽນແກ້ໄຂປະກົດການຫຍໍ້ທໍ້ໃນສັງຄົມ

1 min read

ກອງປະຊຸມຖອດຖອນບົດຮຽນແກ້ໄຂປະກົດການຫຍໍ້ທໍ້ໃນສັງຄົມ.


ກອງປະຊຸມດັ່ງກ່າວໄດ້ໄຂຂີື້ນໃນວັນທີ 8 ກັນຍາ 2020 ນີ້ ຢູ່ທີ່ຫ້ອງປະຊຸມກອງບັນຊາການ ປກສ ເມືອງ ໂດຍການເຂົ້າຮ່ວມເປັນປະທານຂອງທ່ານ ພັທ ຄໍາຟອງ ວົງດາແສນ ຮອງຫົວໜ້າກອງບັນຊາການ ປກສ ແຂວງ, ພັທ ບຸນເສີດ ໄຊຍະສານ ຫົວໜ້າກອງບັນຊາການ ປກສ ເມືອງ, ທ່ານ ພັທ ບົວທອງ ບໍລິບານ ຫົວໜ້າຫ້ອງຕໍາຫຼວດ ປກສ ແຂວງ ມີພະແນກກ່ຽວຂ້ອງຈາກຫ້ອງຕໍາຫຼວດ ແລະ ກອງບັນຊາການ ປກສ ເມືອງ ເຂົ້າຮ່ວມ.


ທ່ານ ພັຕ ຍຸງຄໍາ ສອນສິດຍະລາດ ຮອງຫົວໜ້າກອງບັນຊາການ ປກສ ເມືອງວຽງຄໍາ ກ່າວວ່າ: ບັນຫາປະກົດການຫຍໍ້ທໍ້ໃນສັງຄົມໄດ້ເກີດຂື້ນດ້ວຍຫຼາຍຮູບແບບເຊັ່ນ: ການກໍ່ເຫດລັກຊັບ, ສໍ້ໂກງຊັບ, ຫຼິ້ນການພະນັນ, ຄ້າໂສເພນີ, ອາລະວາດຕິກັນ, ຄ້າຂາຍຢ່າເສບຕິດ, ບັນຫາອຸປະຕິເຫດຕາມທ້ອງຖະໜົນຫຼວງ, ບັນຫາກຸ່ມແກ້ງໄວລຸ້ນຂີ່ລົດກວນເມືອງ ແລະ ອື່ນໆ ສະແດງອອກ ໃນປີຜ່ານມາ ມີຄະດີເກີດຂື້ນທັງໝົດ 150 ເລື່ອງ ຜູ້ຕ້ອງຫາ 59 ຄົນ, ຍິງ 2 ຄົນ, ມີຄະດີອາຍາເກີດຂື້ນ 47 ເລື່ອງ ຜູ້ຕ້ອງຫາ 44 ຄົນ ຍິງ 1 ຄົນ, ສາມາດເກັບກູ້ຂອງກາງຄະດີໄດ້ມີ:

ລົດຈັກ 7 ຄັນ, ເຮືອ 1 ລໍາ, ປື່ນດັດແປງສະພາບ 2 ກະບອກ, ໂທລະສັບ 4 ໜ່ວຍ, ພັດລົມ 1 ໜ່ວຍ, ຈັກໄພເບີ່ 1 ເຄື່ອງ, ວິທະຍຸ 1 ໜ່ວຍ, ລວມມູນຄ່າເສຍຫາຍທັງໝົດ 77.050.000 ກີບ, ຄະດີຢາເສບຕິດເກີດຂື້ນທັງໝົດ 10 ເລື່ອງ ຜູ້ຖຶກຫາ 15 ຄົນ ຍິງ 1 ຄົນ, ຢຶດຂອງກາງຄະດີຢາບ້າ ຈໍານວນ 348 ເມັດ, ມີອຸປະຕິເຫດເກີດຂຶ້ນທັງໝົດ 93 ເລື່ອງ, ມີຜູ້ປະສົບອຸປະຕິເຫດທັງໝົດ 129 ຄົນ, ຍິງ 49 ຄົນ, ບາດເຈັບເລັກນ້ອຍ 93 ຄົນ, ຍິງ 36 ຄົນ, ບາດເຈັບສົມຄວນ 28 ຄົນ, ບາດເຈັບສາຫັດ 4 ຄົນ, ເສຍຊີວິດ 4 ຄົນ, ພາຫະນະເປ່ເພ 161 ຄັນ, ເປ່ເພເລັກນ້ອຍ 102 ຄັນ, ເປ່ເພສົມຄວນ 93 ຄັນ, ມູນຄ່າເສຍຫາຍທັງໝົດ 487.000.000 ກີບ ແລະ ວຽກງານອື່ນໆອິກ,

ກໍ່ໄດ້ເອົາໃຈໃສ່ເຮັດສໍາເລັດໜ້າທີ່, ໄລຍະຜ່ານມາພວກເຮົາໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດ ໃຫ້ແກ່ພະນັກງານ-ນັກຮົບ ຢ່າງເປັນປົກກະຕິເຮັດໃຫ້ພະນັກງານ-ນັກຮົບ ມີຄຸນທາດການເມືອງໜັກແໜ້ນ, ມີຄວາມຮັບຮູ້ຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ຫ້າວຫັນຕໍ່ໜ້າທີ່ວຽກງານສາມາດຍາດໄດ້ຜົນງານຫຼາຍດ້ານ ພ້ອມນັ້ນໃນກອງປະຊຸມຍັງໄດ້ພັດປ່ຽນກັນຂື້ນປະກອບຄຳຄິດຄຳເຫັນຢ່າງກົງໄປກົງມາແບບວິທະຍາສາດ ເພື່ອພ້ອມກັນປັບປຸງແກ້ໄຂບັນດາດ້ານອ່ອນຂໍ້ຄົງຄ້າງທີ່ເຮັດບໍ່ທັນໄດ້ດີໃຫ້ນັບມື້ນັບດີຂື້ນກວ່າເກົ່າ.


ກອງປະຊຸມດັ່ງກ່າວແມ່ນຈະໄດ້ດໍາເນີນໄປເປັນເວລາ 2 ວັນຈຶ່ງຈະສໍາເລັດ.

ພາບ-ຂ່າວ: ປກສ ແຂວງວຽງຈັນ, ທອງສີ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031