Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແກ້ວອຸດົມ ເຜີຍແຜ່ເອກະສານວຽກງານແນວລາວສ້າງຊາດ

1 min read

ກອງປະຊຸມເຜີຍແຜ່ເອກະສານວຽກງານແນວລາວສ້າງຊາດ
ໃນວັນທີ 7 ກັນຍາ 2020 ຜ່ານມານີ້ຫ້ອງການແນວລາວສ້າງຊາດເມືອງແກ້ວອຸດົມແຂວງວຽງຈັນໄດ້ເຜີຍແຜ່ເອກະສານວຽກງານແນວລາວສ້າງຊາດຂື້ນຢູ່ທີ່ສະໂມສອນຂອງເມືອງແກ້ວອຸດົມ.

 

ໂດຍເປັນກຽດເຂົ້າຮ່ວມຂອງ ທ່ານ ເທບພະໄທ ແກ້ວເຂັມເພັດ ກຳມະການພັກແຂວງເລຂາພັກເມືອງເຈົ້າເມືອງໆແກ້ວອຸດົມ,ມີທ່ານ ນາງ ດາວວອນ ສີວົງໄຊ ຄະນະປະຈຳພັກເມືອງ ປະທານແນວລາວສ້າງຊາດເມືອງແກ້ວອຸດົມ,ມີຄະນະປະຈຳພັກເມືອງ,ກຳມະການພັກເມືອງ,ຫົວໝ້າຫ້ອງການ,ພະນັກງານອາວຸໂສບໍານານ ແລະ ຄະນະແນວລາວສ້າງຊາດເມືອງແກ້ວອຸດົມເຂົ້າຮ່ວມ 60 ກ່ວາຄົນ,ຍີງ 14 ຄົນ.


ໃນກອງປະຊຸມທ່ານ ນາງ ດາວວອນ ສີວົງໄຊ ຄະນະປະຈຳພັກເມືອງ ປະທານແນວລາວສ້າງຊາດເມືອງແກ້ວອຸດົມໄດ້ໃຫ້ກຽດຂື້ນເຜີຍແຜ່ເນື້ອໃນເອກະສານທີ່ກ່ຽວກັບການຈັດຕັ່ງປະຕິບັດວຽກງານຕິດຕາມກວດກາຂອງແນວລາວສ້າງຊາດ ແລະ ຜ່ານຂໍ້ຕົກລົງເລກທີ 227/ ສນຊ.ຄປຈລົງວັນທີ 24 ມິຖຸນາ 2020 ວ່າດ້ວຍ ລະບຽບການຄົ້ນຄົ້ວຄຳຮ້ອງຟ້ອງ,ຮ້ອງທຸກ,ຄຳສະເໝີ ແລະ ຄຳຮ້ອງຂໍຄວາມເປັນທຳ ໂດຍມີ 6 ໝວດ ແລະ ມີ 21 ມາດຕາ,

ພ້ອມກັນນີ້ທ່ານ ນາງ ສົມພອນ ເພັດພົງສານ ຮອງປະທານແນວລາວສ້າງຊາດເມືອງແກ້ວອຸດົມໄດ້ຂື້ນຜ່ານບົດບັນທຶກຄວາມເປັນເອກະພາບໃນການແບ່ງຄວາມຮັບຜິດຊອບກຽ່ວກັບວຽກງານຄຸ້ມຄອງ ແລະ ປົກປ້ອງການເຄື່ອນໃຫວສາສະໝາລະຫວ່າງຂະແໝງພາຍໃນກັບແນວລາວສ້າງຊາດ, ຜ່ານຄຳແນະນຳຂອງຄະນະປະຈຳສູນກາງແນວລາວສ້າງຊາດວ່າດ້ວຍການຈັດຕັ້ງປະຕິບັດດຳລັດ 315/ລບ ກ່ຽວກັບການຄຸ້ມຄອງ ແລະ ປົກປ້ອງການເຄື່ອນໃຫວສາສະໝາຢູ່ ສປປ ລາວ ສະເພາະຂົງເຂດແນວລາວສ້າງຊາດ, ຜ່ານຂໍ້ຕົກລົງ ວ່າດ້ວຍການພົວພັນລະຫວ່າງຄະນະປະຈຳສະພາແຫ່ງຊາດກັບຄະນະປະຈຳສູນກາງແນວລາວສ້າງຊາດ,


ພ້ອມນີ້ທີປະຊຸມໄດ້ຜ່ານຂໍ້ຕົກລົງເລກທີ 292/ສນຊ ລົງວັນທີ 28 ກໍລະກົດ 2020 ວ່າດ້ວຍ ການມອບຫຼຽນກາລະນຶກ 70 ປີ ວັນສ້າງຕັ້ງແນວລາວສ້າງຊາດໃຫ້ແກ່ບຸກຄົນທີ່ມີຜົນງານດີເດັ່ນໃນການປະກອບສ່ວນການເຄື່ອນໃຫວວຽກງານແນວລາວສ້າງຊາດໃນໄລຍະຜ່ານມາ

ພ້ອມທັງປະຂື້ນປະດັບຫຼຽນກາລະນຶກວັນສ້າງຕັ້ງແນວລາວສ້າງຊາດ ຄອບຮອບ 70 ປີ ຈຳນວນ 25 ທ່ານ ແລະ ມອບໃບຍ້ອງຍໍເນືອງໃນໂອການວັນສ້າງຕັ້ງແນວລາວສ້າງຊາດຄົບຮອບ 70 ປີ ຈຳນວນ 25 ທ່ານ,ໂດຍເປັນກຽດຂື້ນມອບໂດຍທ່ານ ເທບພະໄທ ແກ້ວເຂັມເພັດ ເລຂາພັກເມືອງ ເຈົ້າເມືອງໆແກ້ວອຸດົມ

ຂ່າວ: ເມືອງແກ້ວອຸດົມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930