Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສະພາປະຊາຊົນ ແຂວງວຽງຈັນ ຈັດກິດຈະກຳບໍລິຈາກເລືອດ

1 min read

ວັນທີ 08 ກັນຍາ 2020 ຢູ່ທີ່ຫ້ອງປະຊຸມສະພາປະຊາຊົນ ແຂວງວຽງຈັນ ໄດ້ຈັດພິທີຮັບບໍລິຈາກເລືອດແບບສະໝັກໃຈບໍ່ຫວັງສີ່ງຕອບແທນໂດຍການເຂົ້າຮ່ວມຂອງທ່ານ ຄຳສອນ ພຸດສະຫວັນ ຄະນະປະຈຳເລຂາທິການສະພາປະຊາຊົນ ແຂວງວຽງຈັນ, ມີທ່ານ ບຸນນຳ ວົງທະຈັກ ຮອງຫົວໜ້າອົງການກາແດງແຂວງວຽງຈັນ ເຂົ້າຮ່ວມ.

ການບໍລິຈາກເລືອດໃນຄັ້ງນີ້ກໍ່ເພື່ອຊ່ວຍເຫຼືອສັງຄົມໂດຍສະເພາະຜູ້ທີ່ເຈັບເປັນກຳລັງນອນປີ່ນປົວຢູ່ໂຮງໝໍທີ່ກໍາລັງຕ້ອງການເລືອດ,ເພື່ອນໍາມາແຮໄວ້ຢູ່ສູນເລືອດແຂວງວຽງຈັນເພື່ອກຽມແກ້ໄຂສຸກເສີນຜູ້ທີ່ຕ້ອງການປີ່ນປົວດ້ວຍເລືອດ ທັງເປັນການກອບກູ້ຊີວິດຜູ້ທີ່ປະສົບອຸບັດຕິເຫດ ການຜ່າຕັດໃຫຍ່, ຄົນເຈັບທີ່ຂາດເລືອດ ແລະ ພະຍາດຕ່າງໆທີ່ຕ້ອງການເລືອດໃຫ້ທ່ວງທັນກັບຄວາມຕ້ອງການຂອງຄົນເຈັບ ການບໍລິຈາກເລືອດໃນຄັ້ງນີ້ມີຜູ້ເຂົ້າຮ່ວມ 21 ທ່ານ ຍີງ 13 ທ່ານ.

ຜູ້ສະໝັກບໍລິຈາກເລືອດ 6 ທ່ານ, ຍິງ 1 ທ່ານ ມີຜູ້ບໍລິຈາກເລືອດໄດ້ ທັງໝົດ 6 ຄົນ/ຖົງ, ຍີງ 1 ຖົງ.

ທ່ານ ບຸນນຳ ວົງທະຈັກ ຮອງຫົວໜ້າອົງການກາແດງແຂວງວຽງຈັນໄດ້ສະແດງຄວາມຮູ້ບຸນຄຸນ ແລະ ກ່າວຂອບໃຈມາຍັງຜູ້ບໍລິຈາກເລືອດ ທ່ານຍັງໄດ້ຍົກໃຫ້ເຫັນຄວາມໝາຍຄວາມສໍາຄັນຂອງການບໍລິຈາກເລືອດ ແລະ ພ້ອມກັນຕັດສິນໃຈບໍລິຈາກເລືອດໃນຄັ້ງນີ້.

ຂ່າວ: ສັນຕິ ສູນເລືອດແຂວງວຽງຈັນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930