Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ອານຸກຳມະການໂຄສະນາ,ຂະບວນການ,ປະດັບປະດາສະຖານທີ່ ແລະ ຍ້ອງຍໍ ເຄື່ອນໄຫວລົງຊຸກຍູ້ວຽກງານຂະບວນການຮອບດ້ານຢູ່ເມືອງໝື່ນ

1 min read

ວັນທີ 9 ກັນຍາ 2020 ນີ້ ອານຸກຳມະການໂຄສະນາ,ຂະບວນການ,ປະດັບປະດາສະຖານທີ່, ແລະ ຍ້ອງຍໍ ຂັ້ນແຂວງ ເຄື່ອນໄຫວລົງຊຸກຍູ້ວຽກງານຂະບວນການຮອບດ້ານ ຢູ່ທີ່ສະໂມສອນໃຫຍ່ຫ້ອງວ່າການປົກຄອງເມືອງໝື່ນ

 

ໂດຍການເຂົ້າຮ່ວມຂອງ ທ່ານ ທອງສະຫວັນ ວົງສຳພັນ ຄະນະປະຈຳພັກເເຂວງ ປະທານແນວລາວສ້າງຊາດ ແຂວງວຽງຈັນ,ຜູ້ຊີ້ນຳວຽກງານອົງການຈັດຕັ້ງມະຫາຊົນແຂວງ,ຫົວໜ້າອານຸກຳມະການໂຄສະນາ,ຂະບວນການ,ປະດັບປະດາສະຖານທີ່, ແລະ ຍ້ອງຍໍ ຂັ້ນແຂວງ,ມີທ່ານ ພອນເທີດ ສຸຫວັດດີ ເລຂາພັກເມືອງ ວ່າການເຈົ້າເມືອງໆໝື່ນ,ມີຄະນະປະຈຳ,ກຳມະການພັກເມືອງ,ອານຸກຳມະການຂັ້ນແຂວງ,ຫົວໜ້າຫ້ອງການ,ອົງການຂັ້ນເມືອງ,ເລຂາໜ່ວຍພັກ,ນາຍບ້ານທົ່ວເມືອງເຂົ້າຮ່ວມ.


ທ່ານ ບົວແກ້ວ ພອນໄຊສະຫວັດ ກຳມະການພັກເມືອງ ຮອງເຈົ້າເມືອງໆໝື່ນ ໄດ້ຂຶ້ນລາຍງານສະພາບການເຄື່ອນໄຫວຂອງອານຸກຳມະການໂຄສະນາ ຂະບວນການໃນໄລຍະກະກຽມດຳເນີນກອງປະຊຸມໃຫຍ່ຂັ້ນເມືອງ ແລະ ຮາກຖານບ້ານ ພ້ອມນັ້ນຜູ້ເຂົ້າຮ່ວມກອງປະຊຸມກໍ່ໄດ້ປະກອບຄຳຄິດຄຳເຫັນກ່ຽວກັບວຽກງານຂະບວນການ

ໂດຍສະເພາະແມ່ນການກະກຽມເຂົ້າສູ້ການດຳເນີນກອງປະຊຸມໃຫຍ່ທົ່ວອົງຄະນະພັກເມືອງໝື່ນຄັ້ງທີ III ໃນໄລຍະຜ່ານມາ ເຊິ່ງການປະກອບຄໍາຄິດຄຳເຫັນ ຂອງຜູ້ເຂົ້າຮ່ວມນັ້ນ ລ້ວນແຕ່ສະເເດງເຖິງດ້ານດີ, ດ້ານອ່ອນ ແລະ ບັນຫາທີ່ຍັງຄົງຄ້າງ ທີ່ຈະຕ້ອງໄດ້ສືບຕໍ່ແກ້ໄຂ ພ້ອມທັງໄດ້ເອກະພາບຄືນໃນການແກ້ໄຂໃນຕໍ່ໜ້າໃຫ້ມີປະສິດທິຜົນດີກວ່າເກົ່າ.


ກອງປະຊຸມ ໄດ້ຮັບຟັງການມີຄຳເຫັນ ໂອ້ລົມຂອງ ທ່ານ ທອງສະຫວັນ ວົງສຳພັນ ຄະນະປະຈຳພັກເເຂວງ ປະທານແນວລາວສ້າງຊາດ ແຂວງວຽງຈັນ,ຫົວໜ້າອານຸກຳມະການໂຄສະນາ,ຂະບວນການ,ປະດັບປະດາສະຖານທີ່, ແລະ ຍ້ອງຍໍ ຂັ້ນແຂວງ ທ່ານກໍ່ຕີລາຄາກ່ຽວກັບສະພາບການເຄື່ອນໄຫວ ຂອງອານຸກຳມະການ ໂຄສະນາ ຂະບວນການຂອງເມືອງ

ໃນໄລຍະຜ່ານມາ ຍົກໃຫ້ເຫັນວຽກງານທີ່ພົ້ນເດັ່ນ ທີ່ເມືອງໝື່ນສຸມໃສ່ຈັດຕັ້ງປະຕິບັດຈົນໄດ້ຮັບ ຜົນສຳເລັດໃນທຸກຂົງເຂດວຽກງານ ພ້ອມທັງຮຽກຮ້ອງມາຍັງທົ່ວອົງຄະນະພັກເມືອງໝື່ນ ຈົ່ງສືບຊີ້ນຳ-ນຳພາ ພໍ່ແມ່ປະຊາຊົນພາຍໃນເມືອງຂອງຕົນ ດ້ວຍການນຳເອົາແນວທາງຍະໂຍບາຍຂອງພັກ, ລະບຽບກົດໝາຍຂອງລັດ ລົງມາຈັດຕັ້ງເຜີຍແຜ່ໃຫ້ພໍ່ແມ່ປະຊົນຮັບຮູ້ຢ່າງເລິກເຊິ່ງ ພ້ອມກັນນັ້ນ ທ່ານກໍ່ໄດ້ແນະນຳວຽກງານຕົ້ນຕໍ່ທີ່ຈະຕ້ອງໄດ້ສຸມໃສ່ໃນຕໍ່ໜ້າ

ໃນການກະກຽມສ້າງຂະບວນການຮອບດ້ານ ເພື່ອຕ້ອນຮັບກອງປະຊຸມໃຫຍ່ຜູ້ແທນອົງຄະນະພັກແຂວງວຽງຈັນຄັ້ງທີ VI ໃຫ້ໄດ້ຕາມລະດັບຄາດ ໂອກາດນີ້ທ່ານກໍ່ຍັງໄດ້ເໜັ້ນໜັກໃຫ້ເມືອງໝື່ນ ເລີ່ມຕົ້ນຈັດຕັ້ງປະຕິບັດເເຕ່ຫົວທີ ເພື່ອໃຫ້ມີຄວາມພ້ອມຮອບດ້ານ ເປັນຕົ້ນວຽກງານປະດັບປະດາ, ວຽກງານປ້ອງກັນຊາດປ້ອງກັນຄວາມສະຫງົບ ທົ່ວປ່ວງຊົນຮອບດ້ານ ຮັບປະກັນໃຫ້ການດຳເນີນກອງປະຊຸມໃຫຍ່ຂອງແຂວງມີຄວາມສະຫງົບປອດໄພ ແລະ ສຳເລັດຜົນຕາມລະດັບຄາດໝາຍ.


ຂ່າວ ແຫວນຄຳ(ນັກຂ່າວວິທະຍຸກະຈາຍສຽງເມືອງໝື່ນ)

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930