Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມສະຫຼຸບຖອດຖອນບົດຮຽນ ແກ້ໄຂປະກົດການຫຍໍ້ທໍ້ຂອງພະແນກຕໍາຫຼວດເມືອງວຽງຄໍາ

1 min read

ກອງປະຊຸມສະຫຼຸບຖອດຖອນບົດຮຽນ ແກ້ໄຂປະກົດການຫຍໍ້ທໍ້ຂອງພະແນກຕໍາຫຼວດເມືອງວຽງຄໍາ

ໃນວັນທີ 9 ກັນຍາ 2020 ນີ້ ຢູ່ທີ່ຫ້ອງວ່າການປົກຄອງເມືອງວຽງຄໍາໄດ້ຈັດກອງປະຊຸມຖອດຖອນບົດຮຽນການແກ້ໄຂປະກົດການຫຍໍ້ທໍ້ສັງຄົມຢູ່ພາຍໃນເມືອງວຽງຄໍາຂຶ້ນ

ໂດຍເປັນປະທານ ຂອງທ່ານບຸນເສີດ ໄຊຍະສານ ຄະນະປະຈໍາພັກເມືອງຫົວໜ້າກອງບັນຊາການ ປກສ ເມືອງວຽງຄໍາ ໃຫ້ກຽດເຂົ້າຮ່ວມກອງປະຊຸມໃນຄັ້ງນີ້ມີທ່ານ ພອນແກ້ວ ຂຸນພົນ ກໍາມະການພັກແຂວງເລຂາພັກເມືອງເຈົ້າເມືອງວຽງຄໍາ ມີທ່ານຄໍາຟອງ ວົງດາລາແສງ ຮອງກອງບັນຊາການ ປ ກ ສ ແຂວງວຽງຈັນ ມີບັນດາຫົວໜ້າຫ້ອງການ ພະນັກງານ ປ ກ ສເມືອງວຽງຄຳ ມີເລຂາພັກບ້ານ ນາຍບ້ານພ້ອມດ້ວຍ ຫົວໜ້າ ປກສ ບ້ານ 17 ບ້ານເຂົ້າຮ່ວມ.


ໃນພິທີທ່ານ ຍຸງຄໍາ ສອນສິດຍະລາດ ຮອງກອງບັນຊາການ ປກສ ເມືອງວຽງຄໍາໄດ້ຂຶ້ນຜ່ານບົດສະຫຼຸດແລກປ່ຽນບົດຮຽນແກ້ໄຂປະກົດການຫຍໍ້ທໍ້ ໃນໜຶ່ງປີຜ່ານມາ.ເມືອງວຽງຄໍາມີຜົນກະທົບຈາກສະພາບແວດລ້ອມສາກົນແລະພາກພື້ທີ່ຜັນແປຢາງສະຫຼັບຊັບຊ້ອນ,ມີລັກຊະນະທ້າທາຍແລະມີຜົນກະທົບທາງກົງຫຼືທາງອ້ອມຕໍ່ການພັດທະນາເສດທະກິດສັງຄົມ.

ເຮັດໃຫ້ມກຸ່ມຄົນບໍ່ດີພະຍາຍາມ ແລະ ສວຍໂອກາດເຄືອນໄຫວກະທໍາສີ່ງທີ່ບໍດີເຮັດໃຫ້ເມືອງເກີດມີຄວາມບໍ່ສະຫງົບເກີດຂື້ນຫຼາຍຢ່າງ ເປັນຕົ້ນ ແມ່ນບັນຫາລັກຊັບຜົນລະເມືອງ ຊີງຊັບ ສໍ້ໂກງພົນລະເມືອງ ຢາເສບຕິດ ແລະ ອຸປະຕິເຫດຕາມທ້ອງຖະໜົນຫຼວງ, ມີກຸ່ມແກ້ງໄວຫຼຸ້ນຂີ່ລົດກວນເມືອງ ( ລົດດັດແປງສະພາບ) ມະຫຼຸບລວມແລ້ວມີຄະດີອາດຍາເກີດຂຶ້ນເຖິງ 47 ເລື່ອງ, ຄະດີຢາເສບຕິດ 10 ເລື່ອງມີ15 ຄົນຍິງ 1ຄົນ ພ້ອມຍຶດຂອງກາງຢາບ້າໄດ້ 348 ແມັດ ມີກຸາເປົ້າໝາຍເສບຕິດ 409 ຄົນ ຍິງ 11 ຄົນ, ກຸ່ມເປົ້າໝາຍ

ຄ້າຂາຍຢາເສບຕິດລາຍນ້ອຍມີທັງໝົກ 66 ຄົນ ຍິງ 0 ຄົນ ເປົ້າໝາຍເສບກັນຊາມີ 1 ຄົນຍິງ0 ຄົນແລະສົງລວມຄະດີອຸບັດຕິເຫດມີຢູ່93ລາຍມີພາຫະນະຖືກເປເພທັງໝົດ 161 ຄັນ ໃນນີ້ເປເພເລັກນ້ອຍ 102 ຄົນ ເປເພພໍສົມຄວນ 93 ຄັນ ມີຜູ້ຄົນໄດ້ຮັບບາດເຈັບທັງໝົດ 129 ຄົນ ຍິງ 49 ຄົນ ໄດ້ຮັບບາດເຈັບເລັກໜ້ອຍ 93 ຍິງ 36ຄົນ ໄດ້ຮັບບາເຈັບສົມຄວນ28ຄົນຍິງ10ຄົນບາດເຈັບສາຫັດ 04 ຍິງ 01ຄົນ ແລະເສຍຊີວິດ 04 ຄົນ ຍິງ0 ຄົນລວມມູນຄ່າເສຍຫາຍທັງໝົດ487.000.000ກີບ. ( ສີ່ຮ້ອຍແປດສິບເຈັດລ້ານກີບ)ຖືກເຈົ້າໜ້າທີ່ກັກໂຕທັງໝົດ 14 ຄົນ ຍິງ01 ຄົນ ເຈົ້າໜ້າທີ່ສາມາດເກັບກູ້ຂອງກາງເປັນລົດຈັກໄດ້ 7 ຄັນ , ໂທລະສັບ 04 ໜ່ວຍ , ປືນດັດແປງສະພາບ 02 ກະບອກ, ພັດລົມໃຫຍ່ 1 ໜ່ວຍ, ຈັກໄພ້ເບື້ 1 ເຄື່ອງ.ແລ້ວໄດ້ສໍານວນ ຄະດີສົ່ງໃຫ້ປກສ ແຂວງ ມີ 3 ເລື່ອງ, ສົ່ງອົງການໄອຍະການສານເຂດ 1 ແຂວງວຽງຈັນ ສືບຕໍ່ 08 ເລື່ອງ, ໄດ້ສຶກສາອົບຮົມແກ້ໄຂຢູ່ຂັ້ນກອງ ໄດ້ 08 ເລື່ອງ ພ້ອມດໍາເນີນຄະດີ 11 ເລື່ອງ, ໂຈະການດໍາເນີນຄະດີ 04 ເລື່ອງ, ໄດ້ຊັດມ້ຽນຄະດີ 05 ເລື່ອງ ແລະຄະດີຕິດຕາມ 08 ເລື່ອງ.

ພ້ອມີ້ຜູ້ແທນກອງປະຊຸມໄດ້ພ້ອມກັນປະກອບຄຳຄິດເຫັນຄົ້ນຄ້ວາຫາວິທີທາງແກ້ໄຂປະກົດການຫຍໍ້ທໍ້ດັ່ງກ່າວໃຫ້ຫຼຸໜ້ອຍຖອຍລົງແລະໃຫ້ໝົດໄປ.
ໃນຕອນທ້າຍ ທ່າວພອນແກ້ວ ຂຸນພົນ ກໍາມະການພັກແຂວງ ເລຂາພັກເມືອງ ເຈົ້າເມືອງວຽງຄໍາໃຫ້ກຽດຂຶ້ນໂອ້ລົມຍ້ອງຍໍຊົມເຊີຍຕໍ່ຜົນງານຈັດຕັ້ງປະຕິບັດຕໍ່ໜ້າທີ່ຄວາມຮັບຜິດຊອບທີ່ຂັ້ນເທີງມອບໝາຍໄດ້ດີຕະຫຼອດມາ.

ທ່ານພ້ອມຍັງຊີ້ທິດເຍືອງທາງເຖິງອົງຄະນະພັກ ພະນັກງານທຸກຂັ້ນຈົ່ງພ້ອມກັນປະສານສົມທົບຢ່າງກົມກຽວຊອກຫາທິດທາງຕ້ານແລະສະກັດກັ້ນແລະແກ້ໄຂດ້ວຍຜົນສຳເລັດຫຼືໝົດໄປຢ່າງສີ້ນເຊີງ.

ຂ່າວ: ທອງເວີນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031