Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມຝຶກອົບຮົມການປະເມີນຜົນວຽກງານພະນັກງານ – ລັດຖະກອນ

1 min read

ກອງປະຊຸມຝຶກອົບຮົມການປະເມີນຜົນວຽກງານພະນັກງານ – ລັດຖະກອນ.


ໂດຍປະຕິບັດຕາມແຈ້ງການຂອງລັດຖະມົນຕີກະຊວງພາຍໃນ ເລກທີ 1562 / ພນ ລົງວັນທີ 5 ພະຈິກ
2018 ວ່າດ້ວຍ ການຈັດຕັ້ງປະຕິບັດການປະເມີນຜົນການປະຕິບັດວຽກງານຂອງພະນັກງານ – ລັດຖະກອນ, ແຈ້ງການຂອງທ່ານເຈົ້າແຂວງໆວຽງຈັນ ເລກທີ 031 / ຈຂ.ວຈ ລົງວັນທີ 04 ກັນຍາ 2019 ວັນທີ 4 ກັນຍາ 2020 ຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ຈັດກອງປະຊຸມຝຶກອົບຮົມການປະເມີນຜົນການປະຕິບັດວຽກງານພະນັກ ງານ – ລັດຖະກອນຜ່ານລະບົບ Excel

 

ໂດຍການເຂົ້າຮ່ວມຂອງ ທ່ານ ວອນ ວໍລະສານ ເລຂາເມືອງ ເຈົ້າເມືອງຫີນເຫີບ, ມີ ທ່ານ ຄໍາຫຼ້າ ແສງວົງ ຮອງຫົວໜ້າພະແນກພາຍໃນແຂວງວຽງຈັນ, ທ່ານ ຄໍາໝື່ນ ໄຊຍະວົງ ກໍາມະການພັກເມືອງ ຫົວໜ້າຫ້ອງການພາຍໃນເມືອງ, ມີຫົວໜ້າ, ຮອງຫົວໜ້າຫ້ອງການ ແລະ ພະນັກງານວິຊາການຫ້ອງການກ່ຽວຂ້ອງເຂົ້າຮ່ວມ.


ກອງປະຊຸມໄດ້ຮັບຟັງການຜ່ານເອກະສານຂໍ້ຕົກລົງຂອງ່ທານເຈົ້າເມືອງຫີນເຫີບ ເລກທີ 231 / ຈມຫຫ ວ່າດ້ວຍ ອະນຸມັດເປີດກອງປະຊຸມຝຶກອົບຮົມການປະເມີນຜົນການປະຕິບັດວຽກງານພະນັກງານ – ລັດຖະກອນຜ່ານລະບົບ Excel ເອກະສານດໍາລັດເລກທີ 300 / ລບ ລົງວັນທີ 13 ກັນຍາ 2017 ວ່າດ້ວຍ ການປະເມີນຜົນການຈັດຕັ້ງປະຕິບັດວຽກງານຂອງພະນັກງານ – ລັດຖະກອນ ແລະ ຄໍາແນະນໍາການຈັດຕັ້ງປະຕິບັດການປະເມີນຜົນການປະຕິບັດວຽກງານພະນັກງານ – ລັດຖະກອນ, ດໍາລັດສະບັບເລກທີ 294 / ລບ ລົງວັນທີ 04 ກັນຍາ 2017 ວ່າດ້ວຍ ການຝຶກອົບຮົມ ແລະ ພັດທະນາລັດຖະກອນ ແລະ ຄໍາແນະນໍາການຈັດຕັ້ງປະຕິບັດ ດໍາລັດວ່າດ້ວຍ ການຝຶກອົບຮົມ ແລະ ພັດທະນາພະນັກງານ – ລັດຖະກອນ ແລະ ເອກະສານພາລະບົດບາດສະບັບປັບປຸງໃໝ່ຂອງຫ້ອງການພາຍໃນເມືອງ ສະບັບເລກທີ 592 / ພນ ລົງວັນທີ 23 ພະຈິກ 2018 ຜູ້ເຂົ້າຮ່ວມກອງປະຊຸມໄດ້ຄົ້ນຄວ້າ ແລະ ປະກອບຄໍາຄໍາເຫັນກົງໄປກົງມາ, ມີວິທະຍາສາດ ແລະ ສ້າງສັນ ແລະ ຍັງໄດ້ເຮັດທົດລອງປະຕິບັດຕົວຈິງລະບົບສັງລວມຄະແນນວຽກງານການປະເມີນຜົນການປະຕິບັດວຽກງານຂອງພະນັກງານ – ລັດຖະກອນ.


ຈຸດປະສົ່ງການຈັດກອງປະຊຸມໃນຄັ້ງນີ້ກໍ່ເພື່ອກໍານົດຫຼັກການ ແລະ ລະບຽບການກ່ຽວກັບການປະເມີນຜົນການປະຕິບັດວຽກງານຂອງພະນັກງານ – ລັດຖະກອນ ເພື່ອເຮັດໃຫ້ວຽກງານດັ່ງກ່າວດໍາເນີນຢ່າງເປັນລະບົບ, ຖືກຕ້ອງ ສອດຄ່ອງກັບແນວທາງນະໂຍບາຍຂອງພັກ ແລະ ກົດໝາຍຂອງລັດ, ຮັບປະກັນຄວາມເປັນເອກະພາບ, ໂປ່ງໃສ່ ແລະ ຖືກຕ້ອງກັບສະພາບຄວາມເປັນຈິງ ແນໃສ່ເຮັດໃຫ້ວຽກງານການປະເມີນຜົນ ແລະ ຄຸ້ມຄອງການປະຕິບັດວຽກງານຂອງພະນັກງານ – ລັດຖະກອນທີ່ສັງກັດອົງການຈັດຕັ້ງພັກ, ລັດ, ແນວລາວສ້າງຊາດ, ອົງການຈັດຕັ້ງມະຫາຊົນຂັ້ນສູນກາງ ແລະ ອົງການປົກຄອງທ້ອງຖິ່ນໃຫ້ມີປະສິດທິພາບ ແລະ ປະສິດທິຜົນ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031