Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພະແນກ ວຕ ແຂວງວຽງຈັນ ລົງກວດທຽບໝໍ້ແທກນ້ຳປະປາ ຢູ່ເມືອງແກ້ວອຸດົມ

1 min read

ໂດຍອິງຕາມ ຂໍ້ຕົກລົງຂອງລັດຖະມົນຕີກະຊວງ ວິທະຍາສາດ ແລະ ເຕັກໂນໂລຊີ ສະບັບເລກທີ 0543/ກວຕລົງວັນທີ່ 16 ພຶດສະພາ 2017, ວ່າດ້ວຍການຄຸ້ມຄອງໜໍ້ແທກນ້ຳປະປາ ຢູ່ ສປປ ລາວ.

ວັນທີ່ 19-25 ສິງຫາ 2020 ພະແນກ ວິທະຍາສາດ ແລະ ເຕັກໂນໂລຊີ ແຂວງວຽງຈັນ ນຳພາໂດຍທ່ານ ເພັດສົມດີ ພັນທະວົງ, ຮອງຫົວໜ້າພະແນກ ແລະ ພະນັກງານພາຍໃນຂະແໜງຊັບສິນທາງປັນຍາ ມາດຕະຖານ ແລະ ວັດແທກ ຮ່ວມກັບ ຫ້ອງການ ວິທະຍາສາດ ແລະ ເຕັກໂນໂລຊີ ເມືອງແກ້ວອຸດົມ ແລະ ລັດວິສາຫະກິດ ນ້ຳປະປາ ແຂວງວຽງຈັນ, ສູນບໍລິການ ນ້ຳປະປາ ເມືອງແກ້ວອຸດົມ ໄດ້ລົງກວດທຽບໝໍ້ແທກນ້ຳປະປາຢູ່ເມືອງແກ້ວອຸດົມ.


ຈຸດປະສົງ, ໃນການລົງເຄື່ອນໄຫວໃນຄັ້ງນີ້ ແມ່ນເພື່ອກວດທຽບໝໍ້ແທກນ້ຳປະປາ ທີ່ຕິດຕັ້ງແລ້ວແຕ່ປີ 2014 ຫາປະຈຸບັນ, ເຊິ່ງມີທັງໝົດ 11.349 ໜ່ວຍ ແລະ ຈະໄດ້ສຸມກວດ 3% ຂອງໝໍ້ແທກນ້ຳປະປາທັງໝົດເທົ່າກັບ 340 ໜ່ວຍທົ່ວແຂວງວຽງຈັນ. ສະນັ້ນ,

ໃນການລົງເຄື່ອນໄຫວກວດສອບມາດຕະຖານໜໍ້ແທກນ້ຳປະປາ ພາຍໃນເມືອງແກ້ວອຸດົມ ໃນຄັ້ງນີ້ ໄດ້ທັງໝົດ 62 ໜ່ວຍ, ຜ່ານການກວດສອບຕົວຈິງ ພົບເຫັນ ໝໍ້ແທກນ້ຳປະປາບໍ່່ຢູ່ໃນເກນມາດຕະຖານທັງໝົດມີຈຳນວນ 18 ໜ່ວຍ ສະນັ້ນ, ຈຶ່ງໄດ້ເຮັດບົດລາຍງານຫາລັດວິສາຫະກິດ ນ້ຳປະປາ ແຂວງວຽງຈັນ ໃຫ້ປ່ຽນໜໍ້ແທກນ້ຳປະປາທີ່ບໍ່ຢູ່ໃນເກນມາດຕະຖານ ດັ່ງກ່າວຄືນໃໝ່, ເຊິງໃນການປ່ຽນຖ່າຍໜ່ວຍໃໝ່ ແມ່ນທາງລັດວິສາຫະກິດ ນ້ຳປະປາ ແຂວງວຽງຈັນ ເປັນຜູ້ຮັບຜິດຊອບໃນການປ່ຽນຖ່າຍ ໃຫ້ແກ່ຜູ້ຊົມໃຊ້ໂດຍບໍ່ໄດ້ເສຍຄ່າໃຊ້ຈ່າຍ


ຈາກການປະຕິບັດວຽກງານທີ່ຜ່ານມາສາມາດຄິດໄດ້ເປັນເປີເຊັນເທົ່າກັບ 18,23% ຂອງສັນຍາທີ່ໄດ້ຕົກລົງກັນລະຫວ່າງພະແນກ ວິທະຍາສາດ ແລະ ເຕັກໂນໂລຊີ ແຂວງວຽງຈັນ ແລະ ລັດວິສາຫະກິດ ນ້ຳປະປາ ແຂວງວຽງຈັນ.

ນອກຈາກນີ້ທາງພະແນກ ວຕ ແຂວງວຽງຈັນ ແລະ ພາກສ່ວນທີ່ກ່ຽວຂ້ອງ ຍັງຈະສືບຕໍ່ປະຕິບັດໃຫ້ໄດ້ຕາມເປົ້າໝາຍທີ່ກຳນົົດໄວ້.

ພາບ-ຂ່າວ :ວິໄລພອນ-ທອງຄູນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031