Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເລົ່າມູນເຊື້ອວັນສ້າງຕັ້ງສະຫະພັນນັກຮົບເກົ່າລາວຄົບຮອບ 18 ປີ

1 min read

ເລົ່າມູນເຊື້ອວັນສ້າງຕັ້ງສະຫະພັນນັກຮົບເກົ່າລາວຄົບຮອບ 18 ປີວັນທີ 10 ກັນຍາ 2020 ນີ້ ຢູ່ທີ່ສະໂມສອນເມືອງເຟືອງໄດ້ຈັດພິທີປາຖະກະຖາເລົ່າມູນເຊື້ອ ວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 18 ປີ( 9 ກັນຍາ 2002 – 9 ກັນຍາ 2020 )

ໂດຍການເປັນປະທານ ແລະຂື້ນເລົ່າມູນເຊື້ອວັນດັ່ງກ່າວ ຂອງ ທ່ານ ຄຳເພັດ ຈັນສົມພູ ເລຂາພັກເມືອງ ເຈົ້າເມືອງໆເຟືອງ, ມີ ທ່ານ ເພັດສະໝອນ ໝຶ່ນທຳ ປະທານສະຫະພັນນັກຮົບເກົ່າ ເມືອງ ການນຳຂັ້ນເມືອງ, ຫົວໜ້າຫ້ອງການ, ພະນັກງານບຳນານ, ສະມາຊິກນັກຮົບເກົ່າ, ທະຫານ, ຕຳຫຼວດ ອ້ອມຂ້າງເມືອງໄດ້ເຂົ້າຮ່ວມທັງໝົດ 91 ຄົນ, ຍິງ 31 ຄົນ.


ໃນພິທີ ທ່ານ ເຈົ້າເມືອງໆເຟືອງ ໄດ້ຂື້ນເລົ່າມູນເຊື້ອວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບ ຮອບ 18 ປີ. ຍົກໃຫ້ເຫັນ ການກຳເນີດມູນເຊື້ອ ແລະຜົນງານແຫ່ງການຕໍ່ສູ້ ເພຶ່ອກອບກູ້ເອົາເອກະລາດ ແລະນຳເອົາຄວາມຢູ່ເຢັນ ເປັນສຸກມາໃຫ້ປະຊາຊົນບັນດາເຜົ່າ ພາຍໃຕ້ການຊີ້ນຳໆພາ ອັນສະຫຼາດ ສ່ອງໃສ ຂອງພັກປະຊາຊົນປະຕິວັດລາວ. ສະຫະພັນນັກຮົບເກົ່າໄດ້ມີຜົນງານປະກອບສ່ວນອັນສຳຄັນ ແລະໃຫຍ່ຫຼວງຂອງຖັນແຖວນັກຮົບເກົ່າຂອງພວກເຮົາໃນປັດຈຸບັນ ດັ່ງຄຳຂັວນທີ່ວ່າ:” ມີພວກເພິ່ນໃນວັນນັ້ນ ຈຶ່ງມີພວກເຮົາໃນວັນນີ້

ພ້ອມທັງໄດ້ຍົກໃຫ້ເຫັນຜົນງານການເຄື່ອນໄຫວ ຂອງສະຫະພັນນັກຮົບເກົ່າເມືອງເຟືອງ ທີ່ໄດ້ເປັນເຈົ້າການເຕົ້າໂຮມຄວາມສາມັກຄີ ເຊີດຊຸູຄວາມຮັບຜິດຊອບຕິດພັນກັບວຽກງານ 3 ສ້າງ ພ້ອມກັນສ້າງຂະບວນການແຂ່ງຂັນ ຮັກຊາດ ແລະພັດທະນາ ໄປຄຽງຄູ່ກັບການປະຕິບັດຂໍ໊ແຂ່ງຂັນ 3 ດີ 6 ຮັກສາ ຂອງສະຫະພັນນັກຮົບເກົ່າ.


ເພຶ່ອເປັນການຢັ້ງຢືນ, ຍ້ອງຍໍ ສັນລະເສີນຕໍ່ຜູ້ທີ່ມີຜົນງານດີເດັ່ນ ໃນການປະຕິບັດຂໍ້ແຂ່ງຂັນ 3 ດີ 6 ຮັກສາ ຕິດພັນກັບຂະບວນການແຂ່ງຂັນ ຮັກຊາດພັດທະນາ ແລະ ວຽກງານສາມສ້າງ ທີ່ຜ່ານມານັ້ນ ປະທານສະຫະພັນນັກຮົບເກົ່າແຫ່ງຊາດລາວ ໄດ້ຕົກລົງມອບໃບຢັ້ງຢືນໃຫ້ບຸກຄົນ ຈຳນວນ 34 ທ່ານ, ຍິງ 1 ທ່ານ ແລະ ໃບຢັ້ງຢືນຂອງປະທານສະຫະພັນນັກຮົບເກົ່າແຂວງວຽງຈັນອີກຈຳນວນ 54 ທ່ານ, ຍິງ 5 ທ່ານ. ໂດຍແມ່ນ ທ່ານ ເຈົ້າເມືອງໆເຟືອງ ແລະປະທານສະຫະພັນນັກຮົບເກົ່າ ເມືອງເຟືອງ ໄດ້ຜັດປ່ຽນກັນຂື້ນມອບໃຫ້ຢ່າງສົມກຽດ.

ຂ່າວໂດຍ: ຄຳລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031