Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຊະນະຄາມ ແຂວງວຽງຈັນເປີດກອງປະຊຸມຊຸກຍູ້ການປະເມີນວຽກງານ 3 ສ້າງ

1 min read

ເມືອງຊະນະຄາມ ແຂວງວຽງຈັນເປີດກອງປະຊຸມຊຸກຍູ້ການປະເມີນວຽກງານ 3 ສ້າງ

ວັນທີ 10 ກັນຍາ 2020 ທີ່ຜ່ານມາ, ຢູ່ທີ່ສະໂມສອນໃຫຍ່ຂອງເມືອງດັ່ງກ່າວ ໄດ້ເປີດກອງປະຊຸມຊຸກຍູ້ການປະເມີນວຽກງານ 3 ສ້າງຂຶ້ນ,

ໂດຍພາຍໃຕ້ການເປັນປະທານຮ່ວມ ຂອງທ່ານ ສະໝານ ວິເສດຍະພົງສ໌ ເລຂາພັກເມືອງ ເຈົ້າເມືອງຊະນະຄາມ ແລະ ທ່ານ ພູວົງ ບຸນຊູ ຫົວໜ້າພະແນກ ກະສິກໍາ ແລະ ປ່າໄມ້ ແຂວງວຽງຈັນ ພ້ອມດ້ວຍຄະນະກໍາະການປະເມີນວຽກງານ 3 ສ້າງຂັ້ນແຂວງເຂົ້າຮ່ວມໃນພິທີດັ່ງກ່າວ, ມີບັນດາຄະນະປະຈໍາພັກເມືອງ, ກໍາມະການພັກເມືອງ ແລະ ບັນດາຄະນະກໍາມະການຂັ້ນເມືອງເຂົ້າຮ່ວມ ຢ່າງພ້ອມພຽງ.


ທ່ານ ນາງ ທົດສະວັດ ສົງພະຈັນ ກໍາມະການພັກເມືອງ ຫົວໜ້າຫ້ອງການພາຍໃນເມືອງ ໄດ້ຂຶ້ນຜ່ານບົດລາຍງານຫຍໍ້ ການຈັດຕັ້ງປະຕິບັດວຽກງານປະເມີນເມືອງ ເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ຂຶ້ນ, ເຊິ່ງຄະນະພັກ, ອົງການປົກຄອງຂັ້ນເມືອງ ໄດ້ເອົາໃຈໃສ່ປະຕິບັດຕາມທິດຫັນລົງກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ, ຕິດພັນກັບວຽກງານ 3 ສ້າງ, ຕາມ 4 ເນື້ອໃນ 4 ຄາດໝາຍ ດ້ວຍການແບ່ງຄວາມຮັບຜິດຊອບ ໃຫ້ແກ່ບັນດາສະຫາຍຄະນະພັກເມືອງ,

ພະນັກງານຫຼັກແຫຼ່ງລົງຊີ້ນໍາ-ນໍາພາຢູ່ແຕ່ລະກຸ່ມບ້ານ, ບ້ານເປົ້າໝາຍ 3 ສ້າງ ແລະ ບັນດາບ້ານໃນທົ່ວເມືອງ, ໂດຍຖືເອົາການຊຸກຍູ້ການຜະລິດເປັນສິນຄ້າ ຕິດພັນກັບການຈັດສັນອາຊີບຄົງທີ່ໃຫ້ແກ່ປະຊາຊົນ, ເຊິ່ງສາມາດເຮັດໃຫ້ບັນດາພື້ນຖານໂຄງລ່າງຢູ່ຂັ້ນບ້ານໄດ້ຮັບການປັບປຸງດີຂຶ້ນ, ຂະບວນການສ້າງບ້ານແບບຢ່າງຕ່າງໆໄດ້ຮັບການຈັດຕັ້ງປະຕິບັດຢ່າງຟົດຟື້ນ, ກອງທຶນພັດທະນາ ແລະ ກອງທຶນຕ່າງໆຢູ່ພາຍໃນບ້ານໄດ້ມີຄວາມເຂັ້ມແຂງ ແລະ ຂະຫຍາຍຕົວຢ່າງຕໍ່ເນື່ອງ, ລະບົບການເມືອງປະຊາທິປະໄຕປະຊາຊົນຢູ່ຂັ້ນຮາກຖານ ໄດ້ມີຄວາມເຂັ້ມແຂງ ແລະ ໜັກ ແໜ້ນ.


ຜ່ານການຈັດຕັ້ງປະຕິບັດວຽກງານການປະເມີນ ສ້າງບ້ານເປັນຫົວໜ່ວຍພັດທະນາຢູ່ພາຍໃນເມືອງໃນໄລຍະຜ່ານມາ ຄະນະພັກ, ພະນັກງານຫຼັກແຫຼ່ງ, ພະນັກງານກໍ່ສ້າງຮາກຖານການເມືອງ, ພະນັກງານ 3 ສ້າງ ແລະ ຄະນະກໍາມະການປະເມີນຂັ້ນເມືອງ, ໄດ້ເອົາໃຈໃສ່ລົງເຊື່ອມຊຶມບັນດາມະຕິ, ຄໍາສັ່ງ ແລະ ເອກະສານຕ່າງໆກ່ຽວກັບວຽກງານ 3 ສ້າງ ໃຫ້ແກ່ອົງການປົກຄອງບ້ານໃນທົ່ວເມືອງ ສາມາດຕີລາຄາໄດ້ຂໍ້ສະດວກ, ຂໍ້ຫຍຸ້ງຍາກ ແລະ ບົດຮຽນທີ່ຖອນຖອນໄດ້ ແລະ ໄດ້ດໍາເນີນສໍາເລັດການປະເມີນໃນທົ່ວເມືອງ ຈໍານວນ 33 ບ້ານ, ອີງໃສ່ມາດຖານຕົວຈິງມີບ້ານທີ່ບັນລຸ 80% ຂຶ້ນໄປມີທັງໝົດ 26 ບ້ານ ເທົ່າກັບ 78,79%, ບ້ານທີ່ຫຼຸດ 80% ມີ 7 ບ້ານ ເທົ່າກັບ 21,21%


ກອງປະຊຸມ ຍັງໄດ້ພ້ອມກັນຄົ້ນຄວ້າປະກອບຄໍາຄິດຄໍາເຫັນເພື່ອແລກປ່ຽນ ແລະ ຖອດຖອນບົດຮຽນຮ່ວມກັນເພື່ອຮັບປະກັນການຈັດຕັ້ງໃຫ້ມີຄວາມຖືກຕ້ອງ ແລະ ເປັນບົດຮຽນບ່ອນອີງທີ່ສໍາຄັນໃນການປະເມີນເມືອງເປັນຫົວໜ່ວຍເຂັ້ມແຂງຮອບດ້ານໃນຕໍ່ໜ້າ.

ໃນຕອນທ້າຍກອງປະຊຸມ ຍັງໄດ້ຮັບຟັງການມີຄໍາເຫັນໂອ້ລົມຈາກຄະນະປະທານ, ເຊິ່ງໄດ້ຮຽກຮ້ອງມາຍັງບັນດາສະຫາຍ ຄະນະພັກ, ອົງການຈັດຕັ້ງຕ່າງໆ ຕະຫຼອດຮອດບັນດາຄະນະກໍາມະການຂັ້ນເມືອງ, ຈົ່ງໄດ້ເອົາໃຈໃສ່ສືບຕໍ່ເປັນເຈົ້າການຊີ້ນໍາ-ນໍາພາ, ຕິດຕາມ-ກວດກາ, ລາຍງານໃຫ້ທ່ວງທັນກັບສະພາບການ, ຮັບປະກັນໃຫ້ມີຄວາມເປັນເອກະພາບ ແລະ ຖືກຕ້ອງຕາມທິດຊີ້ນໍາຂອງຂັ້ນເທິງໄດ້ກໍານົດໄວ້.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930