Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແມດມອບ-ຮັບເງິນນະໂຍບາຍຕາມດຳລັດ 272 / ລບ

1 min read

ເມືອງແມດມອບ-ຮັບເງິນນະໂຍບາຍຕາມດຳລັດ 272 / ລບ

ໃນຕອນເຊົ້າຂອງວັນທີ່ 11 ກັນຍາ 2020 ຜ່ານມານີ້, ຢູ່ທີ່ສະໂມສອນຂອງເມືອງແມດ ແຂວງວຽງຈັນ, ໄດ້ພິທີມອບ-ຮັບອຸດໜູນນະໂຍບາຍຕາມດຳລັດ 272 / ລບ, ໃນພິທີມີທ່ານ ຍົມສອນ ຄຳມາສີ ຫົວໜ້າພະແນກແຮງງານ ແລະ ສະຫັວດີການສັງຄົມ ແຂວງວຽງຈັນ, ທ່ານ ເຄນ ໄຕຄຳ ຮອງເລຂາພັກເມືອງ, ມີບັນດາຄອບຄົວຜູ້ທີ່ເສຍສະຫຼະຊີວິດໃນປາງສົງຄາມ,ຜູ້ທີ່ມີຄຸນງາມຄວາມດີໃນການປະຕິບັດຊາດເຂົ້າຮ່ວມ,

ໃນນັ້ນທ່ານບຸນຮຽງ ເນືອງດາລາ ກຳມະການພັກເມືອງ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງກໍ່ໄດ້ຂື້ນຜ່ານບົດສະຫຼຸບການຈັດຕັ້ງປະຕິບັດວຽກງານນະໂຍບາຍຕາມດຳລັດ 272 / ລບ 2020 ແລະ ທິດທາງແຜນການ 2021 ເຊິ່ງໄດ້ຍົກໃຫ້ເຫັນສະພາບລວມ, ທີ່ຕັ້ງ ແລະ ຈຸດພິເສດຂອງຂົງເຂດຫ້ອງການແຮງງານ ແລະ ສະຫວັດດີການສັງຄົມເມືອງແມດ, ເງື່ອນໄຂ, ທ່າແຮງ ແລະ ປັດໃຈຕ່າງໆ ໃນການພັດທະນາຂົງເຂດວຽກງານໃນປະຈຸບັນ, ຄວາມຮຽກຮ້ອງຕ້ອງການ ການພັດທະນາຂົງເຂດໃນປະຈຸບັນ ສະພາບຄວາມຮຽກຮ້ອງຕ້ອງການ ໃນການພັດທະນາຢູ່ຂົງເຂດວຽກງານສະຫວັດດີການສັງຄົມ, ໃນປະຈຸບັນພະນັກງານອາວຸໂສ, ພະນັກງານບຳນານ, ວິລະຊົນແຫ່ງຊາດ, ນັກຮົບແຂ່ງຂັນ, ຜູ້ເສຍອົງ ແລະ ຄອຍຄົວຜູ້ເສຍສະຫຼະຊິວິດໃນປາງສົງຄາມ, ປະຊາຊົນຜູ້ປະສົບໄພພິບັດ, ຜູ້ດ້ອຍໂອກາດ, ຜູ້ພິການຕະຫຼອດຮອດພໍ່ແມ່ປະຊາຊົນທີ່ມີຄວາມຕ້ອງການຮັບນະໂຍບາຍຈາກຂັ້ນເທິງຢ່າງທົ່ວເຖິງ ເປັນທຳ ແລະ ທັນການ,

ໃນໄລຍະໜຶ່ງປີຜ່ານມາຫ້ອງການແຮງງນ ແລະ ສະຫວັດດີການສັງຄົມເມືອງແມດໄດ້ຮັບນະໂຍບາຍຕໍ່ຜູ້ທີ່ມີຄຸນງາມຄວາມດີປະຕິວັດຊາດ ປະຊາທິປະໄຕຕາມດຳລັດ 272 / ລບ ແລະ ດຳລັດ 241 / ນຍ ໃນຈຳນວນ 5 ທ່ານຄື: ເງິນປຸກສ້າງສ້ອມແປງເຮືອນ 1 ທ່ານເປັນເງິນ 30. 000. 000 ກີບ, ເງິນປ່ຽນແທນໂກຕາລົດ 2 ທ່ານເປັນເງິນ 156. 297. 600 ກີບ, ແລະ ເງິນອູດໜູນກິນທານ 2 ທ່ານເປັນເງິນ 53, 064, 000 ກີບ,

ລວມເປັນເງິນທັງໝົດ 239. 361. 600 ກີບ, ເຊິ່ງເງິນຈຳວນດັ່ງກ່າວໄດ້ມອບໃຫ້ຕາມເປົ້າໝາຍຢ່າງສຳເລັດ, ເຊິ່ງຈຳນວນເງິນທີ່ນຳມາມອບໃນຄັ້ງນີ້ມີທັງໝົດ 1. 925. 631. 925 ກີບ, ເປັນກຽດກ່າວມອບເງິນຈຳນວນດັ່ງກ່າວໂດຍແມ່ນທ່ານ ຍົມສອນ ຄຳມາສີ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງວຽງຈັນ ແລະ ກ່າວຮັບໂດຍແມ່ນທ່ານ ເຄນ ໄຕຄຳ ຮອງເລຂາພັກເມືອງ,

ພ້ອມກັນນັ້ນທ່ານ ເຄນໄຕ ຄຳ ກໍ່ໄດ້ມອບຕໍ່ໃຫ້ຫ້ອງການຫ້ອງການແຮງງານ ແລະ ສະຫວັດດີການສັງຄົມເມືອງເປັນຜູ້ຈັດຕັ້ງປະຕິບັດເບີກຈ່າຍໃຫ້ຜູ້ທີ່ໄດ້ຮັບເງິນອຸດໜູນນະໂຍບາຍໃນຄັ້ງນີ້ໃຫ້ຖືກຕ້ອງ ແລະ ສ່ອດຄ່ອງຕາມດຳລັດ 272 / ລບ ແລະ 241/ ນຍ ໃຫ້ໄດ້ຢ່າງທົ່ວເຖິງ.

ຂ່າວເມືອງແມດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930