Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ອົງການພຸດທະສາສະໜາສຳພັນລາວແຂວງວຽງຈັນເປີດກອງປະຊຸມທາບທາມເອົາຄະນະບໍລິຫານງານຊຸດໃໝ່

1 min read

ອົງການພຸດທະສາສະໜາສຳພັນລາວແຂວງວຽງຈັນເປີດກອງປະຊຸມທາບທາມເອົາຄະນະບໍລິຫານງານຊຸດໃໝ່

ກອງປະຊຸມ ທາບທາມເອົາຄະນະບໍລິຫານງານຊຸດໃໝ່ ອົງການພຸດທະສາສະໜາສຳພັນລາວ ແຂວງວຽງຈັນຈັດຂື້ນ ຢ່າງເປັນທາງການໃນວັນທີ 11 ກັນຍາ 2020 ນີ້ ຢູ່ທີ່ ວັດບ້ານນາຊູ ເມືອງໂພນໂຮງ ແຂວງວຽງຈັນໂດຍພາຍໄຕ້ການເປັນປະທານ ຂອງ ພະຫລັກຄຳ ຈັນທະບູລີ ສີສຸທຳມະຈານ ພູທອນ ເທບເທວາ ເຈົ້າຄະນະແຂວງວຽງຈັນ ໂດຍມີ ການນຳຂອງແຂວງວຽງຈັນ ທ່ານ ຄຳພັນ ສິດທິດຳພາ ກຳມະການ ສູນກາງພັກ ເລຂາ ພັກ ເຈົ້າແຂວງໆວຽງຈັນ,ມີ ທ່ານ ທອງສະຫວັນ ວົງສຳພັນ ປະທານແນວລາວສ້າງຊາດ ແຂວງວຽງຈັນ, ຄະນະນຳເມືອງໂພນໂຮງ ,ມີພະແນກການກ່ຽວຂ້ອງຂັ້ນແຂວງ,ເຈົ້າຄະນະ 11 ຕົວເມືອງທົ່ວແຂວງວຽງຈັນເຂົ້າຮ່ວມ.


ໃນພິທີ ພະອາຈານ ພອນຈັນ ພົມມີໄຊ ຄະນະປະຈຳ ອພສ ແຂວງວຽງຈັນ ຕ່າງໜ້າໃຫ້ຄະນະຮັບຜິດຊອບບັ້ນທາມທາບ ຄະນະບໍລິຫານງານ ອພສ ແຂວງວຽງຈັນ ຊຸດໃໝ່ ໄດ້ກ່າວວ່າ : ໂດຍປະຕິບັດຕາມການຕົກລົງເຫັນດີຂອງຄະນະບໍລິຫານງານ ອພສ ແຂວງວຽງຈັນ ໃນການທາບທາມເອົາຄະນະບໍລິຫານງານຊຸດ


ໃໝ່ ເພື່ອເຮັດວຽກງານອົງການພຸດທະສາສະໜາສຳພັນລາວທີ່ ແຂວງວຽງຈັນ ທີ່ວາງອອກໄດ້ຮັບການຈັດຕັ້ງປະຕິບັດ ແລະ ບັນລຸຕາມຄາດໝາຍ ແນ່ໃສ່ເຮັດໃຫ້ອົງການພຸດທະສາສະໜາຢູ່ແຂວງວຽງຈັນກໍ່ຄືບັນດາເມືອງ ມີຄວາມຮຸ່ງເຮືອງສີວິໄລ ຂື້ນເລື້ອຍໆ.


ທີ່ປະຊຸມກໍ່ໄດ້ຮັບຟັງ ການຜ່ານມາດຖານເງື່ອນໄຂ ຜູ້ທີ່ຈະເປັນຄະນະບໍລິຫານງານ ອພສ ແຂວງຊຸດ
ໃໝ່ຕ້ອງ ມີທຳມະວິໃນ ເປັນຕົ້ນ ຕ້ອງເປັນພະສົງລາວໂດຍກຳເນີດ,ມີຄຸນນະວຸດ ,ວຸດທິການສຶກສາ,ກຳໄດ້ທຳມະວິໄນ ແລະ ລະບຽບການເປັນຢ່າງດີ .


ໂອກາດດັ່ງນີ້ ທ່ານ ຄຳພັນ ສິດທິດຳພາ ເຈົ້າແຂວງວຽງຈັນ ກໍ່ໄດ້ມີຄຳຄິດຄຳເຫັນແລກປ່ຽນ ຕໍ່ກອງປະຊຸມຊຶ່ງ ທ່ານ ກໍ່ໄດ້ສະແດງຄວາມຊົມເຊີຍ ແລະ ຮູ້ບຸນຄຸນ ຂອງພະເທລະ ນຸເທລະ ທີ່ໄດ້ສະຫະປະກອບສ່ວນຊ່ວຍເຫຼືອສັງຄົມ ຫຼື ສັ່ງສອນຊາວສະນິກະຊົນ ຄົນຮຸ້ນໃໝ່ ຮູ້ໄດ້ເຖິງຄຸນງາມ ຄວາມດີ

 

ຕັ້ງໜ້າປະກອບສ່ວນເຂົ້າໃນວຽກງານຂອງການຈັດຕັ້ງ ຂອງພັກ ແລະ ລັດ ແລະ ຮຽກຮ້ອງມາຍັງຄະນະບໍລິຫານງານ ອພສ ແຂວງວຽງຈັນ ຊຸດໃໝ່ ຈົ່ງໄດ້ເອົາໃຈໃສ່ ຄຸ້ມຄອງ ພະສົງ ສາມະເນນ ວັດວາ ສາສະໜາ ໃຫ້ມີ ຄວາມສີວິໄລ

ເຕົ້າໂຮມ ຄວາມສາມັກຄີ ປຸກລະດົມທົ່ວປວງຊົນ ປະຕິບັດແນວທາງ ນະໂຍບາຍຂອງ ພັກ – ລັດ ,ສືບຕໍ່ບູລະນະ ບຳລຸງ ວັດວາ ສາສະໜາ ຢູ່ແຂວງວຽງຈັນ ໃຫ້ ມີຄວາມສີວິໄລດີຂື້ນເລື້ອຍໆ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031