Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຫ້ອງການສຶກສາທິການ- ກິລາ ເມືອງໂພນໂຮງ ແຂວງວຽງຈັນ ຈັດຊຸດຝຶກອົບຮົມວຽກງານ ວິຊາສະເພາະໃຫ້ແກ່ຄູພະລະສຶກສາ ທົ່ວເມືອງ

1 min read

ຫ້ອງການສຶກສາທິການ- ກິລາ ເມືອງໂພນໂຮງ ແຂວງວຽງຈັນ ຈັດຊຸດຝຶກອົບຮົມວຽກງານ ວິຊາສະເພາະໃຫ້ແກ່ຄູພະລະສຶກສາ ທົ່ວເມືອງ.

ເພື່ອເປັນການຍົກລະດັບ ຄວາມຮູ້ສາມາດ ວຽກງານວິຊາສະເພາະ ຂອງຄູພະລະສຶກສາທົ່ວເມືອງໂພນໂຮງໃຫ້ມີຮັບຮູ້ ແລະ ກຳໄດ້ຫລັກໃນການຈັດຕັ້ງປະຕິບັດວຽກງານກິລາທົ່ວເມືອງໃຫ້ດີຂື້ນ ໃນວັນທີ 15 -16 ກັນຍາ 2020 ນີ້ ຫ້ອງກການສຶກສາທິການ-ກິລາ ເມືອງໂພນໂຮງ ໄດ້ເປີດຊຸດຝຶກອົບຮົມໃຫ້ແກ່ ຄູພະລະສຶກສາທົ່ວເມືອງ ໂດຍພາຍໄຕ້ການເປັນປະທານຂອງ ທ່ານ ນາງ ບຸນເລີມ ແສງຈັນເພັດ ຮອງ ຫົວໜ້າ ຫ້ອງການສຶກສາທິການ-ກິລາ ເມືອງ , ມີ ບັນດາຄະນະຮັບຜິດຊອບຂັ້ນແຂວງ , ເມືອງ ແລະ ມີບັນດາ ຄູພາລະສຶກສາແຕ່ລະໂຮງຮຽນທົ່ວເມືອງເຂົ້າຮ່ວມ 32 ຄົນ .


ທ່ານ ຈັນທະສອນ ຈັນທະແສງ ຄະນະຮັບຜິດຊອບ ວຽກງານ ກິລາ ເມືອງໂພນໂຮງ ໄດ້ຕ່າງໜ້າໃຫ້ຄະນະຮັບຜິດຊອບການຈັດຊຸດຝຶກອົບຮົມເທື່ອນີ້ໃຫ້ຮູ້ວ່າ: ເພື່ອເປັນການພັດທະນາ ແລະ ຍົກລະດັບຂອງຄູພະລະສຶກສາ

ໃນການຈັດຕັ້ງປະຕິບັດວຽກງານກິລາ ຢູ່ແຕ່ລະໂຮງຮຽນຂອງເມືອງໃຫ້ໄດ້ຮັບຜົນດີ ແນ່ໃສ່ຍົກລະດັບ ຄວາມຮູ້ ຄວາມສາມາດ ຂອງບັນດາຄູພະລະສຶກສາ ໃຫ້ໄດ້ຮັບຄວາມຮູ້ໃໝ່ໂດຍສະເພາະ ດ້ານເຕັກນິກ , ການສື່, ການພັດທະນາກິລາ ,ວິທີການຈັດການແຂ່ງຂັນ ແລະ ບົດຮຽນ ອື່ນໆ ເພື່ອພ້ອມກັນປະຕິບັດວຽກງານກິລາຢູ່ເມືອງໂພນໂຮງໃຫ້ມີປະສິດທິພາບດີຂື້ນ.


ການຝຶກຄັ້ງນີ້ຈະໄດ້ດຳເນີນໄປເປັນເວລາ 2 ວັນ ຈຶ່ງຈະສຳເລັດຕາມແຜນການ

ຂ່າວ: ສຸເວດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031