Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມຄົ້ນຄວ້າປຶກສາຫາລືກັນການສ້າງຕັ້ງກຸ່ມຄ້າຂາຍຊາວຈີນປະຈຳແຂວງວຽງຈັນ (ທີ່ເມືອງວັງວຽງ)

1 min read

ກອງປະຊຸມຄົ້ນຄວ້າປຶກສາຫາລືກັນການສ້າງຕັ້ງກຸ່ມຄ້າຂາຍຊາວຈີນປະຈຳແຂວງວຽງຈັນ (ທີ່ເມືອງວັງວຽງ)


ວັນທີ 11 ກັນຍາ 2020 ນີ້, ຢູ່ທີ່ສະໂມສອນ ຊັ້ນ 3 ຂອງຫ້ອງການວ່າການປົກຄອງເມືອງວັງວຽງ ແຂວງວຽງຈັນ, ໄດ້ຈັດກອງປະຊຸມຄົ້ນຄວ້າປຶກສາຫາລືກັນການສ້າງຕັ້ງກຸ່ມຄ້າຂາຍຊາວຈີນປະຈຳແຂວງວຽງຈັນ (ທີ່ເມືອງວັງວຽງ),

ໂດຍການເຂົ້າຮ່ວມຂອງທ່ານ ບຸນຈັນ ມາລາວົງ ເລຂາພັກເມືອງ ເຈົ້າເມືອງໆວັງວຽງ, ມີທ່ານ ຄຳໄສ ສິດທິພອນ ຄະນະບໍລິຫານງານສະພາການຄ້າແຫ່ງຊາດ ປະທານສະພາການຄ້າແຂວງວຽງຈັນ, ມີບັນດາທ່ານກຳມະການພັກເມືອງ, ຫົວຫນ້າ-ຮອງຫົວຫນ້າຫ້ອງການ, ພະນັກງານທີ່ກ່ຽວຂ້ອງ, ກຸ່ມນັກການຄ້າຊາວຈີນປະຈຳແຂວງວຽງຈັນແລະ ຊາວຈີນທີ່ດຳເນີນທຸລະກິດຢູ່ໃນເມືອງວັງວຽງເຂົ້າຮ່ວມ.


ເພື່ອກຳນົດຫຼັກການເຄື່ອນໄຫວ,ເຕົ້າໂຮມບັນດາຊາວຄ້າຂາຍຊາວຈີນໃຫ້ເຂົ້າມາເປັນສະມາຊິກກຸ່ມດຽວກັນ ເພື່ອສະດວກໃນການຄຸ້ມຄອງ, ການປະຕິບັດລະບຽບກົດໝາຍຂອງ ສປປລາວ,ເພື່ອປົກປ້ອງຜົນປະໂຫຍດຂອງສະມາຊິກກຸ່ມ, ຈໍາກັດການຄ້າຂາຍນອກລະບົບ ບໍ່ຖືກຕ້ອງ ສອດຄ່ອງກັບລະບຽບກົດໝາຍ, ສ້າງຄວາມຮັບຮູ້ໃຫ້ສະມາຊິກໃນດ້ານນິຕິກຳຂອງ ສປປລາວ ເພື່ອຈັດຕັ້ງປະຕິບັດ.


ກອງປະຊຸມໃນຄັ້ງນີ້ຈະໄດ້ຮັບຟັງການລາຍງານຂອງຕາງໜ້າຄະນະຂົນຂວາຍສ້າງຕັ້ງກຸ່ມຄ້າຂາຍຊາວຈີນ, ເພື່ອຍົກໃຫ້ເຫັນບັນດາຂໍ້ສະດວກ, ຂໍ້ຫຍຸ້ງຍາກ, ບັນຫາ ແລະ ອຸປະສັກທີ່ຍັງມີຜົນກະທົບຕໍ່ການຂົນຂວາຍສ້າງຕັ້ງກຸ່ມໃນຄັ້ງນີ້. ກອງປະຊຸມໃນຄັ້ງນີ້ຍັງເປັນໂອກາດອັນດີທີ່ຈະໄດ້ພົບປະ ປຶກສາຫາລື, ສົນທະນາ,ຖອດຖອນ ແລກບົດຮຽນ ຊຶ່ງມັນຈະກາຍເປັນບົດຮຽນອັນລໍ້າຄ່າ ພ້ອມທັງເປັນການຍົກລະດັບຄວາມຮັບຮູ້,ຄວາມເຂົ້າໃຈອັນໃໝ່ໃຫ້ແກ່ພະນັກງານ ແລະ ຄະນະກຸ່ມ, ເພື່ອຈະນໍາເອົາໄປໝູນໃຊ້ເຂົ້າໃນວຽກງານຕົວຈິງໃນຂົງເຂດຄວາມຮັບຜິດຊອບ ໃຫ້ເກີດດອກອອກຜົນ ແລະ ບັນລຸຕາມເປົ້າໝາຍທີ່ວາງໄວ້.


ທ່ານ ຈາງຈຸນສຽງ ປະທານກຸ່ມນັກການຄ້າຊາວຈີນປະຈຳແຂວງວຽງຈັນ ໄດ້ໃຫ້ກຽດຂື້ນລາຍງານການກະກຽມການສ້າງຕັ້ງກຸ່ມຄ້າຂາຍຊາວຈີນຂອງເມືອງວັງວຽງ. ຈາກນັ້ນທ່ານ ວຽງສະຫວັນ ທອງເພັງບັນນາວົງ ທີ່ປຶກສາການຄ້າແຂວງວຽງຈັນ ໄດ້ຂື້ນເຜີຍແຜ່ ນິຕິກຳຮ່າງບົດບາດ ແລະ ກົດລະບຽບຂອງການສ້າງຕັ້ງກຸ່ມ, ຜ່ານມາດຖານລວມ ແລະ ເງື່ອນໄຂຄະນະກຸ່ມ, ຜ່ານລາຍຊື່ເປົ້າໝາຍຄະນະກຸ່ມຄ້າຂາຍຊາວຈີນ


ຕອນທ້າຍ, ທ່ານ ບຸນຈັນ ມາລາວົງ ເຈົ້າເມືອງໆວັງວຽງ ໄດ້ໃຫ້ກຽດໂອ້ລົມ ກ່ອນອື່ນໝົດທ່ານໄດ້ຍ້ອງຍໍຊົມເຊີຍມາຍັງ ກຸ່ມນັກການຄ້າຊາວຈີນທີ່ໄດ້ປະຕິບັດພັນທະ ແລະປະກອບສ່ວນເຂົ້າໃນຂັ້ນແຂວງ,ເມືອງແລະບ້ານ. ເພື່ອເປັນບ່ອນອີງ ໃນການເຄື່ອນໄຫວ ຈັດຕັ້ງປະຕິບັດ ຢູ່ໃນທ້ອງຖິ່ນ ຂອບເຂດຄວາມຮັບຜິດຊອບ ໃຫ້ຖືກຕ້ອງສອດຄ່ອງກັບລະບຽບກົດໝາຍ, ທັງເປັນການສ້າງເງື່ອນໄຂ ແລະ ການຮ່ວມມືກັນໃນເວລາຕິດຕາມການຈັດຕັ້ງປະຕິບັດເຄື່ອນໄຫວຂອງກຸ່ມໃຫ້ດໍາເນີນທຸລະກິດຖືກຕ້ອງສອດຄ່ອງກັບແນວທາງນະໂຍບາຍຂອງພັກ-ລັດ ແລະ ລະບຽບກົດໝາຍ.

ຂ່າວ: ເມືອງວັງວຽງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031