Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີ ສາມັກຄີກັນສ້າງຂະບວນການອອກແຮງງານລວມ ເພື່ອຕອບໂຕ້, ປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໄຂ້ເລືອດອອກ

1 min read

ເມືອງກາສີ ສາມັກຄີກັນສ້າງຂະບວນການອອກແຮງງານລວມ ເພື່ອຕອບໂຕ້, ປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໄຂ້ເລືອດອອກ


ວັັນທີ 10 ກັນຍາ 2020 ຜ່ານມານີ້ ບັນດາພະນັກງານ – ລັດຖະກອນ, ພໍ່ແມ່ປະຊາຊົນບັນດາບ້ານໃນເຂດເທດສະບານ ເມືອງກາສີ ມີຄູ-ອາຈານນ້ອງນ້ອຍນັກຮຽນຈາກໂຮງຮຽນ ມ.ສ ກາສີ ແລະ ມໍຕົ້ນນາມົນ. ໄດ້ພ້ອມພຽງຮຽງໜ້າກັນສ້າງຂະບວນການ ອອກແຮງງານລວມ ຢູ່ 3 ຈຸດໃຫຍ່ ຄື: ບ້ານ ນາມົນ ມີຜູ້ເຂົ້າຮ່ວມ 552 ຄົນ, ບ້ານ ພູຄໍາ 300 ກ່ວາຄົນ ແລະ ບ້ານ ວຽງແກ້ວ 1.200 ກ່ວາຄົນ. ໂດຍມີຄະນະນໍາຂັ້ນເມືອງເປັນຜູ້ນໍາພາ.

ນອກຈາກນີ້ຢູ່ພະນັກງານຢູ່ກົມກອງຫ້ອງການກໍ່ຍັງໄດ້ເຮັດອານາໄມປະດັບປະດາຕົບແຕ່ງຕົບແຕ່ງຕາມສຳນັກງານ, ຫ້ອງການ ຂອບເຂດບ້ານຕ່າງໆ ການອອກແຮງງານຄັ້ງນີ້ ໄດ້ພ້ອມກັນ ເຮັດອານາໄມເກັບຂີ້ເຫຍື້ອ, ກະໂປະກະປ່ອງ, ຖາງຫຍ້າແຄມທາງ ແລະ ທຳລາຍໜອນນ້ຳ ເພື່ອຮັບປະກັນບໍ່ໃຫ້ມີແຫຼ່ງເພາະພັນຍຸງລາຍ ຈາກນັ້ນ ທາງທີມງານຈາກຫ້ອງການສາທາລະນະສຸກເມືອງກໍ່ໄດ້ແຈກຢາຍຢາຂ້າໜອນນ້ຳ ພ້ອມທັງອະທິບາຍວິທີການທໍາລາຍໜອນນ້ຳໃຫ້ແກ່ປະຊາຊົນອີກດ້ວຍ ພ້ອມດຽວກັນນັ້ນ ແຕ່ລະຄອບຄົວໂດຍສະເພາະຄອບຄົວທີ່ເກັບນ້ຳໃຊ້ໃວ້ໃນອຸ, ແອ່ງ, ໄຫ ຕ້ອງໃຊ້ຝາປິດພາຊະນະດັ່ງກ່າວໃຫ້ແຈບ ແລະ ໝັ່ນປ່ຽນຖ່າຍນ້ຳຢູ່ຕະຫຼອດ ເພື່ອບໍ່ໃຫ້ຍຸງລາຍວາງໄຂ່ໃສ່.

ພ້ອມນັ້ນ ກໍ່ຍັງໄດ້ມີການພົ່ນຢາຂ້າຍຸງລາຍ ຕາມຂອບເຂດບ້ານເຮືອນຊານ ຂອງປະຊາຊົນຕື່ມອີກ. ຈຸດປະສົງໃນການອອກແຮງງານໃນຄັ້ງນີ້ ແມ່ນເພື່ອເປັນການຕອບໂຕ້, ປ້ອງກັນ ແລະ ສະກັດກັ້ນການແຜ່ລະບາດ ຂອງພະຍາດໄຂ້ເລືອດອອກ ແລະ ຍັງເປັນການສ້າງຂະບວນການຕ້ອນຮັບວັນສຳຄັນຕ່າງໆຂອງພັກ ຂອງຊາດ ໂດຍສະເພາະກໍ່ແມ່ນຂ່ຳນັບຮັບຕ້ອນກອງປະຊຸມໃຫຍ່ ຄັ້ງທີ VI ຂອງຜູ້ແທນອົງຄະນະພັກແຂວງວຽງຈັນ ທີ່ຈະໄຂຂື້ນໃນມໍ່ໆນີ້.

ເຂົ້າຮ່ວມໃນການສ້າງຂະບວນການອອກແຮງໃນຄັ້ງນີ້ ມີທ່ານ ຄຳອ້ວນ ສຸວັນທອງ ຮອງເຈົ້າເມືອງໆກາສີ, ມີຫົວໜ້າຫ້ອງການພາຍໃນເມືອງ, ພະນັກງານ-ລັດຖະກອນ, ທະຫານ-ຕຳຫຼວດ, ນ້ອງນັກຮຽນ ພ້ອມດ້ວຍພໍ່ແມ່ປະຊາຊົນ ເຂົ້າຮ່ວມຢ່າງພ້ອມພຽງ,

(ຂ່າວ ເມືອງກາສີ)

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930