Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະກຳມະການຄຸ້ມຄອງສິ່ແວດລ້ອມແຂວງວຽງຈັນລົງຕິດຕາມຊຸກຍູ້ວຽກງານຢູ່ບໍລິສັດນ້ຳລີກ 1 – 2

1 min read

ຄະນະກຳມະການຄຸ້ມຄອງສິ່ແວດລ້ອມແຂວງວຽງຈັນລົງຕິດຕາມຊຸກຍູ້ວຽກງານຢູ່ບໍລິສັດນ້ຳລີກ 1 – 2.


ໃນທ້າຍອາທິດທີ່ຜ່ານມາ ຄະນະກຳມະການຄຸ້ມຄອງສິ່ງແວດລ້ອມ ແຂວງວຽງຈັນ ນຳໂດຍ ທ່ານ ບົວພັນ ສີວົງໄຊ ຮອງຫົວໜ້າພະແນກ ຊັບພະຍາກອນທຳມະຊາດ ແລະສິ່ງແວດລ້ອມ ພ້ອມດ້ວຍຕາງໜ້າຂະແໜງການກ່ຽວຂ້ອງຂັ້ນແຂວງ ໄດ້ລົງມາສົມທົບກັບ ອົງການປົກຄອງເມືອງເຟືອງ

ໂດຍ ທ່ານ ອາດ ວິໄລພົນ ກຳມະການພັກເມືອງ ຫົວໜ້າຫ້ອງວ່າການເມືອງ ພ້ອມດ້ວຍຄະນະກຳມະການ ຄຸ້ມຄອງ ສິິ່ງແວດລອ້ມ ຂັ້ນເມືອງ .

ຈຸດປະສົງ ເພຶ່ອລົງມາຈັດກອງປະຊຸມປຶກສາຫາລື ຮ່ວມກັບບໍລິສັດ ທັງເປັນການຕິດຕາມ ແລະຊຸກຍູ້ການປະຕິບັດ ພັນທະດ້ານສິ່ງແວດລ້ອມ ຂອງບໍລິສັດໄຟຟ້ານ້ຳລີກ 1-2 ຈຳກັດ ຢູ່ເມືອງເຟືອງ, ເຊິ່ງໄດ້ຮັບການຕ້ອນຮັບ ຈາກ ທ່ານ ຫວັງຊີຫົງ ປະທານບໍລິສັດ, ມີຮອງປະທານ ແລະພະນັກງານວິຊາການຢູ່ບໍລິສັດນ້ຳລີກ 1-2 ຈຳກັດໄດ້ພ້ອມກັນເຂົ້າຮ່ວມ.

ກອງປະຊຸມຄັ້ງນີ້ ໄດ້ຮັບຟັງການລາຍງານກ່ຽວກັບສະພາບລວມ, ປະຕິບັດຄຸ້ມຄອງ ສິ່ງແວດລ້ອມ-ສັງຄົມ ໃນໄລຍະຜ່ານມາ ລວມທັງແຜນການໃນຕໍ່ຫນ້າ, ພ້ອມກັນນີ້ ພາກສ່ວນທີ່ເຂົ້າຮ່ວມຍັງໄດ້ຍົກ ເອົາຫຼາຍບັນຫາ ທີ່ຕິດພັນກັບການຄຸ້ມຄອງສິ່ງແວດລ້ອມ – ສັງຄົມຂື້ນມາປຶກສາຫາລື ຜັດປ່ຽນກັນປະກອບ ຄຳຄິດ ຄຳເຫັນ ເພຶ່ອແນໃສ່ສ້າງໃຫ້ບໍລິສັດ ນ້ຳລີກ 1-2 ນີ້ ກາຍເປັນໂຄງການຕົວແບບ ໃນການຄຸ້ມຄອງສິ່ງແວດລ້ອມ-ສັງຄົມ ໃນຕໍ່ໜ້າ, ການລົງມາເຮັດວຽກຄັ້ງນີ້ຂອງຄະນະກຳມະການຈຶ່ງໄດ້ເອກະພາບກັນຄື: ໃຫ້ບໍລິສັດສຳເນົາເອກະສານບົດລາຍງານແຜນການຄຸ້ມຄອງສິ່ງແວດລ້ອມ-ສັງຄົມ ໃຫ້ພາກສ່ວນທີ່ກ່ຽວຂ້ອງເພຶ່ອຕິດຕາມກວດກາ, ບໍລິສັດມີຄວາມຍິນດີຮ່ວມມືກັບຄະນະກຳມະການ ໃນການສ້າງໂຄງການຕົວແບບ

ໂດຍກຳນົດເອົາທຸກໆ 3 ເດືອນ ເປັນການເຄື່ອນໄຫວຂອງຄະນະກຳມະການ, ບໍລິສັດຕ້ອງໄດ້ເພີ່ມເວລາໃນການແຈ້ງເຕືອນກ່ອນ 2-3 ວັນ ໃຫ້ອົງການປົກຄອງເມືອງ, ບ້ານ ໄດ້ຮັບຮູ້ກ່ອນການ ປິດ-ເປີດນ້ຳ ເພຶ່ອຫຼີກລ່ຽງຕໍ່ຜົນກະທົບ ຕໍ່ລະບົບນິເວດ ວິທະຍາ ຊີວະນາໆພັນ, ການພັດທະນາແຫຼ່ງທ່ອງທ່ຽວ ແລະການດຳລົງຊີວິດຂອງປະຊາຊົນ ລຽບຕາມສາຍນ້ຳລີກ ແລະສຸດທ້າຍຄະນະກຳມະການ ແລະບໍລິສັດ ຍັງໄດ້ເອກກະພາບກັນ ຄົ້ນຄ້ວາເນື້ອທີ່ດິນ ເພຶ່ອຮອງຮັບການປູກຕົ້ນໄມ້ຕາມແຜນຂອງບໍລິສັດ ເປັນການຟື້ນຟູ, ແລະສ້າງຄວາມສົມດູນ ໃຫ້ທຳມະຊາດມີຄວາມອຸດົມສົມບູນ ແລະຍືນຍົງອີກດ້ວຍ.

ຂ່າວ:ຄຳລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031