Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງວັງວຽງ ແຂວງວຽງຈັນເປີດກອງປະຊຸມຊຸກຍູ້ການປະເມີນວຽກງານ 3 ສ້າງ

1 min read

ເມືອງວັງວຽງ ແຂວງວຽງຈັນເປີດກອງປະຊຸມຊຸກຍູ້ການປະເມີນວຽກງານ 3 ສ້າງວັນທີ 11 ກັນຍາ 2020 ທີ່ຜ່ານມາ, ຢູ່ທີ່ສະໂມສອນໃຫຍ່ຂອງເມືອງດັ່ງກ່າວ ໄດ້ເປີດກອງປະຊຸມຊຸກຍູ້ການປະເມີນວຽກງານ 3 ສ້າງຂຶ້ນ,

ໂດຍພາຍໃຕ້ການເປັນປະທານຮ່ວມ ຂອງ ທ່ານ ນາງ ຈັນທະບູນ ໂພສະລາດ ກຳມະການພັກແຂວງ ຫົວໜ້າພະແນກ ພາຍໃນ ແຂວງວຽງຈັນ, ມີທ່ານ ບຸນຈັນ ມາລາວົງ ເລຂາພັກເມືອງ ເຈົ້າເມືອງໆວັງວຽງ, ມີບັນດາຄະນະປະຈໍາພັກເມືອງ, ກໍາມະການພັກເມືອງ ແລະ ບັນດາຄະນະກໍາມະການຂັ້ນເມືອງເຂົ້າຮ່ວມ ຢ່າງພ້ອມພຽງ.


ທ່ານ ນິລັດໄຊ ທຳມະວົງ ກໍາມະການພັກເມືອງ ຫົວໜ້າຫ້ອງການພາຍໃນເມືອງ ໄດ້ຂຶ້ນຜ່ານບົດລາຍງານຫຍໍ້ ການຈັດຕັ້ງປະຕິບັດວຽກງານປະເມີນເມືອງ ເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ຂຶ້ນ, ເຊິ່ງຄະນະພັກ, ອົງການປົກຄອງຂັ້ນເມືອງ ໄດ້ເອົາໃຈໃສ່ປະຕິບັດຕາມທິດຫັນລົງກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ, ຕິດພັນກັບວຽກງານ 3 ສ້າງ, ຕາມ 4 ເນື້ອໃນ 4 ຄາດໝາຍ ດ້ວຍການແບ່ງຄວາມຮັບຜິດຊອບ ໃຫ້ແກ່ບັນດາສະຫາຍຄະນະພັກເມືອງ, ພະນັກງານຫຼັກແຫຼ່ງລົງຊີ້ນໍາ – ນໍາພາຢູ່ແຕ່ລະກຸ່ມບ້ານ, ບ້ານເປົ້າໝາຍ 3 ສ້າງ ແລະ ບັນດາບ້ານໃນທົ່ວເມືອງ,

ໂດຍຖືເອົາການຊຸກຍູ້ການຜະລິດເປັນສິນຄ້າ ຕິດພັນກັບການຈັດສັນອາຊີບຄົງທີ່ໃຫ້ແກ່ປະຊາຊົນ, ເຊິ່ງສາມາດເຮັດໃຫ້ບັນດາພື້ນຖານໂຄງລ່າງຢູ່ຂັ້ນບ້ານໄດ້ຮັບການປັບປຸງດີຂຶ້ນ, ຂະບວນການສ້າງບ້ານແບບຢ່າງຕ່າງໆໄດ້ຮັບການຈັດຕັ້ງປະຕິບັດຢ່າງຟົດຟື້ນ, ກອງທຶນພັດທະນາ ແລະ ກອງທຶນຕ່າງໆຢູ່ພາຍໃນບ້ານໄດ້ມີຄວາມເຂັ້ມແຂງ ແລະ ຂະຫຍາຍຕົວຢ່າງຕໍ່ເນື່ອງ, ລະບົບການເມືອງປະຊາທິປະໄຕປະຊາຊົນຢູ່ຂັ້ນຮາກຖານ ໄດ້ມີຄວາມເຂັ້ມແຂງ ແລະ ໜັກແໜ້ນ.

ທົ່ວເມືອງມີ 61 ບ້ານ, ມີ 11.410 ຄອບຄົວ, ມີພົນລະເມືອງທັງໝົດ 62.932 ຄົນ, ຍິງ 30.938 ຄົນ, ມີ 11 ຄະນະພັກຮາກຖານ, ມີ 127 ໜ່ວຍພັກ, ມີສະມາຊິກພັກທັງໝົດ 2.2010 ສະຫາຍ, ຍິງ 825 ສະຫາຍ, ສຳຮອງ 115 ສະຫາຍ, ຍິງ 56 ສະຫາຍ ແລະ ໄດ້ປະກາດເປັນໜ່ວຍພັກເຂັ້ມແຂງຮູ້ນຳພາຮອບດ້ານ 47 ໜ່ວຍ ຫຼື = 37 %, ແລະສາມາດນໍາພາຂະບວນການສ້າງບ້ານພັດທະນາຕາມ 4 ເນື້ອໃນ 4 ຄາດໝາຍ ເຊີ່ງປະຈຸບັນປະກາດເປັນບ້ານພັດທະນາແລ້ວ 22 ບ້ານ. ໄດ້ປະກາດຮັບຮອງເປັນບ້ານປອດຢາເສບຕິດ 35 ບ້ານ, ຮັບຮອງຄອບຄົວບ້ານປ້ອງກັນຄວາມສະຫງົບດີ 17 ບ້ານ. ປະຈຸບັນເມືອງວັງວຽງສາມາດລົບລ້າງບ້ານທຸກຍາກໄດ້ສຳເລັດ, ຍັງມີຄອບຄົວທຸກຍາກ 60 ຄອຍຄົວ ຫຼື =0,53 %ຂອງຄົວເຮືອນທັງໝົດ,

ໄດ້ຊຸກຍູ້ປະເມີນບ້ານພັດທະນາຕາມດໍາລັດ 309/ນຍ ສໍາເລັດ ຈຳນວນ 22 ບ້ານ ຫຼື =37% ຂອງຈຳນວນບ້ານທົ່ວເມືອງ, ມີຄອບຄົວພັດທະນາ 4.177 ຄອບຄົວ ແລະ ໄດ້ປະກາດຈົບມັດທະຍົມຕົ້ນບຳລຸງໃນທົ່ວເມືອງ. ໄດ້ປະກາດເປັນບ້ານແບຢ່າງທາງດ້ານສາທາລະນະສຸກຈໍານວນ 46 ບ້ານ ຫຼື = 79% ຂອງຈໍານວນບ້ານທັງໝົດ.


ກອງປະຊຸມ ຍັງໄດ້ພ້ອມກັນຄົ້ນຄວ້າປະກອບຄໍາຄິດຄໍາເຫັນເພື່ອແລກປ່ຽນ ແລະ ຖອດຖອນບົດຮຽນຮ່ວມກັນເພື່ອຮັບປະກັນການຈັດຕັ້ງໃຫ້ມີຄວາມຖືກຕ້ອງ ແລະ ເປັນບົດຮຽນບ່ອນອີງທີ່ສໍາຄັນໃນການປະເມີນເມືອງເປັນຫົວໜ່ວຍເຂັ້ມແຂງຮອບດ້ານໃນຕໍ່ໜ້າ.


ໃນຕອນທ້າຍກອງປະຊຸມ ຍັງໄດ້ຮັບຟັງການມີຄໍາເຫັນໂອ້ລົມຈາກຄະນະປະທານ, ເຊິ່ງໄດ້ຮຽກຮ້ອງມາຍັງບັນດາສະຫາຍ ຄະນະພັກ, ອົງການຈັດຕັ້ງຕ່າງໆ ຕະຫຼອດຮອດບັນດາຄະນະກໍາມະການຂັ້ນເມືອງ, ຈົ່ງໄດ້ເອົາໃຈໃສ່ສືບຕໍ່ເປັນເຈົ້າການຊີ້ນໍາ-ນໍາພາ, ຕິດຕາມ-ກວດກາ, ລາຍງານໃຫ້ທ່ວງທັນກັບສະພາບການ, ຮັບປະກັນໃຫ້ມີຄວາມເປັນເອກະພາບ ແລະ ຖືກຕ້ອງຕາມທິດຊີ້ນໍາຂອງຂັ້ນເທິງໄດ້ກໍານົດໄວ້.

ຂ່າວ: ເມືອງວັງວຽງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930