Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ບໍລິສັດນ້ຳສະນາ 2 ມອບເງີນຊົດເຊີຍຜົນກະທົບຈາກໂຄງການພັດທະນາເຂື່ອນໄຟຟ້າມູນຄ່າ 1.450.127.250 ກີບ

1 min read

ບໍລິສັດນ້ຳສະນາ 2 ມອບເງີນຊົດເຊີຍຜົນກະທົບຈາກໂຄງການພັດທະນາເຂື່ອນໄຟຟ້າມູນຄ່າ 1.450.127.250 ກີບ.


ພິທີມອບ-ຮັບເງີນຊົດເຊີຍຜົນກະທົບ ຈາກໂຄງການພັດທະນາເຂື່ອນໄຟຟ້ານ້ຳສະນາ 2 ຂອງບໍລິສັດ ນ້ຳສະນາ 2 ໄດ້ຈັດຂື້ນໃນຕອນເຊົ້າຂອງວັນທີ 15 ກັນຍາ 2020 ຢູ່ທີ່ຫ້ອງປະຊຸມ ຂອງຫ້ອງການພະລັງງານ ແລະ ບໍ່ແຮ່ເມືອງກາສີ, ໂດຍການເປັນກຽດເຂົ້າຮ່ວມຂອງ ທ່ານ ສີທົນ ແສງພະຈັນ ເລຂາພັກເມືອງ ເຈົ້າເມືອງໆກາສີ, ມີທ່ານ ຫຼິວເຫວີນຜິງ ອຳນວຍການບໍລິສັດ ນ້ຳສະນາ 2 ພ້ອມດ້ວຍຄະນະ, ມີຫົວໜ້າຫ້ອງການ-ພະນັກງານທີ່ກ່ຽວຂ້ອງ ແລະ ພໍ່ແມະປະຊາຊົນ ຜູ້ທີ່ຖືກຜົນກະທົບເຂົ້າຮ່ວມຢ່າງພ້ອມພຽງ.

ທ່ານ ວັນດີ ວົງພະຈັນ ກຳມະການພັກເມືອງ ຫົວໜ້າຫ້ອງການພະລັງງານ ແລະບໍ່ແຮ່ເມືອງກາສີ ໄດ້ກ່າວຕໍ່ພິທີວ່າ: ໂຄງການພັດທະນາ ເຂື່ອນໄຟຟ້ານ້ຳສະນາ 2 ມີທີ່ຕັ້ງຢູ່ບ້ານນ້ຳພົດ ເມືອງກາສີ ແຂວງວຽງຈັນ ຫ່າງຈາກເທດສະບານ ເມືອງປະມານ 07 ກິໂລແມັດ. ບໍລິສັດ ໄດ້ເຊັນ (MOU) ກັບອຳນາດການປົກຄອງແຂວງວຽງຈັນ ໃນຄັ້ງວັນທີ 24 ພຶດສະພາ 2015 ແລະ ເຊັນສັນຍາສຳປະທານ (CA) ໃນຄັ້ງວັນທີ 06 ມີນາ 2019, ໃນໄລຍະຜ່ານມາທາງບໍລິສັດໄດ້ສົມທົບກັບ ວິຊາການທີ່ກ່ຽວຂ້ອງຂັ້ນແຂວງ-ຂັ້ນເມືອງ, ອຳນາດການປົກຄອງບ້ານນ້ຳພົດ ແລະ ພໍ່ແມ່ປະຊາຊົນ ລົງເກັບກຳຂໍ້ມູນຜົນກະທົບທາງດ້ານ ສິ່ງແວດລ້ອມ-ສັງຄົມ,

ພ້ອມນັ້ນ ຄະນະກຳມະການຂັ້ນແຂວງ-ຂັ້ນເມືອງ ກໍໄດ້ສົມທົບກັບ ອຳນາດ ການປົກຄອງບ້ານ ແລະ ປະຊາຊົນຜູ້ທີ່ຖືກຜົນກະທົບຕົວຈິງ ເພື່ອຕົກລົງເປັນເອກະພາບກັນ ທາງດ້ານຫົວໜ່ວຍລາຄາ ໃນການຊົດເຊີຍຄ່າເສຍຫາຍ ຄື: ດິນກະສິກຳທີ່ມີເອກະສານສິດນຳໃຊ້ ແມ່ນຕົກລົງກັນເອົາ 3.000 ກີບ/ຕາແມັດ, ດິນກະສິກຳທີ່ບໍ່ມີເອກະສານ ແຕ່ປະຊາຊົນຈັບຈອງ ທຳການຜະລິດ ແມ່ນຕົກລົງກັນເອົາ 2.750 ກີບ/ຕາແມັດ, ສ່ວນວ່າຜົນລະປູກປະເພດຕົ້ນໄມ້ຕ່າງໆ ແມ່ນເອກະພາບກັນເອົາຕາມຂໍ້ຕົກລົງວ່າດ້ວຍ: ການທົດແທນຜົນເສຍຫາຍແລວສາຍສົ່ງ 115 ກວ ສະຖານີບ້ານດອນ-ໂນນໄຮ ສະບັບເລກທີ 306/ພບ.ວຈ ລົງວັນທີ 26 ມີນາ 2019.

ໂຄງການພັດທະນາເຂື່ອນໄຟຟ້ານ້ຳສະນາ 2 ມີປະຊາຊົນບ້ານນ້ຳພົດ ໄດ້ຮັບຜົນກະທົບທັງໝົດ ຈຳນວນ 39 ຄອບຄົວ ແລະ ດິນລວມບ້ານ 01 ຕອນ, ມີເນື້ອທີ່ທັງໝົດ 374,303 ຕາແມັດ ແລະ ຜົນລະປູກຕົ້ນ ໄມ້ຈຳນວນໜຶ່ງ ລວມມູນຄ່າຊົດເຊີຍທັງໝົດ 1.450.127.250 ກີບ, ເຊີ່ງຈຳນວນເງິນດັ່ງກ່າວນີ້ ທາງບໍລິສັດກໍ່ໄດ້ມອບໃຫ້ປະຊາຊົນເປັນ 2 ງວດ. ສ່ວນວ່າງວດທີ 1 ໄດ້ມອບໃນຄັ້ງວັນທີ 8 ກໍລະກົດ 2020 ຈຳນວນເງິນ 725.063.625 ກີບ ແລະ ຄັ້ງນີ້ເປັນຄັ້ງທີ 2 ເຊີ່ງໃຫ້ກຽດກ່າວມອບ ໂດຍ ທ່ານ ຫຼິວເຫວີນຜິງ ອຳນວຍການບໍລິສັດ ນ້ຳສະນາ 2 ແລະ ຂື້ນຮັບໂດຍ ແມ່ນປະຊາຊົນຜູ້ທີ່ໄດ້ຮັບຜົນກະທົບຈາກໂຄງການ ໂດຍຊ້ອງໜ້າກັບການນຳຂັ້ນເມືອງ, ພະນັກງານທີ່ກາວຂ້ອງ ເຂົ້າຮ່ວມເປັນສັກຂີພິຍານ.

ໃນໂອກາດດັ່ງກ່າວ ທ່ານ ສີທົນ ແສງພະຈັນ ເຈົ້າເມືອງໆກາສີ ໄດ້ມີຄຳເຫັນຕໍ່ພິທີ ເຊີ່ງທ່ານໄດ້ກ່າວສະແດງຄວາມຊົມເຊີຍ ຕໍ່ຄະນະກຳມະການ ຂັ້ນແຂວງ-ຂັ້ນເມືອງ ກໍທີມງານບໍລິສັດ ຕະຫຼອດຮອດພໍ່ແມ່ປະຊາຊົນທີ່ໄດ້ເອົາໃຈໃສ່ ໃຫ້ການຮ່ວມມື ໃນການເກັບກຳຂໍ້ມູນ ເປັນເອກະພາບກັນ ເຮັດໃຫ້ການທົດແທນຜົນເສຍຫາຍມີຄວາມຖືກຕ້ອງ ແລະ ຍຸດຕິທຳກັບທັງສອງຝ່າຍ, ສຳລັບພໍ່ແມ່ປະຊາຊົນຜູ້ທີ່ໄດ້ຮັບເງີນຊົດເຊີຍໃນຄັ້ງນີ້ ກໍຕ້ອງໄປລຸລ່ວງໃຫ້ ຄອບຄົວຂອງຕົນໄດ້ຮັບຮູ້ນຳກັນ

ພ້ອມທັງນຳໃຊ້ເງິນດັ່ງກ່າວເຂົ້າໃນການສ້າງສາ ພັດທະນາຄອບຄົວ ຂອງຕົນໃຫ້ເກີດປະໂຫຍດຢ່າງສູງສຸດ; ສ່ວນວ່າບໍລິສັດພາຍຫຼັງທີ່ສຳລັດການຊົດເຊີຍ ໃຫ້ແກປະຊາຊົນແລ້ວ ກໍໃຫ້ຮີບຮ້ອນຈັດຕັ້ງປະຕິບັດໂຄງການ ໃຫ້ຖືກຕ້ອງຕາມລະບຽບຫຼັກການ ຂັ້ນຕອນ, ຖືກຕາມຮູບແບບເຕັກນິກ ມາດຕະຖານ ທີ່ຂັ້ນເທີງໄດ້ອະນຸມັດ.

(ຂ່າວ: ເມືອງກາສີ)

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031